Juan 8:18 - Dios Iwene

¹⁸ Ja̧danö, ötjö yötawi̧bi, ötjönö webina Chabe'do ötjönö yöawi̧bi jo̧be— jö̧a̧linobe Jesúsma.

Juan 8:18 Iomraidhean Croise

Juan 10:11

Ina yöawinobe: —Ötjödasa, o̧bȩja̧dönö otiwanö te'ada̧lo̧ma. Ja̧danö chöpöjojodö tjichitjö̧bi kabatibö̧kö̧sa chite'ada̧lawö̧nöma, chöpöjojodö ötjönö kwabö lotjenatjö̧bi. Te'ada̧lo̧sa, kwabö lotjenatjö̧bi.

Juan 10:14

Ja̧danö, ötjöma, jejenömabö̧kö̧sa. Otiwanö te'ada̧lo̧sa. Ötjö cha̧jwi̧munöma chöwaisawö̧. Ja̧danö, cha̧jwi̧muma ötjönö waisadö.

Juan 10:30

Ja̧danö, ötjö, ötjö Chabe'do bakwo̧dabedösa— yöbawijetö Jesúsma.

Juan 10:9

Ötjödasa apjudedanö jo̧ma. Ja̧danö, ötjönö tebachadönöma tjö̧jibinö pjabato̧sa. Ja̧danö, ötjönö tebachadöma ötjö chite'ada̧lawö̧ o̧bȩja̧dödanöbedö. Ja̧danö, chite'ada̧lawö̧ o̧bȩja̧dödanöbedöma ötjönö tebachöbi tebachadö, labeböbi labebadö. Ja̧danö, ötjö apjudedanö jo̧nö labebajadö meje'ye kwanö otiwanö ja̧dödanö otiwanö ja̧dö— wanedö yöawinobe Jesúsma—.

Juan 11:25

—Marta ötjödasa wobinadö yemidanö tjetjachinö ja̧bo̧ma. Ötjödasa ji̧bakwawa iyo̧ma. Ötjönö o̧'wo̧ wana̧lo̧ma woaja̧ ikenabi yemidanö ö̧jakwo̧.

Juan 14:6

—Ötjödasa Dios ö̧jobekwö 'ya̧kwawa manama— yöawinobe Jesúsma—. Ja̧danö, ötjödasa jweinö yöbawo̧ma jweinö jo̧chobetjö̧. Ja̧danö, ötjödasa ba̧kwȩlö̧jatebö ja̧kwawa iyo̧ma. Ja̧danö, ötjöma Dios ö̧jobekwö 'ya̧kwawa manachobetjö̧, ötjönöda 'yo̧ma Dabe'do Dios ö̧jobekwö ichibakwo̧.

Juan 8:12

Ikenama, Jesúsma yemidanö yöawinobe jojodönö: —Wanedö yötawa: Ötjödasa dewinö jo̧ma. Ja̧danö, ötjödasa jojodönö öbibo̧ma, dewa'wo okwanö kwetjachobö. Ja̧danö, böjȩ jojodö tjo̧'wo̧ luwo̧ okwanö dewinö chidejatobe, tjo̧'wo̧ luwo̧ jawa tjöwaisachibanö. Ja̧danö, ötjökwö ichadöma yȩa'wo okwanö kwebachöködö, kwetjachobema dewinö chidejatobetjö̧. Ja̧danö, ötjökwö ichadönöma, tjo̧'wo̧ luwo̧ okwanö dewinö dejatö chi̧sebakwo̧sa, ba̧kwȩlö̧jatebö ja̧kwawa tjujuna̧lobö tjöwaisachibanö— yöawinobe Jesúsma.

Juan 8:25

—Ökwöma isabenö, ¿tiköbobeda?— abebö tja̧ja̧kwiökwe: —Ökwödönö ida̧ökö yöta̧lijatö tichobejö, jö̧ba̧lö— jö̧a̧linobe—.

Juan 8:38

Ja̧danö, ötjö yötawi̧ma Chabe'do ötjönö i̧sebinama. Ja̧danö, ökwödö ja̧köbaduwi̧ma ökwödö kwabe'doduwi wei̧ a̧ja̧kwö, ötjönö kwabö loköbaduwoböma isakwaduwadöja— yöawinobe Jesúsma, jobadöma Abraham i̧tji̧mudanö jö̧ködö, jelo̧, Awetja i̧tji̧mudanö ja̧dö, jö̧ba̧lö.

Juan 8:51

Isabenö yötawa. Ötjö yötawi̧ a̧ja̧kwadöma la'akatjöda wotjökakwedö.

Juan 8:58

—Isabenö yötawa. Ötjöma Abrahamma ina deayi ji̧nasa— yöawinobe Jesúsma.

Hebreos 2:4

Ja̧danö, Diosma iteda ujulu i̧sebinobe jobadönötjö jojodö tjöwaisachibobö, Bidö yötjawi̧ma isabenö ji̧ jawa wene, jö̧ba̧lö. Yelösöda jojodö la'akatjöda edajitjökö jawabi i̧sebinobe Diosma, iteda ujulu, jobadö Jesús yöawina yöbawadö yötjawonö. Isabenö, Jesús yöawina yötjawonö Diosma iteda ujulu i̧sebinobe, ju'wi jawabi, ju'wi jawabi i̧sebö, iteda jwiinö ujuluma, jobadö yöbawadönötjö. Ja̧danö, Diosma jobadö Jesús yöawina yöbawadönöma iteda O̧'wo̧ Luwo̧ ujulutjö iyabinobe jobadö yöbawadönö, bakwo̧nökwena jojodönö pjatjatobö. Ja̧danö, okobe jwiinö Dios iteda ujulu i̧sebi̧ma iteda ösödi̧danöda baledinobe jojodö tjöwaisachibobö, Bidö yötjawi̧ma isabenö ji̧ wene, jö̧ba̧lö. Chömöledö, Diosma iteda ujulu i̧sebobetjö̧, Jesús yöawina isabenö ji̧ wene, jö̧ba̧lö, Jesús yöawina tjöbeba̧lö̧jönö omukwatö di̧'yobö jo̧be. Jo̧ba yöawina wenema jwiinö otiwa jawa wene, dö̧jibinö pjaati̧ wene. Jo̧kwaobetjö̧ ja̧ yöawinama, do̧'wo̧ luwo̧ okwanö do̧tjati̧danö do̧batö di̧'yobö jo̧be jelobekwö omukwatö di̧'yapji jö̧ba̧lö, Jesús yöawina öpöjödö. Chömöledö jelobekwö omukwatö 'ya̧dönöma, Dios lȩebakwawö̧.