Juan 6:60 - Dios Iwene

⁶⁰ Jesús öba̧ja̧di̧ waisachadö, jo̧bakwö ba̧jekwadö kwebachadötjö ju'wedöma, Jesús yöawi̧ a̧ja̧kwö tjöpöjödinobe, Biya̧ yöawi̧ma waiya, ¿dakwö ja̧dobö biya̧ wei̧ma? jö̧ba̧lö.

Juan 6:60 Iomraidhean Croise

Mateo 11:6

Ja̧danö tupakwö yökawaduwonö Juannö: Aaa, Jesúsma isabenö Dios weinökwe jö̧ba̧lö ötjönö ösödö kabatiböködöma, isabenö tjo̧'wo̧ ösöwanö ja̧dö jö̧ba̧lö— atadinobe Jesúsma.

Juan 2:2

Jesúsbi, iteda öba̧ja̧di̧ waisachadöbi tja̧debajawö̧ma jobekwö tji̧'yinobe pjiesta baledö.

Juan 5:25

Isabenö yötawa. Böjȩnö ju̧kwadö, tjo̧'wo̧ luwo̧ okwanö wobinadödanö ju̧kwadötjö ju'wedöma, Dios Itji̧ yöawi̧ a̧ja̧kwö tjösödakwedö, ötjöda yötawi̧ma. Ja̧danö, babebi ötjö, Dios Itji̧ yötawi̧ a̧ja̧kwö tjösödobe. Ja̧danö, ötjö yötawi̧ a̧ja̧kwö ösödadöma, wobajaletjö tjebachajadödanö ja̧nö, ba̧kwȩlö̧jatebö ja̧kwawa juna̧ladö batjibakwedö— yöawinobe Jesúsma.

Juan 6:52

Jejenö yöawiawö̧ judío jojodöma, idödada labinö atada̧lö yötja̧lakwawinobe, bakwainö omukwatökönö: —Bitema, ¿dakwö yöba̧lo̧, Ötjönö kwukwaduwo, jö̧ba̧lö? ¿Iteda iteba'oda iyakwa̧ji̧ dukwoböma?— yötja̧lakwawinobe.

Juan 6:64

Jo̧kwaijayonö ökwödötjö ju'wedöma öpöjödadöja, Bitema Dios weinökökweena, jö̧ba̧lö— yöawinobe. Ja̧danö, Jesúsma jobadökwö ajayinö jamatö ö̧jena öwaisinobe jobadötjö öpöjödadönö. Ja̧danö, öwaisinobe bakwo̧nö, itenöda iyö loakwo̧nöma.

Juan 6:66

Jemi ikenama Jesús öba̧ja̧di̧ waisachadötjö ba̧jekwadö Jesúsnö katjatibinobe, jo̧bakwö kwebachökönö.

Juan 7:3

Ja̧ pjiesta ida̧ökö lekwokobetjö̧, Jesús ö̧ja̧wo̧döma Jesúsnö wetjinobe: —Döpöe, bena ji̧bökönuwi. Pjiesta baledö kwi̧'yo, Judeabema. Jobetjö ja̧nö kwujulu kwi̧sebo, kwöba̧ja̧di̧ waisachadö tjedobö ökwö kwi̧sebi̧ma— wetjinobe—.

Juan 8:31

Jemi ikena, Jesúsma yöawinobe jobadönö, judío jojodönö, iteda yöawi̧ ösödadönöma: —Ötjö yötawi̧ a̧ja̧kwö kwö̧jaduwitjö̧ma isabenö ökwödöma ötjö chöba̧ja̧di̧ waisachadö bakibaduwakwedöja.

Juan 8:43

Ina yöawinobe: —Ökwödöma ötjö yötawi̧ a̧ja̧kwö jwiinö kwöpöjödaduwobetjö̧ kwöwaisachibaduwokobe.

Hebreos 5:11

Ja̧danö, jo̧ba Melquisedecnö nöinö yötawo jö̧ta̧lijayonö jwiinö waiya ökwödönöma. Do̧kataduwökena kwo̧'wo̧ luwo̧duwi okwanö kwöda̧peachaduwokobetjö̧.

2 Pedro 3:16

ja̧danö okobe jwiinö jo̧ba iwȩyudi̧ kwialusöjanö, Duluwo̧ yemidanö ichakwa̧ tjomukwatobö iwȩyudobe. Jau chömöledö, Pablo iwȩyudi̧ jawatjö, ju'wi laebachi̧ labebö loawama waiya, ja̧danö ba̧jekwadö otiwanö do̧tjatijayonö, ju'wedö ja̧ jawa do̧tjatokobe. Jau chömöledö, isabenö wene 'diinö do̧ba̧löködötjobetjö, ja̧danö wajwibadötjobetjö̧, Pablo iwȩyudina sulabenö balewö lobö yötjawobe, ju'wi Dios iwene jawa sulabenö balewö lobö yötjawi̧danö. Ja̧danö, jejenö ja̧tji̧ma, jobadönö lȩebakwa̧ baibakobe chömöledö. Jau chömöledö, jobadö balewö lobö sulabenö yötjawijayonö, Pabloma isabenö otiwanö iwȩyudinobe, Duluwo̧ yemidanö ichakwa̧ wenema. Ja̧danö jo̧ba iwȩyudinabi, böja chiwȩyudöjabi, Duluwo̧ yemidanö ichakwa̧ kwomukwataduwobö diwȩyudobe.