Juan 5:39 - Dios Iwene

³⁹ Ina yöawinobe: —Ökwödöma Dios iwenetjö edö isakwö ja̧döja, jojodö tjö̧jibina pjabato̧ jawa kwöwaisachibaduwobö. Yötawaduwakwö. Dios iwenetjö ötjönöda yöawobe.

Juan 5:39 Iomraidhean Croise

Proverbios 6:23

Ja̧danö, ju'wibi yötawakwö chitji̧, wanedö: Ökwödö jwebebö yödawi̧ jawama dejuwa'yu dewinö dejati̧danö dejati̧ jweinö kwi̧’yobö. Ja̧danö, ökwödö jwebebö yödawi̧ jawama dewa’wo dejati̧danö dejati̧, dewa’wonö dejati̧danö kwö̧jobö. Ja̧danö chitji̧, ötjö kwabe'dobi, kwojo’dobi ökwönö jwebebö yödawi̧ma öwönö jweinö omukwatö kwö̧jobö yödawobe.

Isaías 34:16

Jau chömöledö, otiwanö Isabenö Jo̧ yöawi̧ wȩyukwa'ye laebi̧ yöka̧laduwo, ja̧ yöta̧laja̧danö baledakwa̧ kwöwaisachibaduwakobetjö̧. Okobe deinö jobadö tebonö ju̧kwadöma jobe Edom niji comunidadbiyanö tjö̧jakwedö, ja̧danö jobe ju̧kwadö tebonö ju̧kwadötjö, bakwo̧bi ilekwo deinö ö̧jökakwo̧, jobe Edom jojodö tjö̧jinemi otiwanö tjö̧jobö Dios iyobetjö̧. Jau, jobekwö baledobö weajabe Isabenö Jo̧ma, ja̧danö iteda O̧'wo Luwo̧ öibawö̧, okobe deinö jobadöma jobe ko̧ko̧kwö tjö̧jakwedö.

Isaías 8:20

Dios wei̧ jawabi, ju'wi Dios yöawi̧ jawabi kwaja̧kwaduwo chömöledö, i̧ya̧da mikwawi̧ma. Ja̧danö baikwö yötawaduwakwö, ju'wedöma Dios yöawinatjö wainö yötjawitjö̧ma, ja̧danö Dios weinatjö wainö wetjitjö̧ma, isabenö wajwibadö jobadöma. Wanedö yöta̧la, tjo̧'wo luwo̧ jawama: Jobadöma bakwainö yȩa'wo jȩmida, la'akatjöda dewi̧ dewachokobeda ju̧kwadö.

Daniel 12:2

Ja̧danö ja̧ mölema, ba̧jekwadö ö'wö babibinadötjö tjebachajö wilutjakobe. Ja̧danö, wilubajadötjö ju'wedöma ba̧kwȩlö̧jatebö Dioskwö tjö̧jakwedö, ja̧danö jobadötjö ju'wedöma Dios lȩebawö̧ ba̧kwȩlö̧jatebö taba lö̧jawö̧ tjö̧jakwedö.

Mateo 22:29

Atjebökwe, Jesúsma atadinobe: —Dios iwene wajwiköbaduwobetjö̧, ja̧danö Dios ujulu wajwiköbaduwobetjö̧, isabenö wajwibö ö'öbönö omukwatadöja.

Marcos 10:3

Jejenö abebö tja̧ja̧kwökwe Jesúsma abebö a̧ja̧kwijetö jobadönö: —Moisés damötjö iwȩyudinatjö ¿dakwö weobeda ökwödönöma, tjilekwonö kaatibakwawama?— jö̧ba̧lö.

Marcos 12:10

Ina yöbawijetö: —Ökwödöma kwedinaduwobe Dios iwenetjö laebi̧ma, baikwö: Inawiyatjö o̧do otidadöma, bakwawa emö, Biwama sulabawa, jö̧ba̧lö, öpöjödö lobijadötö. Jo̧kwaijayonö, lotjinawada jelewatjö bajalekwönönö otiwawa baibijetö. Isabenö, ja̧wa la'aka junawa baibijetö.

Lucas 16:29

Aebiökwe, Abrahamma atadinobe: Jobadöma ida̧ökö Moisés iwȩyudinabi, ju'wedö Dios yöawi̧ yöbawinadö tjiwȩyudinabi juna̧ladö, tjiwȩyudina yöba̧lö sulabenö tjomukwati̧ kabatibö tjöbalewachobö, jobadö tjiwȩyudina tja̧ja̧kwobö jo̧be, jö̧ba̧lö.

