Juan 6:66 - Dios Iwene

⁶⁶ Jemi ikenama Jesús öba̧ja̧di̧ waisachadötjö ba̧jekwadö Jesúsnö katjatibinobe, jo̧bakwö kwebachökönö.

Juan 6:66 Iomraidhean Croise

Mateo 19:22

Jejenö yöawiökwe, möayo̧ma o̧'wo̧ tjo̧achö Jesús ö̧jelö laebinobe, nöinö ujuna̧li̧ ösödobetjö̧.

Lucas 9:62

Yöa̧lökwe Jesúsma atadinobe: —Dötölataja jawa omukwatadöma Dios la'aka luwo̧ ö̧jakwa̧ jawa tjotidoböma mikwawöködö. Baikwö wanedö yötawa: Pakayaso̧kwö batjo sobö otido̧ma jweinöda abönö edobö jo̧be. Jalacha̧lö ökömakwö edö soitjö̧ma, sulabenö wi̧su̧inö soena, ¿jö̧tö? Dios la'aka luwo̧ ö̧jakwa̧ jawa otidadöbi ja̧danö chömöledöso̧, Dios la'aka luwo̧ ö̧jakwa̧ jawa tjotidonö ajayi tjö̧jinabi ömukwatö tjotiditjö̧ma, Dios la'aka luwo̧ ö̧jakwa̧ jawa otiwanö tjotidökena— jö̧ba̧lö yöawinobe Jesúsma.

Juan 2:2

Jesúsbi, iteda öba̧ja̧di̧ waisachadöbi tja̧debajawö̧ma jobekwö tji̧'yinobe pjiesta baledö.

Juan 6:60

Jesús öba̧ja̧di̧ waisachadö, jo̧bakwö ba̧jekwadö kwebachadötjö ju'wedöma, Jesús yöawi̧ a̧ja̧kwö tjöpöjödinobe, Biya̧ yöawi̧ma waiya, ¿dakwö ja̧dobö biya̧ wei̧ma? jö̧ba̧lö.

Juan 6:64

Jo̧kwaijayonö ökwödötjö ju'wedöma öpöjödadöja, Bitema Dios weinökökweena, jö̧ba̧lö— yöawinobe. Ja̧danö, Jesúsma jobadökwö ajayinö jamatö ö̧jena öwaisinobe jobadötjö öpöjödadönö. Ja̧danö, öwaisinobe bakwo̧nö, itenöda iyö loakwo̧nöma.

Juan 7:3

Ja̧ pjiesta ida̧ökö lekwokobetjö̧, Jesús ö̧ja̧wo̧döma Jesúsnö wetjinobe: —Döpöe, bena ji̧bökönuwi. Pjiesta baledö kwi̧'yo, Judeabema. Jobetjö ja̧nö kwujulu kwi̧sebo, kwöba̧ja̧di̧ waisachadö tjedobö ökwö kwi̧sebi̧ma— wetjinobe—.

Juan 8:31

Jemi ikena, Jesúsma yöawinobe jobadönö, judío jojodönö, iteda yöawi̧ ösödadönöma: —Ötjö yötawi̧ a̧ja̧kwö kwö̧jaduwitjö̧ma isabenö ökwödöma ötjö chöba̧ja̧di̧ waisachadö bakibaduwakwedöja.

2 Timoteo 1:15

Timoteo, kwöwaisa, ba̧jekwadö Asia nijitjö Jesúsnö ösödadöma ötjönö katjatibinobe, ja̧danö jobadötjö Figelobi, Hermógenesbi ötjönö katjatibinobe.

2 Timoteo 4:10

Jau Timoteo, ajayinö ötjökwö otidina Demas mikwo̧ma, böjȩ jawa ösödobetjö̧ ötjönö le'dedibö i̧'yajabe, ja̧danö böjȩ jawa ösödobetjö̧ Tesalónicabe i̧'yajabe. Ja̧danö, ju'wibi Crescentema Galacia nijibe i̧'yajabe, ja̧danö Titoma Dalmacia nijibe i̧'yajabe,

Hebreos 10:38

Ja̧danö ötjö chömöledö, Bidöma suli̧ jwibadö, jö̧ba̧lö, jö̧ta̧lawö̧ma ötjö yötawi̧ ösödö ja̧dö. Jo̧kwaijayonö jobadötjö ju'wedöma tjebachajö tji̧'yitjö̧ma cho̧'wo̧ tjo̧inö edö chö̧jena. Jejenö laebobe Dios iwenetjö.

1 Juan 2:19

Ja̧danö, jobadö Cristo öpöjojodöma ajayi ökwödökwö ba̧nö Dios iwene a̧ja̧kwiabinadö. Jo̧kwaijayonö ökwödö Cristonö domukwati̧danö bakwainö omukwatöködö. Ja̧danö, jelobekwö tjomukwatobetjö̧ ökwödötjö 'da̧bachibö labebö kwebachadö. Chö̧ja̧wo̧dö ökwödödanö bakwainö Cristonö ösödö tjomukwatitjö̧ma ina ökwödökwö tjö̧jena. Jo̧kwaijayonö dö̧jelöma latjebinobetjö̧ döwaisachibijatö, Aaa, jobadöma isabenö ökwödödanö omukwatöködö Jesucristonöma, jö̧ba̧lö. Jesucristotjöma dö̧ja̧wo̧döböködö, jö̧ba̧lö, döwaisachibijatö.