Juan 6:32 - Dios Iwene

³² Ikenama Jesúsma yöawinobe: —Isabenö yötawaduwakwö. Moisésma inesö mölejȩbe jawa kwakwawa iyijökötö. Jo̧bama 'dö̧ibaji̧ kwakwawada iyijetö. Jo̧kwaijayonö Chabe'do Diosma inesö mölejȩbe jawa kwakwawada iyo̧, ökwödönöma.

Juan 6:32 Iomraidhean Croise

Éxodo 16:4

Ikenama Isabenö Jo̧ma yöba̧lijetö Moisésnö: —A̧ja̧kwitjö. Ötjöma mölekwena kwakwawa mölejebetjö nijakwö tjoduwobö wetocha, ökwödö pan kwukwaduwi̧danö kwukwaduwobö. Jojodönö weköbo kwakwawa tjoduwena tjejutjö labebö tje'do mölekwena ja̧ möle tjukwi̧da, u'yudökönö. Jejenö ötjö weti̧ tja̧ja̧kwojobö, tja̧ja̧kwokojobö chedocha.

Éxodo 16:8

Ikenama Moisés jö̧ba̧lijetö: —Yi̧benakwena Isabenö Jo̧ma itebiya kukwaduwobö iyakobe. Ja̧danö, yȩayikwena kwakwawa iyakobe, ökwödö pan kwukwaduwi̧danö kwomeawaduwinö kwukwaduwobö jwökeba̧laduwi̧ a̧ja̧kwajabetjö̧. Isabenö, jo̧banöda jwökeba̧laduwobe, ökwödönömaö̧kö̧. Sule Isabenö Jo̧ ömöayedöbedösa ökwödöma— jö̧ba̧lijetö.

Juan 1:9

Dewinö jo̧ma inesö la'aka dewinö jo̧. Jo̧bama böjȩnö ichinobe okobe deinö böjȩnö ju̧kwadönö tjo̧'wo̧ luwo̧nö dewinö dejatö öibobö, otiwanö omukwatö tjö̧jobö.

Juan 15:1

Jesúsma wanedö yöawinobe öba̧ja̧di̧ waisachadönö: —Ötjöma uba sa'basa, inesö sa'ba. Ja̧danö, Chabe'doma uba batjo otido̧— yöawinobe—.

Juan 6:31

Damötjö Moisésma ujulu i̧sebijetö da'dödöminenö pjabatö. Ökwödö da'dödöminema, jojodö deobe ja̧nö maná mikwi̧ kwiabijadötö, mölejȩbetjö kwakwawa tjoduwi̧ma. Jejenö laebobe Dios iwenetjö, Mölejȩbetjö kwakwawa iyijetö, jö̧ba̧lö— yötjawinobe.

Juan 6:33

Ja̧ Dios iyi̧, mölejȩbe jawa kwakwawama, ba̧kwȩlö̧jatebö ja̧kwawa iyi̧ kwakwawa— yöawawö̧:

Juan 6:35

Jejenö atjebökwe: —Ötjödasa ba̧kwȩlö̧jatebö ja̧kwawa iyi̧ kwakwawama— yöawinobe—. Ötjönö ichibö ösödadöma a̧wi̧chi̧ tjöböbi la'akatjöda tjuju̧kwökakwedö. Ja̧danö, ojwiyo o̧ti̧ tjöböbi la'akatjöda tjuju̧kwökakwedö. Ja̧ a̧wi̧chi̧ tjöbö, ojwiyo o̧ti̧ tjöbö tjuju̧kwökakwedö, jö̧ba̧löma, tjo̧'wo̧ luwo̧ jawa wanekwachobe— yöawinobe Jesúsma.

Juan 6:41

Jejenö, Ötjödasa mölejȩbetjö tjoduwi̧, ba̧kwȩlö̧jatebö ja̧kwawa iyi̧ kwakwawa, jö̧ba̧lö, yöawiawö̧ tjöpöjödinobe judío jojodöma.

Juan 6:50

Ina yöawinobe: —Jau, ökwödö da'dödömine ja̧ mölejȩbetjö tjoduwi̧ kwakwawa tjukwinajayonö ö'wö babibijadötö. Jo̧kwaijayonö ju'wi mölejȩ kwakwawa jo̧be, jojodönö ba̧kwȩlö̧jatebö ja̧kwawa iyi̧ kwakwawama. Ja̧ kwakwawa kwadöma wotjökakwedö.

Juan 6:55

Ja̧danö, chiteba'oma isabenö kwakwawaobetjö̧ kwadöma ba̧kwȩlö̧jatebö ja̧kwawa tjujuna̧lakwedö. Ja̧danö, chökwösobuma isabenö owawobuobetjö̧, owadöma ba̧kwȩlö̧jatebö ja̧kwawa tjujuna̧lakwedö.

Juan 6:58

Ötjödasa mölejȩbe kwakwawa wanekwacho̧ma. Ja̧danö, ötjönö kwadöma ö'wö batjibökakwedö, damötjö kwa'dödömine, mölejȩbetjö tjoduwi̧ maná mikwi̧ kwinadö ö'wö batjibinadanöma. Ötjönö kwadöma ba̧kwȩlö̧jatebö tjuju̧kwakwedö— yöawinobe Jesúsma.

Gálatas 4:4

Jo̧kwaijayonö, Dios badedö ujunina möle badekwachenama, Diosma iteda Itji̧nö weinobe. Jo̧bama jojosuju jitji̧ baibanö ichinobe, ja̧danö jo̧babi Moisés iwȩyudinadanö ja̧o jö̧a̧linobe.

1 Juan 5:20

Ja̧danö chö̧ja̧wo̧dö, ju'wi jawabi döwaisa, biya̧: Dios Itji̧ Jesucristoma böjȩnö ichinobe Isabenö Jo̧ Diosnö döwaisachibanö yöbawö. Ja̧danö, babema Dioskwöbi Itji̧ Jesucristokwöbi bakobe dötewinö 'ya̧dösa. Chö̧ja̧wo̧dö, Jesucristoma isabenö jo̧ Diosda. Ja̧danö, jo̧ba Jesucristoma ökwödönö pjaatinobe, do̧'wo̧ luwo̧nö ba̧kwȩlö̧jatebö dö̧jobö.