Juan 5:45 - Dios Iwene

⁴⁵ Ina yöawinobe: —Ja̧danö ötjömaökö, Chabe'donö ökwödönö jwöbeba̧lo̧ma, Sulabedö, jö̧ba̧lö. Ötjömaökö. Moisés iwȩyudinada ökwödönö jwöeba̧lobe Diosnö, Sulabedö, jö̧ba̧lö. Ökwödöma Moisés webö iwȩyudina a̧ja̧kwö kwö̧jaduwi̧da kwo̧'wo̧duwi wana̧lö kwö̧jaduwobe. Ja̧danö, kwomukwataduwobe, Dios öba a'o ja̧nö wene jwiinö, otiwadö badiboböma Moisés iwȩyudina a̧ja̧kwö dö̧jaduwobö jo̧be, jö̧ba̧lö. Jo̧kwaijayonö, ja̧ webö iwȩyudinada ökwödönö jwöeba̧lobe Diosnöma, Sulabedö, jö̧ba̧lö.

Juan 5:45 Iomraidhean Croise

Lucas 16:29

Aebiökwe, Abrahamma atadinobe: Jobadöma ida̧ökö Moisés iwȩyudinabi, ju'wedö Dios yöawi̧ yöbawinadö tjiwȩyudinabi juna̧ladö, tjiwȩyudina yöba̧lö sulabenö tjomukwati̧ kabatibö tjöbalewachobö, jobadö tjiwȩyudina tja̧ja̧kwobö jo̧be, jö̧ba̧lö.

Juan 12:48

Jo̧kwaijayonö ötjö weti̧ öpöjödö ja̧böködönö lȩebobö jo̧be. Jobadönöma ju'winö, okobe jwiinö 'dö̧ibaji̧ möle baibena, ötjö weti̧ öpöjödö ja̧tjinokobetjö̧ lȩekwama baledakwawö̧.

Juan 7:19

A̧ja̧kwaduwitjö. Damötjö Moisésma Dios wei̧ wȩyudijetö. Ja̧ iwȩyudinama ökwödö judío jojodö dö̧jobö weawa, Biya̧da ja̧bö dö̧jobö jo̧be, jö̧ba̧lö. Jo̧kwaijayonö ökwödöma jejenö okobe jwiinö ja̧bö kwö̧jaduwoböma waiya. Waekwobe. Okobe jwiinö Dios wei̧ Moisés iwȩyudinama ja̧dokobe. Jo̧kwaobetjö̧ ¿tajawedö kwabö loköbaduwobö jö̧ka̧laduwa ötjönöma, Itema Moisés weina ja̧bö̧kö̧, jö̧ba̧lö?— yöawinobe Jesúsma judío jojodönöma.

Juan 8:9

Ja̧danö, isujunö do̧batö ichejebadöma, Jesús jö̧a̧li̧ a̧ja̧kwö, Ökwödötjö suli̧ jwibo̧da inawiyanö ikwawobö jobe, jö̧a̧li̧ a̧ja̧kwö, ikwawökönö jobetjöma bakwo̧nökwena latjekwibinobe. Jobadötjö la'aka luwedö abönö latjekwibinobe. Ja̧danö, jobadö tjökömanö tjömöayedöbi latjekwibinobe. Ja̧danö, Ökwödöma suli̧ juna̧ladösa, jö̧ba̧lö, latjekwibinobe okobe deinö. Latjekwibajabe okobe, Jesúsma jobujukwöda ö̧jinobe, nijakwö ö̧bemi badeibö jujukwöda.

Romanos 2:12

Jau chömöledö, isabenö jweinö lȩbebo̧ Diosma jojodönö. Baikwö yötawa: Ju'wedöma, judío jojodöböködöma, Dios weina wene, Dios Moisésnö iwȩyudobö weina wenema wajwibadö. Ja̧ weina wajwitjijayonö, Diosma jobadönö lȩebakwo̧ sulabenö ja̧tjobetjö̧. Ja̧danö, Dios weina wene juna̧ladönöbi lȩebakwo̧ Diosma, sulabenö ja̧tjobetjö̧. Dios weinadanö ja̧tjokobetjö̧, Dios lȩebakwawö̧ jobadönöma.

Gálatas 3:10

Jo̧kwaijayonö Moisés iwȩyudina ja̧bö otiwadö batjibobö isakwadöma, Dios lȩebakwawö̧ tjuju̧kwobe chömöledö, Dios iwenema baikwö laebobetjö̧: Okobe jwiinö Dios weina Moisés iwȩyudina'yetjö laebi̧danö ja'yubebi junibökönö ja̧böködöma, Dios lȩebakwawö̧, jö̧ba̧lö laebobe.