Juan 7:42 - Dios Iwene

⁴² Jejenö laebokobe Dios iwenetjöma. Jweinö yöawobe, Dios weakwo̧ma Davidtjö tupadanö jojo, jö̧ba̧lö. Jo̧kwaobetjö David itebo, Beléntjöda ichakwo̧, Dios weakwo̧ma— jö̧tja̧linobe ju'wedöma, Jesúsma Dios weiökökwe, jö̧ba̧lö.

Juan 7:42 Iomraidhean Croise

1 Crónicas 2:51

Belen comunidad otidina Salma mikwo̧bi, Bet Gader comunidad otidina Jaref mikwo̧bi.

Isaías 11:1

Isabenö Dios lȩebakwawö̧ israel jojodönö, ja̧danö wanedö yötawa, David abe'do Isai itji̧mu tupadanö jojodö tjö̧ji̧danö wanekwachowi towi jubö loakobe, sule towi la'akada ji̧binö. Jo̧kwaijayonö, jemi ikenama, ja̧ Isainö wanekwachowi towi la'akatjö, yayinö pokwö laebakobe, ja̧danö pokwaja̧ ikenama, yemidanö otiwanö wa̧ja̧kobe.

Mateo 1:1

Baikwö laebobe Jesucristo a'dödöminenö yöawa'yema. Jo̧ba Jesucristoma Davidmine itji̧ tupadanö jojo, ja̧danö Davidma Abraham itji̧ tupadanö jojoinobe. Baikwö laebobe Jesucristo a'dödöminenö yöawa'yema:

Mateo 2:5

Jejenö abebö a̧ja̧kwawö̧ tjatadinobe: —Judea niji comunidad Belentjö jemakwo̧, Dios yöawi̧ yöbawo̧ damötjö baikwö iwȩyudinobetjö̧:

Mateo 2:6

Judea niji comunidad Belenma, ja'yuwemijayonö, ju'wi Judea niji comunidadteniatjö nijakwönönöma mikwawokobe Belenma, isabenö mikwawemi, jobetjö la'aka luwo̧ ichakobetjö̧, ja̧danö jo̧bama chömöledö Israel jojodönö ite'ada̧lakobe, jö̧ba̧lö iwȩyudinobe—.

Lucas 2:11

babe yö̧te Davidmine itebo comunidadtjö jojodö tjö̧jibinö pjabato̧nö jemajabetjö̧, Dios weakwo̧ jö̧a̧linökwe Duluwo̧nö.

Lucas 2:4

Ja̧danö, emperador jejenö weibiökwe, Joséma a'dömine David itebo comunidad Belenbe wȩyukwö i̧'yobö ji̧nobe, Joséma Davidmine itji̧ tupadanö jojoinobetjö̧. Jo̧kwajabetjö̧, itebo Galilea niji comunidad Nazarettjö labebö, Judea niji comunidad Belenbe i̧'yinobe jobetjö iwȩyukwobö,

Juan 7:27

Jo̧kwaijayonö bite iteboma döwaisa. Döwaisa ichajobema. Jejenömaökö Dios weakwo̧ma. Dios weakwo̧, jojodö tjö̧jibinö pjaatakwo̧ ichenama wajwidakwedösa iteboma—jö̧tja̧linobe jojodöma.

1 Samuel 16:1

Jemi ikenama, ja'yubenö lekwajabetjö̧, Isabenö Jo̧ma Samuelnö yöa̧linobe: —Samuel, ida̧ökö Saulnö öpöjödö yöta̧lajabe, Saulma chömöledö israel jojodö tjuluwo̧ ö̧joböma chöpöjöda jö̧ba̧lö, ¿jö̧tö? Jo̧kwajabetjö̧, dokwa lekwe ina Saulnö o̧'wo tjo̧achö kwubudekwakwa̧da? Tjowi, budekwö kabati. O̧te tobebi i̧sa̧yunö, ja̧danö jayu e'ewö Belen jojo Isai ö̧jobekwö 'ya̧wi, jo̧ba itji̧mutjö bakwo̧nö omudawö chujunajobetjö̧, israel jojodö la'aka tjuluwo̧ baibobö, —jö̧ba̧lö.

1 Samuel 16:18

—Weiökwe, ömöayedötjö bakwo̧ yöawinobe, —Chuluwo̧, bakwo̧nö chedijatö, Belen jojo Isai itji̧mutjö bakwo̧ arpa waiso̧nö. Jo̧bama arpabi waiso̧, ja̧danö yebabö̧kö̧. Isabenö ölakwabikwawa jawa waiso̧, ja̧danö yöa̧li̧ma, waisanö omukwatö yöba̧lo̧. Jo̧bama jwiinö otiwo̧, ja̧danö ju'wibi Isabenö Jo̧ otiwanö pjaatökwe, —jö̧ba̧lö yöawinobe.

1 Samuel 16:4

Yöa̧lökwe, Isabenö Jo̧ weaja̧danö ja̧inobe Samuelma, ja̧danö 'ya̧nö, Belenbe ichibinobe. Jejenö ichibiawö̧, Belen jojodötjö luwedöma yetjaibinobe, —Wene dujuna̧liökwe ichibajena, —jö̧ba̧lö, ja̧danö tjö̧bawö Samuel ö̧jobekwö 'ya̧nö abebö tja̧ja̧kwinobe, —Wene jwiinö kwichaji̧, —jö̧ba̧lö.

1 Samuel 17:58

Ja̧danö Saulma Davidnö abebö a̧ja̧kwinobe: —Möayo̧, ökwöma ti itji̧köba? —jö̧ba̧lö. Aebökwe, —Ötjöma kwömöayo̧ Belen jojo Isai mikwo̧ itji̧sa, —jö̧ba̧lö atadinobe Davidma.