Juan 7:15 - Dios Iwene

¹⁵ Waisö yöawiawö̧ judío jojodöma, Jesús yöawi̧ a̧ja̧kwö tjöbajale jalaka babibö: —Itema waisachinö̧kö̧ma, ¿dakwö waisö yöba̧lo̧?— jö̧tja̧liökwe:

Juan 7:15 Iomraidhean Croise

Isaías 29:12

Ja̧danö kwiyalu wajwibo̧nö iyö, —Yöba̧li̧, —jö̧ba̧lö wetjitjö̧ma, —Dakwö yöta̧lobö, kwiyalu wajwibo̧sa, —jö̧ba̧lö atadakwo̧, jö̧tö? Jobadödanö ichejekwadöja chömöledö, yötawi̧ kwa̧ja̧kwaduwijayonö, okwa jawa do̧kataduwokobetjö̧.

Mateo 13:54

Jemi ikenama, Jesúsma yemidanö iteda ajayinö itebobe ȩwa̧jinobe, ja̧danö judío jojodö ba̧nö tja̧ja̧kwa̧leju tebachö, jojodönö yöawinobe. Yöawiawö̧, jojodöma tjöbajale jalaka baibanö yötja̧lakwawinobe: —Bitema ¿dakwö waisanö yöawobö öwaisachibinajö? ja̧danö, jojodö edajitjökö jawa ¿dakwö ja̧bo̧jö?

Mateo 22:22

Jejenö yöawawö̧, tjöbajale jalaka baibanö tja̧ja̧kwinobe, Bitema isabenö waisanö yöbawo̧we, jö̧ba̧lö, ja̧danö ö̧jelö labeibö tjȩwa̧jinobe.

Mateo 22:33

Jejenö yöawiawö̧, jojodöma tjöbajale jalaka baibanö tja̧ja̧kwinobe, Ayö, bitema waisanö ba̧ja̧do̧we, jö̧ba̧lö.

Lucas 2:47

Jesús waisanö yöa̧liawö̧, okobe deinö jobe edajadöma tjöbajale jalaka baibanö tjomukwatinobe, Bite tjemuma ¿dakwö waisanö omukwato̧jö? ¿Dakwö waisanö atado̧jö? jö̧ba̧lö.

Lucas 4:22

Okobe deinö jojodöma otiwanö yötja̧linobe Jesúsnö, Bitema otiwanö yöbawo̧. ¿Dakwö jejenö otiwa jawa yöbawo̧jö? jö̧ba̧lö. Jejenö yötja̧liawö̧, Nazaret jojodötjö ju'wedö yötja̧linobe: —Bitema ditebo jojo José itji̧, ¿jö̧tö? Kwatjö̧ma ¿dakwö waisanö yöba̧lo̧jö bitema?— jö̧ba̧lö tjo̧'wo̧ sulinö yötja̧lakwawinobe.

Juan 1:19

Ja̧danö, Judío jojodöma wetjinobe Diostjö jojodötjö ö'weje pjabatadönöbi, jobadö ömöayedö, Levítjö tupadanö jojodönöbi Jerusaléntjö labebö Juan ö̧jobekwö tji̧'yobö, Juan Ojwenö Bu̧dato̧nö abeba̧lö. Wetjinawö̧ 'ya̧jadöma ichibö Juannö abebö tja̧ja̧kwinobe: —Ökwöma ¿tida?

Juan 7:11

Ja̧danö, pjiesta jobema judío jojodötjö la'aka luwedöma jo̧banö kwabö lotjobö tjisakwinobe ¿Jo̧bama daida? jö̧ba̧lö.

Juan 7:13

Jejenö yötja̧lakwawijayonö, sewobakwawöda, idödada yötja̧lakwawinobe, judío jojodötjö la'aka luwedö tja̧ja̧kwapji jö̧ba̧lö. La'aka luwedönö yetjabinobe.

Juan 7:46

jejenö abebö tja̧ja̧kwiawö̧: —Duluwedö, otiwanö yöawi̧tjö do̧datoböma jwiatö. La'akatjöda da̧ja̧kwinokobe jo̧ba yöawi̧danö yöawi̧ma— tjatadinobe jobadöma, Dios eju te'ada̧ladö guardia jojodöma.

Hechos 26:24

Pablo jejenö yöawiökwe Festoma labinö jö̧ba̧lijetö: —Pablo, ökwöma kwo̧'wo̧ jwibo̧ja. Jelobekwö omukwato̧danö kwichejekwa, yelösöda nöinö kwöwaisachibobetjö̧— jö̧ba̧lijetö.

Hechos 4:13

Ja̧danö, Pedro, Juan otiwanö yebabökönö yötjawiawö̧ la'aka luwedöma a̧ja̧kwö jö̧ba̧lijadötö, idödada: —¿Tajijö? Bidöma jo̧kwada jojodö, waisachöködö. ¿Dakwö waisinö yötjawajö?—jö̧ba̧lijadötö. Ikenama jobadönö edö omukwatibijadötö, Aaa, Jesúskwö kwebachö ju̧kwiabinadö, jö̧ba̧lö.

1 Samuel 10:11

Jejenö baledena, ajayinö Saulnö waisadöma Saul Dios yöawi̧ yöawobe tjedinobe, ja̧danö Dios yöawi̧ yöawiawö̧, yöba̧lakwawö abebö tja̧ja̧kwinobe, —Bite Cis itji Saulnö dakwö baledobeda, jo̧babi Dios yöawi̧ yöbawo̧ baibanö ö̧jobeji̧? —jö̧ba̧lö.