Juan 6:44 - Dios Iwene

⁴⁴ Ötjönö ichibadöma Dabe'do Dios, ötjönö webina öibawö̧da, tjo̧'wo̧ luwo̧ okwanö. Ja̧danö, ötjökwö ichibadönö tjetjachajinö chotidakwo̧sa 'dö̧ibaji̧ möle badekwachenama— Jesús yöawinobe—.

Juan 6:44 Iomraidhean Croise

Mateo 12:34

Ökwödö a̧ko̧'dö̧danöbedöbi ja̧danö, ökwödöma sulabedököbaduwobetjö̧, otiwa jawa yöka̧laduwobö jwibadöja, kwomajadeduwinö kwomukwataduwi̧ma, kwaaduwitjö laebobetjö̧.

Mateo 16:17

Jejenö yöa̧lökwe Jesúsma Pedronö yöa̧linobe: —Isabenö kwo̧'wo̧ ösöwanö jo̧ja ökwö Jonás itji̧ Simón, Diosda ja̧ ökwönö öba̧ja̧dinobetjö̧. Jau chömöledöso̧, jojodödama ja̧ tjöba̧ja̧dinokobe ökwönö. Diosda ja̧ öba̧ja̧dinobe ökwönöma.

Juan 12:32

Ötjönö kabebö towisa'onö bȩbö tjujunena, okobe deinö jojodönö pjatatocha, ötjönö tjomukwatobö— yöawinobe Jesúsma jojodönö.

Juan 5:44

Ja̧danö, ökwödöma ¿dakwö kwöwaisachibaduwobö ötjönöma? Ju'wi jawa kwisakwaduwobe. Jojodö ökwödönö tjösödi̧da, pjatjati̧da kwisakwaduwobe. Dios jawa, bakwo̧da Dios jwiinö otiwi̧ jawama kwisakwaduwokobe— yöawinobe Jesúsma judío jojodö la'aka luwedönöma.

Juan 6:43

Jejenö yötja̧lakwawiökwe, Jesús: —Öpöjödö yöka̧lakwawaduwa.

Juan 6:45

Damötjö Dios yöawi̧ yöbawadö tjiwȩyudinobe, Diosma okobe deinö jojodönöma ba̧ja̧do̧, jö̧ba̧lö. Jo̧kwaobetjö̧ yötawaduwakwö. Dabe'do Dios iwene a̧ja̧kwö waisachibadöma ötjönö ösödö tjichibakwedö.

Juan 6:65

Ja̧danö Jesúsma yöawinobe jobadönö: —Jau, ötjö yötawi̧ma waiyobetjö̧ ökwödötjö ju'wedöma kwöpöjödaduwobe. Ja̧danö, ökwödötjö öpöjödadönöda omukwatö baikwö yötawatö: Ötjönö ichibadöma Chabe'do Dios öibawö̧da, tjo̧'wo̧ luwo̧ okwanö, jö̧ba̧lö. Dios öibököwö̧ma ötjönö öpöjödadö. Ichiböködö— yöawinobe Jesúsma öba̧ja̧di̧ waisachadönöma.

Juan 8:43

Ina yöawinobe: —Ökwödöma ötjö yötawi̧ a̧ja̧kwö jwiinö kwöpöjödaduwobetjö̧ kwöwaisachibaduwokobe.

Filipenses 1:29

Jau chömöledö, Diosma otiwa jawa ökwödönö iyinobe, Cristonö kwösödaduwo jö̧ba̧lö iyinobe, ¿jö̧tö? Jo̧kwaijayonö sule ja̧damaökö chömöledö, ju'wibi otiwa jawa ökwödönö iyinobe, Cristo jawa otidö kwö̧jaduwobetjö̧, usula kwemawaduwoböbi iyinobe.

Colosenses 2:12

Jau chömöledö, Diosma ökwödönö ubu̧datinobedanö ichejekwa, Cristokwö i̧lȩdo̧ okwa ökwödönöbi tjo̧tjinö ja̧bö. Ja̧danö, Diosma isabenö juluwo̧ jö̧ba̧lö kwösödaduwiökwe, Cristonö woawatjö tjeachajinö ja̧binama ökwödönöbi Cristokwö tjekachajaduwinö ja̧inobe.