Juan 8:43 - Dios Iwene

⁴³ Ina yöawinobe: —Ökwödöma ötjö yötawi̧ a̧ja̧kwö jwiinö kwöpöjödaduwobetjö̧ kwöwaisachibaduwokobe.

Juan 8:43 Iomraidhean Croise

Proverbios 28:5

Ja̧danö, ju'wibi yötawa: Sulabenö omukwatadöma jojodökwö otiwanö tjö̧joböma wajwibadö, jweinöda yöba̧lö. Jo̧kwaijayonö Dios wei̧ tja̧ja̧kwobö ösödadöma jojodökwö otiwanö tjö̧joböma jwiinö waisadö. Otiwanö, jweinöda yöba̧lö ju̧kwadö.

Isaías 44:18

Jobekwö ja̧badöma wajwibadö, ja̧danö okwa jawa waisachiböködö chömöledö. Jau, tjöbajalebiya tjewawadö ja̧nö, edöködö, ja̧danö tjomukwati̧ma, okwa jawa omukwatö waisachiböködö.

Isaías 6:9

Chatadiökwe, —Jau, 'ya̧wi. Israel jojodönö yöbawaji baikwö: –Tupakwönönö yötawi̧ kwa̧ja̧kwaduwakwedöja, jo̧kwaijayonö yötawaja̧ okwa jawama, wajwiköbaduwakwedöja. Ja̧danö chi̧sȩbi̧ jawa kwedaduwakwedöja, jo̧kwaijayonö chi̧sȩbi̧ okwa jawa edöma kwöwaisachibaduwökakwedöja, –jö̧ba̧lö yökawodönö.

Mateo 13:15

tjomukwati̧ma omukwatöködö batjibinobetjö̧, ja̧danö tjölakiyu tumachajawö̧ batjibinobetjö̧, ja̧danö tjöbajale yi̧batadö batjibinobetjö̧. Jejenö baibinökötjö̧ma, otiwanö tjedo jö̧tja̧lena, ja̧danö otiwanö tja̧ja̧kwo jö̧tja̧lena, ja̧danö otiwanö tjomukwato jö̧tja̧lena, ja̧danö sulabenö tjomukwati̧ kabatibö, ötjönö tjösödena, jejenö tjösödi̧tjö jobadö tjö'wöchi̧ otidö lotakobetjö̧, jö̧ba̧lö laebobe Isaías iwȩyudinama.

Juan 5:25

Isabenö yötawa. Böjȩnö ju̧kwadö, tjo̧'wo̧ luwo̧ okwanö wobinadödanö ju̧kwadötjö ju'wedöma, Dios Itji̧ yöawi̧ a̧ja̧kwö tjösödakwedö, ötjöda yötawi̧ma. Ja̧danö, babebi ötjö, Dios Itji̧ yötawi̧ a̧ja̧kwö tjösödobe. Ja̧danö, ötjö yötawi̧ a̧ja̧kwö ösödadöma, wobajaletjö tjebachajadödanö ja̧nö, ba̧kwȩlö̧jatebö ja̧kwawa juna̧ladö batjibakwedö— yöawinobe Jesúsma.

Juan 5:43

Ja̧danö, Chabe'do weinobe ötjönöma, böjȩkwö chichobö. Böjȩkwö chichobö weinajayonö kwöpöjödaduwobe ötjönöma. Jo̧kwaijayonö, jelo̧, itedada omukwati̧ omukwatö icho̧nö edö, Iteda Dios weinökwe, jö̧ba̧lö, jo̧banö kwösödaduwobe.

Juan 6:60

Jesús öba̧ja̧di̧ waisachadö, jo̧bakwö ba̧jekwadö kwebachadötjö ju'wedöma, Jesús yöawi̧ a̧ja̧kwö tjöpöjödinobe, Biya̧ yöawi̧ma waiya, ¿dakwö ja̧dobö biya̧ wei̧ma? jö̧ba̧lö.

Juan 7:17

Ja̧danö, Dios ösödi̧ ösödadöma, ötjö yötawi̧ a̧ja̧kwö, ötjö chomukwati̧ yötawojobö, Dios omukwati̧da yötawojobö, tjöwaisachibakobe.

Juan 8:27

Ja̧danö, Jesús yöawi̧ma tja̧ja̧kwijayonö do̧tjatibinokobe, Aaa, jo̧ba webinama Dabe'do Diosda, jö̧ba̧lö.

Juan 8:33

Jejenö yöawiawö̧: —¿Dakwö yöka̧laja̧daja? Ökwödöma nu'yö di̧batö tjödinawö̧danö la'akatjöda jö̧ködösa. Ökwödöma Abrahamtjö tupadanö jojodösa. La'akatjöda dö̧jokobe jelo̧ wei̧da a̧ja̧kwöma. ¿Dakwö yökawobe, Ökwödö kwuluwo̧duwi wei̧tjö lakebaduwinö bakibaduwakwedöja, jö̧ba̧lö?— jö̧tja̧liökwe:

Juan 8:39

Jejenö yöawiawö̧: —Omöna yöka̧la. Ökwödö da'döminema Abraham—yötjawiökwe: —Ökwödöma Abrahamtjö tupadanö jojodököbaduwitjö̧ma, Abraham omukwatö ö̧jinadanö omukwatö kwö̧jaduwena.

Hechos 7:51

Ina yöbawijetö: Ökwödöma kwuuduwi 'dibadöja. Kwomajadeduwinö do̧batökönö kwö̧jaduwobe. Kabatökönö kwa̧ja̧kwaduwokobe Dios O̧'wo̧ Luwo̧ öba̧jadi̧ma, da'dödömine tja̧ja̧kwinöködanö.

Romanos 3:11

Ja̧danö, isabenö waisadöbi deobe, Diosnö isakwö ösödadöbi deobe.