Lucas 16:31

Yöa̧liökwe, Abrahamma atadinobe: Isabenö yötawakwö, jobadöma Moisés iwȩyudinabi ju'wedö Dios yöawi̧ yöbawinadö tjiwȩyudinabi tja̧ja̧kwobö tjöpöjöditjö̧ma, la'akatjöda tjösödökakwedö, bakwo̧ woawatjö tjebachajö yöawitjö̧böbi la'akatjöda tjösödökakwedö, jö̧ba̧lö— Jobekwö wanedö yöawinobe Jesúsma, Moisésbi ju'wedö Dios yöawi̧ yöbawinadöbi tjiwȩyudi̧ma, isabenö inesö mikwawi̧, ja̧ a̧ja̧kwö sulabenö tjomukwati̧ kabatibö tjöbalewachobö jö̧ba̧lö.

Lucas 24:25

Yötjawiökwe, Jesúsma jobadönö yöa̧linobe: —Chömöledö, isabenö wajwibö omukwatadöja, ja̧danö ökwödönö waiyobe okobe jwiinö Dios yöawi̧ yöbawinadö tjiwȩyudina kwösödaduwobö.

Lucas 24:27

Ja̧danö jemi ikenama Moisés iwȩyudinatjö jamatö, okobe jwiinö ju'wedö Dios yöawi̧ yöbawinadö Dios weakwo̧ jö̧a̧linökwenö tjiwȩyudinakwö bajalenö, okobe jwiinö Dios weakwo̧ jö̧a̧linökwenö tjiwȩyudina jawa labebö lobö yöawinobe, tjiwȩyudinama baikwö badekwachobe jö̧ba̧lö. Jejenö labebö lobö öwaetjöda i̧sebinobe, Jesúsnö baledinama jwaikwöda ajayinö tjiwȩyudinadanöda badekwachinobe jö̧ba̧lö.

Lucas 24:44

Jemi ikenama Jesúsma jobadönö yöawinobe: —Wotakwa̧ abönö ina ökwödökwö chö̧jayi, ökwödönö yötawijatö, okobe jwiinö Dios iwenesa'yetjö ötjönö tjiwȩyudinama badekwachobö jo̧be, Moisés iwȩyudinabi, ju'wedö Dios yöawi̧ yöbawinadö tjiwȩyudinabi, Salmossa'yetjö tjiwȩyudinabi okobe jwiinö badekwachinö baledobö jo̧be jö̧ba̧lö yötawijatö ökwödönö— jö̧ba̧lö yöawinobe Jesúsma.

Juan 1:45

Ikenama, Felipema jelo̧, Natanael mikwo̧ ö̧jobekwö i̧'yinobe, Jesús ö̧ji̧ yöawobö. Jobe ichibö Natanaelnö yöawinobe: —Natanael, dite'ada̧lökwenö döbadekwajatö— yöawinobe—. Moisés iwȩyudinökwenö, Dios yöawi̧ yöbawinadö tjiwȩyudinökwenö döbadekwajatö. Jo̧bama Nazaret jojo, José itji̧, Jesús mikwo̧— yöawinobe Felipema Natanaelnö.

Juan 5:32

Jo̧kwaobetjö̧ jelo̧bi ötjö jawa yöbawo̧ma ö̧jobe. Ja̧danö, jo̧ba yöawi̧ma isabenö yöawobe. Jo̧bama Dios. Ja̧danö, chöwaisa, Diosma ötjö jawa yöawi̧ma isabenö yöawobe— yöawinobe Jesúsma.

Juan 5:36

Ina yöawinobe: —Ja̧danö, Juan Ojwenö Bu̧dato̧ma ötjönö jweinö yöawijayonö ju'wi jawa Juan yöawi̧nötjö o̧penönö yöawobe ötjönöma, jojodö tjöwaisachibanö i̧sebö. Ötjö Chabe'do ujulunö chi̧sebi̧ jawada yöawobe ötjönöma, Bitema Dios weinökwe, jö̧ba̧lö. Ja̧ chi̧sebi̧ma Chabe'do weinobe, iteda ujulunöda chi̧sebobö.

Juan 5:40

Jo̧kwaijayonö ötjönö edö kwöwaisachibaduwokobe, Jo̧bada, jö̧ba̧lö. Kwichibaduwokobe ötjökwö, ba̧kwȩlö̧jatebö ja̧kwawa kwujuna̧laduwoböma— yöawinobe Jesúsma judío la'aka luwedönöma.

Juan 5:46

Yötawaduwakwö. Moisés iwȩyudinama jweinö edö kwomukwataduwitjö̧ma, ötjönö kwösödaduwena, ötjönöda iwȩyudinobetjö̧.

