Juan 6:11 - Dios Iwene

¹¹ Ikenama Jesúsma pan emibö, Diosnö ösödö aebinobe, Otiwanö kwiyajabe, jö̧ba̧lö. Diosnö aebaja̧ ikena pan ö̧pji̧ya 'delawö iyabinobe jojodö ba̧jadönöma. Ja̧danö, ba̧i̧ du̧ju̧tajanöbi okobe deinö tjukwobö 'delawö iyabinobe, tjukwobö tjösödi̧da iyö.

Juan 6:11 Iomraidhean Croise

Mateo 15:36

ja̧danö jelemutjö döpja̧lataja pan ö̧pjiyabi, ba̧i̧bi emibö, Diosnö aebinobe, Otiwanö iyo̧ja, jö̧ba̧lö. Ikenama abebajo̧, 'delawö iteda öba̧ja̧di̧ waisachadönö iyinobe, jojodönö tjiyabobö.

Lucas 24:30

Ja̧danö, jobadökwö ukwobö mesasötenö tjö̧benama, Jesúsma pan emibö, Diosnö aebinobe, otiwanö kwiyajabe jö̧ba̧lö, ikenama 'delawö jobadönö iyinobe.

Juan 21:10

Ja̧danö Jesús jobadönö aebinobe: —Jwoköbaduwajawö̧tjö iyaduwitjö— aebinobe.

Juan 21:13

Ikenama Jesúsma pan 'delawö iyabinobe jobadönöma. Ja̧danö ba̧i̧bi 'delawö iyabinobe.

Juan 21:9

Ja̧danö, tjolanö lamatö, isowitjö mebibö tjedemi ökwöla tjedinobe, ö̧kwö̧'i̧a̧tjöda ubola, ba̧i̧ söawola. Panbi tjedinobe.

Juan 6:23

Jemi ikenama, tjukwajemi tjolanö yöne ju'wedöma tjichibinobe Tiberiastjö, isowikwena ichö. Jolama, pan tjukwakwa̧ abönö Duluwo̧ma iteda abe'donö aebi̧ tjukwinemi yöne tjola.

Juan 6:9

—Bena bakwo̧ tjemu ujuna̧la pan, sebacatjö otikwa pan, bakwamu jawa ö̧pji̧ya. Ja̧danö, ba̧i̧ du̧ju̧tajanöbi ujuna̧la— jö̧a̧linobe—. Jo̧kwaijayonö ja̧ ujun, a̧li̧ma ja'yube. Okobe deinöma tjukwökena— jö̧a̧linobe Andrésma Jesúsnö.

Hechos 27:35

Ikenama Pabloma pan emö, Diosnö yöba̧lö, Dios, otiwanö kwiyajabe, jö̧ba̧lö, ja'yubeda debatö ukwijatö.

Romanos 14:6

Jau chömöledö, bakwöta möle wainö 'da̧batö juno̧ma, Duluwo̧nö ösödotö jö̧ba̧lö wainö 'da̧batö juno̧. Ja̧danö, okobe jwiinö kwakwawa kwo̧ma, Diosda otiwanö chukwobö iyajabe, jö̧ba̧lö, duluwo̧nö ösödö kwo̧. Kwö̧kö̧bi ja̧danö chömöledö. Ju'wi jawa chukwobö webö̧kö̧, batjo jawada chukwobö otiwanö iyajabe Diosma, jö̧ba̧lö, Duluwo̧nö ösödö batjo jawada kwo̧. Bakwainö ösödadö Duluwo̧nöma, möle wainö 'da̧batö junadöbi, 'da̧batö junöködöbi, okobe jwiinö kwadöbi, okobe jwiinö kwöködöbi.

1 Corintios 10:31

Jau chömöledö, baikwö yötawa kwomukwataduwo jö̧ka̧laduwi̧ma: Kwukwaduwi̧bi, kwowaduwi̧bi okobe jwiinö ju'wi jaye ja̧köbaduwi̧bi, okobe deinö otiwanö Diosnö tjomukwato jö̧ba̧lö kwisakwaduwo chömöledö.

1 Tesalonicenses 5:18

okobe jwiinö baledi̧ma, Diosnö kwösödaduwo, otiwanö pjabato̧ja jö̧ba̧lö. Jejenö ökwödö Cristo Jesúsnö dötewadö kwö̧jaduwobö ösödo̧ Diosma.

1 Samuel 9:13

Juluwanö comunidad apjude tekachaduwitjö̧ma, jo̧banö kwöbadekwajaduwena, möemi Diosnö iyawemibe kwanö önöchapji. Jobe Diosnö iyajadö, ba'ali tjukwakobe, jo̧kwaijayonö jo̧ba ichibakwa̧ tjiteada̧lobe, Diosnö tjiyakwa̧ abönö Diosnö iyawa jo̧bada Diosnö aebakobetjö̧. Ja̧danö, jemi ikenama, jobe tjukwobö tja̧debajawö̧ma jobetjö ba'ali tjukwakwedö. Jo̧kwajabetjö̧ juluwanö jo̧banö edö 'ya̧duwi, juluwanö jo̧banö kwöbadekwaduwakobetjö̧, —jö̧ba̧lö yötjawinobe möayedöma, Saulnöbi, ömöayo̧nöbi.