Juan 5:42 - Dios Iwene

⁴² Ja̧danö, ökwödö kwomukwataduwi̧ma chöwaisa. Ökwödöma kwo̧'wo̧ luwo̧duwi okwanö kwösödaduwokobe Diosnöma.

Juan 5:42 Iomraidhean Croise

Lucas 16:15

Jejenö otjiökwe, Jesúsma jobadönö yöa̧linobe: —Ökwödöma jojodö tjöba a'otjö otiwadödanö kwichejekwaduwobö ja̧bö ju̧kwadöja, jo̧kwaijayonö Diosma wamenö otiwadödanö kwichejekwaduwi̧ma omukwatö̧kö̧, Diosma kwomajadeduwinö sulabenö kwomukwataduwi̧ waiso̧. Jau, jojodö tjedemi biya̧ma nöinö mikwawi̧ jö̧ba̧lö tjösödi̧ jawama, Dios edemi mikwawökö ji̧, iteda öpöjödi̧ jawaobe. Ja̧danö, jojodö wamenö ökwödönö edö bidöma otiwadö jö̧ba̧lö tjomukwatijayonö, Diosma kwomajadeduwinö edö öpöjödobe, Bidöma sulabedö jö̧ba̧lö. —

Juan 21:17

Ikenama yemidanö abebö a̧ja̧kwinobe, wa̧pötakwanö baibanö: —Simón, Juan itji̧ ¿jwiinö ile nikebiji̧ ötjönö?— abebö a̧ja̧kwiökwe Pedroma o̧'wo̧ tjo̧bekwibö ö̧jinobe, Jesús wa̧pötakwanö abebö a̧ja̧kwobetjö̧. Ja̧danö atadinobe: —Chuluwo̧, ökwöma okobe jwiinö waiso̧ja. Kwöwaisa. Ökwönö jwiinö ile nibebo̧sa—atadiökwe: —Jo̧kwatjö̧ma cha̧jwi̧mu o̧bȩja̧dönö kwite'ada̧lo— weinobe Jesúsma.

Juan 5:41

Ina yöawinobe: —Ja̧danö, böjȩ jojodö ötjönö ösödö otiwanö yötja̧loböma chisakwokobe— yöawinobe—.

Juan 5:43

Ja̧danö, Chabe'do weinobe ötjönöma, böjȩkwö chichobö. Böjȩkwö chichobö weinajayonö kwöpöjödaduwobe ötjönöma. Jo̧kwaijayonö, jelo̧, itedada omukwati̧ omukwatö icho̧nö edö, Iteda Dios weinökwe, jö̧ba̧lö, jo̧banö kwösödaduwobe.

Juan 5:44

Ja̧danö, ökwödöma ¿dakwö kwöwaisachibaduwobö ötjönöma? Ju'wi jawa kwisakwaduwobe. Jojodö ökwödönö tjösödi̧da, pjatjati̧da kwisakwaduwobe. Dios jawa, bakwo̧da Dios jwiinö otiwi̧ jawama kwisakwaduwokobe— yöawinobe Jesúsma judío jojodö la'aka luwedönöma.

Juan 8:42

—Dios ökwödö kwabe'doduwi ö̧jitjö̧ma, ötjönö kwösödaduwena, jo̧ba ö̧jobetjö böjȩkwö ichino̧chobetjö̧. Jo̧ba wei̧da a̧ja̧kwö chichijatö böjȩkwö. Ötjömaö̧kö̧, Jojodö tjujukwobekwö chi̧'yobö jö̧ta̧la, jö̧ba̧lö, omukwatinökösa. Jejenömaökö. Chabe'do Diosda weinökwesa ötjöma— Jesús yöawinobe.

Juan 8:47

Dios i̧tji̧muma Dios yöawi̧ a̧ja̧kwadö. Ökwödöma Dios i̧tji̧muböködököbaduwobetjö̧ Dios yöawi̧ kwa̧ja̧kwaduwokobe— yöawinobe Jesúsma.

