Juan 8:38 - Dios Iwene

³⁸ Ja̧danö, ötjö yötawi̧ma Chabe'do ötjönö i̧sebinama. Ja̧danö, ökwödö ja̧köbaduwi̧ma ökwödö kwabe'doduwi wei̧ a̧ja̧kwö, ötjönö kwabö loköbaduwoböma isakwaduwadöja— yöawinobe Jesúsma, jobadöma Abraham i̧tji̧mudanö jö̧ködö, jelo̧, Awetja i̧tji̧mudanö ja̧dö, jö̧ba̧lö.

Juan 8:38 Iomraidhean Croise

Mateo 3:7

Israel jojodö tjuluwedö fariseo jojodö ötjabiwö̧tjöbi, saduceo jojodö ötjabiwö̧tjöbi ju'wedö tjichinobe, jobadönöbi Juan ojwenö ubu̧dato jö̧ba̧lö. Jo̧kwaijayonö, sulabenö tjomukwati̧ kabatibö balewachökönö ojwenö bu̧datakwawa abebö tjichiökwe, Juanma jobadönö yöawinobe: —Ökwödöma sulabedöja a̧ko̧'dö̧ nibadödanö, ja̧danö sulabenö kwomukwataduwi̧ balewachökönö, Dios lȩebakwa̧tjö kwö̧jibaduwobö omukwatadöja.

Juan 14:10

Felipe ¿wajwiköbiji̧? Dabe'do Diosbi, ötjöbi bakwo̧dabo̧sa. Ötjö yötawi̧ma ötjöda chomukwati̧ma yötawokobe. Dabe'do Dios yöawi̧da yöbawo̧sa. Bakwo̧dadobetjö̧ ötjö otidi̧ma Dabe'do Diosda otidobe, iteda ösödi̧ma—yöawinobe Jesúsma—.

Juan 14:24

Ötjönö öpöjödadöma ötjö yötawi̧ a̧ja̧kwö ja̧böködö. Ja̧danö, ötjö yötawi̧ma ötjö chomukwati̧maökö, Chabe'do, ötjönö webina omukwati̧da.

Juan 17:8

Ja̧danö ökwö yökawi̧ yötawawö̧ tjösödijatö. Isabenö tjöwaisachibijatö, Jesúsma Dios ö̧jobetjö ichina, jö̧ba̧lö. Jejenö waisö ötjönö tjösödijatö, Bitema Dios weinökwe, jö̧ba̧lö—aebinobe Jesúsma Abe'donö.

Juan 3:32

Jo̧bama mölejȩ jawa ediabinabi, a̧ja̧kwiabinabi yöawijayonö jojodöma tjöpöjödobe— yöawinobe—.

Juan 5:19

Ja̧danö, Jesúsma yöawinobe jobadö judío la'aka luwedönö: —Isabenö yötawa. Ötjödada chomukwati̧ otidö̧kö̧sa. Ötjöma Chabe'do otidi̧ edö, bakwainö otido̧sa ötjöma— yöawinobe—.

Juan 5:30

Ja̧danö, ötjöma ötjödada chomukwati̧dama lȩbebö̧kö̧sa. Dios wei̧da a̧ja̧kwo̧sa. Ötjö jojodönö lȩtebakwa̧ma, Dios omukwatö wei̧da lȩtebakwo̧sa. Ja̧danö, ötjö chomukwati̧maökö, ötjönö webina omukwati̧da lȩtebobetjö̧, jweinö omukwatö lȩtebakwo̧sa. Ötjöma ötjödada chomukwati̧danö jö̧könö Dios omukwati̧danö omukwatö jo̧sa— yöawinobe Jesúsma judío la'aka luwedönöma.

Juan 8:26

Ja̧danö, ökwödö kwusuladuwi̧ edö lȩekwa wene yötawobö ji̧jayonö babema jejenöma yötawokobe. Babema ötjönö webinanöda, jo̧ba yöawi̧da yötawobe böjȩ jojodönö. Jo̧ba webinama isabenö jo̧— jö̧a̧linobe Jesúsma.

Juan 8:41

Ökwödöma kwabe'doduwi omukwatö ö̧ji̧danö omukwatö ja̧döja— jö̧a̧liawö̧: —¿Dakwö yöka̧la? Ökwödöma jelo̧ i̧tji̧mubökö̧dösa. Dabe'doma bakwo̧da, Diosda— jö̧tja̧liökwe:

Juan 8:44

Ökwödö kwabe'doduwima Awetjada. Ökwödö ösödö kwö̧jaduwi̧ma Awetja ösödi̧danö ösödö kwö̧jaduwobe. Jo̧bama jojodönö kwabö lobo̧, ajayitjöda babe baibanö. Ja̧danö, isabenö jawa yöbawö̧kö̧, omönada yöbawo̧. Jo̧ba omajade okwa sule omönada a̧jobetjö̧ omönada yöbawo̧. Ja̧danö, isabenö yöawakwawama öpöjödo̧. Jo̧bama ajayinö omöna yöbawina. Ja̧danö, jojodönö tjo̧'wo̧ luwo̧nö öibobe omönada yötjawobö.