Juan 7:1 - Dios Iwene

¹ Jemi ikenama Jesús Galilea niji comunidadesda, ju'wi comunidadbi, ju'wi comunidadbi 'ya̧nö kweachinobe. Ja̧danö, Judea nijibe kwebachö i̧'yinokobe, jobe ju̧kwadö judío jojodötjö la'aka luwedöma jo̧banö kwabö lotjobö tjomukwatobetjö̧.

Juan 7:1 Iomraidhean Croise

Mateo 10:23

Jau chömöledö, bakwöta comunidadtjö ökwödönö usula kwemawaduwinö ja̧tjenama, jobetjö döbibajö ju'wi comunidadbe 'ya̧duwi. Ja̧danö, isabenö yötawaduwakwö, okobe jwiinö Israel niji comunidadtenia jojodönö yöbawö kakataduwakwa̧ abönö, ötjö jojo baibanö jeminökwema yemidanö chichocha.

Mateo 21:38

Jejenö omukwatö, itji̧nö weinobe, jo̧kwaijayonö, batjo luwo̧ itji̧nö tjedenama, batjo otidadöma yötja̧lakwawinobe idödada: Bitema iteda abe'do woaja̧ okobe, abe'do otidaja̧ omudajibakwo̧, jo̧kwajabetjö̧ bitenö kwabö loditjö̧ma, biyu öbatjoajayuma ökwödöda döbatjo baibakobe, jö̧ba̧lö omukwatakwawö yötja̧lakwawinobe.

Marcos 11:18

Jejenö jö̧a̧li̧ a̧ja̧kwö la'aka luwedöma öpöjödijadötö. Diostjö jojodötjö ö'weje pjabatadö tjuluwedöbi, Moisés iwȩyudina ba̧ja̧dadöbi yebabijadötö Jesúsnöma, jojodö jo̧ba yöawi̧ a̧ja̧kwö nöinö tjösödobetjö̧, A̧ja̧kwi, a̧ja̧kwi, jö̧ba̧lö. Jo̧kwaobetjö̧ tjo̧'wo̧ sulinö edö omukwatijadötö, ¿Dakwö ja̧dakwa̧da Jesúsnö kwabö loawa wedoböma?, jö̧ba̧lö.

Juan 1:19

Ja̧danö, Judío jojodöma wetjinobe Diostjö jojodötjö ö'weje pjabatadönöbi, jobadö ömöayedö, Levítjö tupadanö jojodönöbi Jerusaléntjö labebö Juan ö̧jobekwö tji̧'yobö, Juan Ojwenö Bu̧dato̧nö abeba̧lö. Wetjinawö̧ 'ya̧jadöma ichibö Juannö abebö tja̧ja̧kwinobe: —Ökwöma ¿tida?

Juan 4:54

Ja̧ Jesús ujulu i̧sebö otidinama, dötölataja ujulu i̧sebö jawa otidina, Judeatjö Galileanö ichibaja̧ tupakwö ja̧nö.

Juan 6:1

Jemi ikenama Jesúsma, iteda öba̧ja̧di̧ waisachadökwö Galilea ojwe pebibö i̧'yinobe. Jödö Galilea ojwema, Tiberias ojwe ötjabödö. Imi dötölataja ötjabödö.

Juan 7:11

Ja̧danö, pjiesta jobema judío jojodötjö la'aka luwedöma jo̧banö kwabö lotjobö tjisakwinobe ¿Jo̧bama daida? jö̧ba̧lö.

Juan 7:13

Jejenö yötja̧lakwawijayonö, sewobakwawöda, idödada yötja̧lakwawinobe, judío jojodötjö la'aka luwedö tja̧ja̧kwapji jö̧ba̧lö. La'aka luwedönö yetjabinobe.

Juan 7:19

A̧ja̧kwaduwitjö. Damötjö Moisésma Dios wei̧ wȩyudijetö. Ja̧ iwȩyudinama ökwödö judío jojodö dö̧jobö weawa, Biya̧da ja̧bö dö̧jobö jo̧be, jö̧ba̧lö. Jo̧kwaijayonö ökwödöma jejenö okobe jwiinö ja̧bö kwö̧jaduwoböma waiya. Waekwobe. Okobe jwiinö Dios wei̧ Moisés iwȩyudinama ja̧dokobe. Jo̧kwaobetjö̧ ¿tajawedö kwabö loköbaduwobö jö̧ka̧laduwa ötjönöma, Itema Moisés weina ja̧bö̧kö̧, jö̧ba̧lö?— yöawinobe Jesúsma judío jojodönöma.

Juan 7:25

Jesús jejenö yöawi̧ a̧ja̧kwö, Jerusalénnö ju̧kwadötjö ju'wedöma jö̧tja̧linobe: —Bitema kwabö lotjobö jö̧tja̧lökwe ¿jö̧tö?— jö̧tja̧linobe—.

Juan 7:35

Jejenö yöawiawö̧ judío jojodötjö la'aka luwedöma, idödada yötja̧lakwawinobe: —¿Dai i̧'yakwa̧da, döbadekwajökemima? ¿Dömöledö tji̧'yinobekwö i̧'yakwa̧ji̧, griego jojodökwö tjö̧jobö tji̧'yinobekwö? ¿Ja̧danö griego jojodönö öba̧ja̧dobö i̧'yakwa̧ji̧?— yötja̧lakwawinobe—.

Juan 8:37

Ina yöawinobe: —Chöwaisa. Ökwödöma Abrahamtjö tupadanö jojodöja. Ja̧danö, Abrahamtjö tupadanö jojodököbaduwijayonö ötjönö kwabö loköbaduwotö jö̧ba̧lö kwisakwaduwobe. Ötjö yötawi̧ a̧ja̧kwö kwo̧'wo̧ luwo̧nö kwöpöjödaduwobetjö̧ kwabö loköbaduwobö jö̧ka̧laduwobe.

Juan 8:40

Jo̧kwaijayonö ökwödöma jejenöma kwomukwataduwokobe. Jelobekwö omukwatö ötjönö kwabö loköbaduwotö jö̧ba̧lö kwomukwataduwobe. Ötjöma isabenö yöbawo̧sa, Dios yöawi̧ cha̧ja̧kwinama. Jo̧kwaijayonö ökwödöma kwabö loköbaduwobö jö̧ka̧laduwobe ötjönöma. Jejenöma Abrahamma omukwati̧danömaökö omukwatö kwö̧jaduwokobe.

Hechos 10:38

Ja̧danö, kwöwaisaduwa Diosma webijetö iteda O̧'wo̧ Luwo̧nö Jesús, Nazaretnö da̧peachinakwö ö̧jobö. Ujulubi iyijetö Diosma Jesúsnöma. Ja̧danö, Diosma Jesúskwö ö̧jobetjö̧, Jesúsma okobe jwiinö i̧'yobema otiwanö pjabatö 'yi̧jetö. Otiwanö otidiabijetö okobe deinö Awetja sulabenö ja̧inawö̧nöma, Diosma jo̧bakwö ö̧jobetjö̧.