Juan 8:55

Ökwödöma, Dabe'do Diosnö dösöda, jö̧ba̧lö, yöka̧laduwijayonö wajwiköbaduwobe jo̧banöma. Jo̧kwaijayonö ötjöma isabenö waiso̧sa Dabe'do Diosnö, ötjö Chabe'donöma. Yöta̧lökö, Dabe'do Diosnö ötjöma wajwitökwe, jö̧ba̧lö. Jejenö yöta̧litjö̧ma omönada yöta̧lena, ökwödö omöna yöka̧laduwi̧danö. Jejenöma yöta̧lokobe. Jo̧banö, ötjö Chabe'donö chöwaisökwe. Ja̧danö, jo̧ba yöawi̧ a̧ja̧kwo̧sa.

Romanos 8:7

Jau chömöledö, suli̧ ömöayedödanö ju̧kwadöma, Dios öpöjojodö. Ja̧danö, Dios wei̧ma ja̧böködö. Ju'wibi, Dios wei̧ ja̧tjoböma jwibadö, tjujulu jwitjobetjö̧.

1 Juan 2:15

Ja̧danö chö̧ja̧wo̧dö, yötawaduwakwö. Böjȩnö ju̧kwadö, Diosnö öpöjödadö sulabenö omukwatö tjö̧jobe edö kwomukwataduwoko, Aaa ötjöbi jejenö chö̧jobö chösöda, jö̧ba̧lö. Ja̧danö, jobadö böjȩ jawa sulabe tjösödi̧ma kwösödaduwoko. Chö̧ja̧wo̧dö, Diosnö öpöjödadö sulabenö omukwatö tjö̧ji̧ tjösödi̧kwö, ja̧danö, Dabe'do Diosnö tjösödi̧kwö pjabacha̧löma jö̧kö̧. Wainö ji̧ chö̧ja̧wo̧dö. Isabenö, sulabenö omukwatö ja̧kwawa ösödadöma Dabe'do Diosnö öpöjödö ja̧dö.

1 Juan 3:17

Jau chö̧ja̧wo̧dö. Dö̧ja̧wo̧dönö ile nibebö pjadatobö jo̧be. Ja̧danö, böjȩnö ö̧jobö jawa juna̧lo̧ma öjawo̧ jwibo̧nö lȩlö̧jino edobö jo̧be, jo̧banö pjabatö iyö. Jo̧ba juna̧lo̧ma öjawo̧ jwibo̧nö pjaatökötjö̧ma Diosnö ösödökena. Öjawo̧ jwibo̧nö pjaatokobetjö̧ wajuwanö i̧sekwobe, Dios ile niebinadanö ile nibebökösa, jö̧ba̧lö. Ja̧danö, jejenö pjaatokobetjö̧ Diosnöbi öpöjödobe ichejekwa, Dios jojodönö ile niebi̧danö jojodönö ile nibebö ö̧jokobetjö̧.

1 Juan 4:20

Jo̧kwaobetjö̧ Diosnö ösödo̧sa, jö̧ba̧lö, yöba̧lo̧ma, Jesústjö öjawo̧nö ösödö jo̧. Öjawo̧nö ösödökönö jo̧ma, Diosnö ösödo̧sa jö̧ba̧lö, yöa̧litjö̧ma omöna yöa̧lena. Öjawo̧nö, edökwenö ösödökötjö̧ma ¿dakwö ösödobeda Diosnö, edökökwenö? Wajuwanö i̧sebobe, Jo̧bama öjawo̧nö ösödökönö ö̧jobetjö̧, Diosnöbi ösödö̧kö̧, jö̧ba̧lö.

Apocalipsis 2:23

Ja̧danö, jobuju jömöayedönö, jobuju yöjawi̧ ösödadönöma omönanö ö'wö batjibanö wetakwo̧sa. Ötjöma jobadö tjo̧'wo̧ luwo̧ okwanö tjomukwati̧bi waiso̧sa. Ja̧danö, jobadö ö'wö batjibiawö̧ okobe deinö ötjönö ösödadöma, okobe jwiinö tjö̧baji̧tenia, jweinö tjöwaisachibakobe ötjönöma. Ötjönö jweinö tjöwaisachibakobe, ¡Ayö! Jesúsma jojodö tjo̧'wo̧ luwo̧ okwanö tjomukwati̧bi okobe jwiinö waiso̧, jö̧ba̧lö. Ja̧danö, tjöwaisachibakobe lȩtebakwa̧ma jweinö omukwatö lȩtebakwo̧sa, jojodö bakwo̧nökwena ja̧tjaja̧ mikwama. Jau, jojodö ja̧tji̧ mikwama lȩtebocha, sulabenö omukwatö ja̧badönöma.