Juan 7:52

Jejenö yöawiawö̧, Nicodemonö obö, öpöjödö jö̧tja̧linobe: —Nicodemo ¿ökwöbi Galilea jojoja?— obö jö̧tja̧linobe—. Jweinö edi Dios iwenema kwöwaisobö Galileabetjö ichokobe Dios yöawi̧ yöbawo̧ma— jö̧tja̧linobe.

Hechos 13:27

Ajayinö, Jerusalénnö ju̧kwadöma, jo̧kwadabedöbi, tjuluwedöbi Dios weinökwenöma wajwibijadötö. Jobadöma ba̧kwȩlö̧jatebö, judío jojodö tjotidökö mölekwena Dios yöawi̧ yöbawinadö tjiwȩyudina tja̧ja̧kwijayonö waisachibijöködötö. Dios yöawi̧ yöbawinadö tjiwȩyudinökwema, Jesúsda, jö̧ba̧löma, yelösöda waisachibijöködötö, Biteda, jö̧ba̧lö. Jo̧kwaobetjö̧ Jesúsnö öpöjödö abebijadötö romano jojodö tjuluwo̧nö, Jesúsnö kwabö lotjobö weobö. Ja̧danö, jobadöma Dios yöawi̧ yöbawinadö tjiwȩyudinadanö abebijadötö, Jesúsnö kwabö lotjobö abeböma. Ja̧danö chömöledö, Jesúsnö kwabö lotjobö atjebenama Dios yöawi̧ yöbawinadö tjiwȩyudinama badekwachijetö.

Hechos 17:11

Ja̧danö, Bereanö ju̧kwadö judío jojodöma, Pablo yöawi̧ a̧ja̧kwö ösödö a̧ja̧kwijadötö. Jobadöma Tesalónicanö ju̧kwadö judío jojodötjö o̧penönö ösödö a̧ja̧kwijadötö. Jobadöma tjo̧'wo̧ ösöwanö, Da̧ja̧kwobö jö̧da̧la, jö̧ba̧lö, a̧ja̧kwijadötö Dios iwenema. Ju'wi möle jwiinö tja̧ja̧kwaja̧ ikenama, Dios iwene, damötjö tjiwȩyudina waisachö eda̧lijadötö, Pabloma Dios iwene yöawi̧da jweinö yöbawo̧, jö̧ba̧lö.

Hechos 26:27

Ikenama Pablo jö̧ba̧lijetö Agripanö: —Chuluwo̧, Dios yöawi̧ yöbawadö tjiwȩyudinama, Dios weakwo̧nö tjiwȩyudinama ¿dakwö kwomukwata ökwöma? Jau jweinö yötjawa, jö̧ba̧lö, ¿kwomukwatobeji̧? Chöwaisa, Jau, jweinö yötjawobe, jö̧ba̧lö, kwomukwatobe.

Romanos 1:2

Ja̧ otiwa jawa baledakwa̧ wene tjiwȩyudinobe, damötjö Dios yöawi̧ yöbawadöma, Dios yöawi̧ tjiwȩyudenama.

Romanos 3:2

Isabenö mikwawinobe chömöledö, baikwö yötawa: Judío jojodönöda iyinobe Diosma, iteda iwene tjite'ada̧lobö, te'ada̧lakwawa luwedö baibanö tjite'ada̧lobö. Ju'wedönö iyinokobe, judío jojodönöda iyinobe chömöledö.

Deuteronomio 18:15

—Kwuluwo̧duwi Isabenö Jo̧ Dios ökwödönö yöawobö jö̧a̧lenama, jobadöjayedönötjö̧ yöawökakobe chömöledö. Ökwödönö yöawobö jö̧a̧lenama, ökwödötjö bakwo̧ iteda yöawi̧ yöbawo̧nö weakobe, ötjö Moisesja̧yo̧nö, ökwödönö Dios yöawi̧ yötawi̧danö yöawobö. Ja̧danö, jo̧ba Dios yöawi̧ yöawenama, isabenö jo̧ba yöawi̧ kwa̧ja̧kwaduwobö ja̧kobe chömöledö.

Deuteronomio 18:18

Jo̧kwajabetjö̧ jobadönö yöta̧lobö jö̧ta̧lenama, jobadötjö bakwo̧nö 'da̧batö chujunakwo̧sa, ökwödajayo̧nö. Ja̧danö, 'da̧batö junajo̧, jo̧banö yötawocha, jojodönö yötawo jö̧ta̧li̧ma, ja̧danö jo̧bada yöawobö weti̧danö okobe jwiinö ötjö yötawaja̧ tupakwö jojodönö yöawakobe.

