Juan 8:26 - Dios Iwene

²⁶ Ja̧danö, ökwödö kwusuladuwi̧ edö lȩekwa wene yötawobö ji̧jayonö babema jejenöma yötawokobe. Babema ötjönö webinanöda, jo̧ba yöawi̧da yötawobe böjȩ jojodönö. Jo̧ba webinama isabenö jo̧— jö̧a̧linobe Jesúsma.

Juan 8:26 Iomraidhean Croise

Juan 15:15

Belöma, Chömöayedö, jö̧ba̧löda ötabijatö ökwödönöma. Jo̧kwaijayonö babema jejenöma ötabököwö̧ja. Babema, chömöledö, jö̧ba̧löda, ötabiwö̧ja. Kwöwaisaduwa, bakwo̧ uluwo̧ omukwatö ja̧akwa̧ma wajwiobe. Jo̧kwaijayonö ökwödö ötjö chömöledököbaduwobetjö̧ ötjö omukwatö ja̧takwa̧ma kwöwaisaduwobe, ökwödönö yötawobetjö̧. Jau chömöledö, okobe jwiinö Chabe'do ötjönö yöawi̧ma ökwödönö yötawobe kwöwaisachibaduwobö— yöawinobe—.

Juan 16:12

Ina yöawinobe: —Ötjöma ina nöinö yötawo jö̧ta̧lijayonö ina omukwatöma kwöwaisachibaduwökena—yöawinobe—.

Juan 17:8

Ja̧danö ökwö yökawi̧ yötawawö̧ tjösödijatö. Isabenö tjöwaisachibijatö, Jesúsma Dios ö̧jobetjö ichina, jö̧ba̧lö. Jejenö waisö ötjönö tjösödijatö, Bitema Dios weinökwe, jö̧ba̧lö—aebinobe Jesúsma Abe'donö.

Juan 18:20

Jejenö aeba̧liökwe: —Ötjöma ba̧kwȩlö̧jatebö jojodö tjeda̧lonö yöbawiachijatö. Judío jojodö ba̧nö tja̧ja̧kwa̧leju okwa ja̧nö yötawijatö. Dios eju okwatjöbi ba̧kwȩlö̧jatebö yöbawiachijatö jojodö tjeda̧lonö. Ju̧kwawibö ja̧nöma yötawijökötö.

Juan 3:11

Isabenö yötawa ökwönö. Ökwödöma isabenö döwaisi̧da yöbawadösa. Yödawi̧ jawama isabenö dedijatö. Jo̧kwaijayonö ökwödöma kwöpöjödaduwobe yödawi̧ma.

Juan 7:16

—Ötjö yötawi̧ma ötjö chomukwati̧maökö. Ötjönö webo̧ omukwati̧da yötawobe, Dios omukwati̧ma— yöawinobe Jesúsma—.

Juan 7:28

Ja̧danö Jesús, Dios eju okwa ja̧nö, jojodö tjomukwati̧ waisö labinö yöawinobe: —Isabenö ¿ötjönö kwöwaisaduwiji̧? Ötjö chitebo kwöwaisaduwiji̧, ötjö chichinemima?— abebö a̧ja̧kwinobe—. Ötjö chomukwati̧da ja̧tobö chichinokobe baima. Ötjöma Dios, isabenö jo̧ weinökwesa. Chedemi ökwödöma jo̧banö wajwiköbaduwobe— yöawinobe—.

Juan 8:25

—Ökwöma isabenö, ¿tiköbobeda?— abebö tja̧ja̧kwiökwe: —Ökwödönö ida̧ökö yöta̧lijatö tichobejö, jö̧ba̧lö— jö̧a̧linobe—.

Juan 8:27

Ja̧danö, Jesús yöawi̧ma tja̧ja̧kwijayonö do̧tjatibinokobe, Aaa, jo̧ba webinama Dabe'do Diosda, jö̧ba̧lö.

Juan 8:40

Jo̧kwaijayonö ökwödöma jejenöma kwomukwataduwokobe. Jelobekwö omukwatö ötjönö kwabö loköbaduwotö jö̧ba̧lö kwomukwataduwobe. Ötjöma isabenö yöbawo̧sa, Dios yöawi̧ cha̧ja̧kwinama. Jo̧kwaijayonö ökwödöma kwabö loköbaduwobö jö̧ka̧laduwobe ötjönöma. Jejenöma Abrahamma omukwati̧danömaökö omukwatö kwö̧jaduwokobe.

2 Corintios 1:18

Chömöledö, kwöwaisaduwa, Dabe'do Diosma jweinö yöba̧lo̧, omöna yöba̧lö̧kö̧, ¿jö̧tö? Ja̧danö, Dios jweinö yöa̧li̧danö jweinö yötawaduwakwö chömöledö, dötölatajanö waedabinöma yöba̧lö̧kö̧sa chömöledö, ba̧kwȩlö̧jatebö jweinöda yöta̧lobö chisakwobe chömöledö.