Juan 6:64 - Dios Iwene

⁶⁴ Jo̧kwaijayonö ökwödötjö ju'wedöma öpöjödadöja, Bitema Dios weinökökweena, jö̧ba̧lö— yöawinobe. Ja̧danö, Jesúsma jobadökwö ajayinö jamatö ö̧jena öwaisinobe jobadötjö öpöjödadönö. Ja̧danö, öwaisinobe bakwo̧nö, itenöda iyö loakwo̧nöma.

Juan 6:64 Iomraidhean Croise

Mateo 10:4

Ja̧danö Simón Cananeo jojo ötjabökwebi, Judas Iscariote, Jesúsnö iyö lobinabi.

Juan 10:26

Jo̧kwaijayonö ökwödöma öpöjödadöja. Ökwödöma ötjö cha̧jwi̧muköbaduwokobetjö̧ ötjönö kwöpöjödaduwobe— wanedö yöawinobe—.

Juan 18:4

Ja̧danö, Jesúsma ida̧ökö öwaisinobe itenöda ja̧tjakwa̧ma. Ja̧danö, jobadö tjichobekwö 'ya̧wibö abebö a̧ja̧kwinobe: —¿Tinö kwisakwaduwa?— abebö a̧ja̧kwawö̧:

Juan 5:42

Ja̧danö, ökwödö kwomukwataduwi̧ma chöwaisa. Ökwödöma kwo̧'wo̧ luwo̧duwi okwanö kwösödaduwokobe Diosnöma.

Juan 6:36

Ina yöawinobe Jesúsma kwakwawa iyinawö̧nöma: —Ja̧danö, ötjönö ichibadöma a̧wi̧chi̧ tjöbö, ojwiyo o̧ti̧ tjöbö tjuju̧kwökakwedö, jö̧ba̧lö, yötawijayonö ökwödöma kwösödaduwokobe ötjönö, Bitemaökö Dios weinökwema, jö̧ba̧lö. Ida̧ökö yötawatö ökwödönöma, Ötjönö kwedaduwijayonö kwösödaduwokobe, jö̧ba̧lö.

Juan 6:60

Jesús öba̧ja̧di̧ waisachadö, jo̧bakwö ba̧jekwadö kwebachadötjö ju'wedöma, Jesús yöawi̧ a̧ja̧kwö tjöpöjödinobe, Biya̧ yöawi̧ma waiya, ¿dakwö ja̧dobö biya̧ wei̧ma? jö̧ba̧lö.

Juan 6:61

Ja̧danö, Jesúsma öwaisinobe öba̧ja̧di̧ waisachadö tjomukwati̧ma. Ja̧danö, jobadönö abebö a̧ja̧kwinobe: —Yötawi̧ma kwöpöjödaduwiji̧, waiyiawö̧?— abebö a̧ja̧kwinobe—.

Juan 6:66

Jemi ikenama Jesús öba̧ja̧di̧ waisachadötjö ba̧jekwadö Jesúsnö katjatibinobe, jo̧bakwö kwebachökönö.

Juan 8:23

Jejenö jö̧tja̧liökwe: —Ökwödöma böjȩ jojodöja. Ötjöma böjȩ jojobö̧kö̧sa, mölejȩbetjöda ichinasa.

Juan 8:55

Ökwödöma, Dabe'do Diosnö dösöda, jö̧ba̧lö, yöka̧laduwijayonö wajwiköbaduwobe jo̧banöma. Jo̧kwaijayonö ötjöma isabenö waiso̧sa Dabe'do Diosnö, ötjö Chabe'donöma. Yöta̧lökö, Dabe'do Diosnö ötjöma wajwitökwe, jö̧ba̧lö. Jejenö yöta̧litjö̧ma omönada yöta̧lena, ökwödö omöna yöka̧laduwi̧danö. Jejenöma yöta̧lokobe. Jo̧banö, ötjö Chabe'donö chöwaisökwe. Ja̧danö, jo̧ba yöawi̧ a̧ja̧kwo̧sa.

Hechos 15:18

Jejenö yöbawijetö Duluwo̧ma, ajayinö jojodö tjöwaisachibanö,

Romanos 8:29

Jau chömöledö, Diosma la'akatjöda öwaisinobe jo̧banö tjösödakwedönöma, iteda ömöledö batjibakwedönöma. Ja̧danö, jejenö waisö, jobadönö 'da̧batö ujuninobe, iteda itji̧ Jesúsdanö ichejekwadö batjibo jö̧ba̧lö. Ja̧danö, weinobe, Jesúsda iteda i̧tji̧mutjö abönö pöe baibobö, ökwödö döpöe baibobö chömöledö.

2 Timoteo 2:19

Jo̧kwaijayonö, ju'wedö tjösödi̧ waekwijayonö, Dios yöbawö ujunina wenema waekwokobe, la'akatjöda söawachokobe. Jau Timoteo, Diosma isabenö wene ujuninobe, inawa pjolachibököwadanö. Wanedö yötawa: Diosma isabenö wenesawa inawa ujuninobe, ja̧danö jawanö seyudanö wȩyukwawa jo̧be, ja̧danö baikwö laebobe wȩyukwi̧ma: Diosma iteda ömöledönö waiso̧, jö̧ba̧lö laebobe, ja̧danö ju'wibi laebobe: Okobe deinö Duluwo̧ ömöledösa jö̧ba̧ladöma, sulabetjö 'da̧bachibö tji̧'yobö jo̧be, jö̧ba̧lö laebobe.

Hebreos 4:13

Chömöledö ¿Diosma okobe jwiinö edokobeji̧? Edo̧. Ja̧danö ¿okobe jwiinö baledi̧ma wajwiobeji̧? Waiso̧, chömöledö. Jo̧kwaobetjö̧ Diosma isabenö okobe jwiinö domukwati̧ma waiso̧. Ja̧danö, domukwati̧ma jo̧banö i̧sekwi̧danö i̧sekwobe. Ökwödö domukwati̧ ja'yubebi dötabada̧loböma jwiobe chömöledö. Ja̧danö chömöledö, ju'wi möle, Dios öba a'o ja̧nö, ökwödöma datadakobe okobe jwiinö ja̧bö dö̧ji̧, do̧'wo̧ luwo̧tjö laebi̧ ja̧bö dö̧ji̧ma. Isabenö ökwödöma Dios wei̧ da̧ja̧kwinököbi, da̧ja̧kwinabi datadakwedösa. Isabenö chömöledö Dios wei̧, Jesúsnötjö yöawi̧ma a̧ja̧kwö dö̧jobö jo̧be.