Deuteronomio 29:29

—Jau chömöledö, isabenö Dios wei̧ a̧ja̧kwö dö̧jobö jo̧be, ökwödöbi, ditji̧mu tupadanö jojodöbi. Duluwo̧ Isabenö Jo̧ Diosma, ju'wedö wajwitji̧ jawa waiso̧ chömöledö, ja̧danö ja̧ öwaisi̧ jawatjö, ju'wijayema tojö ujunajabe, –Ötjöda chöwaisobö jo̧be, –jö̧ba̧lö. Jo̧kwaijayonö, iteda wei̧ jawa, ökwödönö i̧sȩbina jawama, ökwödö jawa, ba̧kwelöjatebö a̧ja̧kwö dö̧jobö. Jo̧kwajabetjö̧ ökwödöbi di̧tji̧mu tupadanö jojodöbi bi'ye Dios wei̧ wȩyukwa'yenö laebi̧ jawa a̧ja̧kwö dö̧jobö jo̧be chömöledö, —jö̧ba̧lö yöawinobe Moisesma, israel jojodönö.

Deuteronomio 32:47

Jau chömöledö, inesö mikwawi̧ ji̧ ökwödönö weti̧ma, mikwawökö ji̧ weawamaökö, isabenö mikwawobe 'yaba̧ladö kwö̧jaduwobö. Juluwanö Jordan ojwe pebibö, kwiteboduwibe kwi̧'yaduwakwedöja chömöledö, ja̧danö jobe ja̧nö yötawaja̧ omukwatö kwö̧jaduwitjö̧ma, isabenö lekwe möle otiwanö kwiteboduwinö kwö̧jaduwakwedöja, —jö̧ba̧lö yöawinobe Moisesma.

Colosenses 3:16

Chömöledö, Cristo jawa wene kwomajadeduwinö omukwatö kwö̧jaduwo, jo̧kwajabetjö̧ waisanö yökawakwawaduwo, ja̧danö waisanö kwöba̧ja̧dakwawaduwo kwömöledöduwikwö. Ja̧danö otiwanö pjabato̧ja jö̧ba̧lö, Diosnö ösödö lo̧köbaduwo, Salmos jawa lo̧awabi, Jesús jawa lo̧awabi, Dios O̧'wo̧ Luwo̧tjö öba̧ja̧di̧ lo̧awabi.

Hebreos 11:16

Tjeachakwawa öpöjödö, jwaikwöda 'ya̧nö böjȩnö tjitebotjö o̧penönö otiwemi omukwatö tjite'ada̧linobe, tjitebo baibakwemi. Mölejȩbe Dioskwö tjö̧ji̧ tjitebo baibakwemima tjo̧'wo̧ ösöwanö ja̧nö omukwatö tjite'ada̧linobe. Jejenö omukwatö tjite'ada̧liökwe Diosma jwiinö o̧'wo̧ ösöwanö ö̧jinobe. Ja̧danö, o̧'wo̧ ösöwi̧ i̧sebö jobadö mölejȩbe tjitebo otidinobe, iteda ö̧jobe tjö̧jobö.

Hebreos 11:35

Ja̧danö, ju'wedöbi Diosnö tjo̧'wo̧ wana̧ladö tjuju̧kwinobe, ya̧dö. Jobadö ya̧döma, Dios wobajaletjö tjeatajinawö̧ tjömöledö. Ja̧danö ju'wedöbi, ömadöma Diosnö tjo̧'wo̧ wana̧lö tjuju̧kwinobe. Jobadöma inia tjötjinö ja̧tjobö tje'ewinawö̧. Yelösöda inia tjötjinö baledinobe jobadönöma. Ja̧danö, jobadönö wetjinobe Diosnö katjatibobö, Chöpöjödökwe, jö̧ba̧lö. Ja̧danö, jejenö katjatibitjö̧ma inia tjötjoko jö̧tja̧linena. Jo̧kwaijayonö jejenöma katjatibinokobe, ju'wi möle tjö̧jakwa̧ tjomukwatobetjö̧, yemidanö tjebachajö Dioskwö ba̧kwȩlö̧jatebö tjö̧jakwa̧ möle. Ja̧danö, Diosnöma chöpöjödökwe, jö̧ba̧lö, jö̧tja̧lokobetjö̧ inia tjötjinö baledinobe, wotjenanö baibanö.

Josué 1:8

Ba̧kwelöjatebö kwiyalu'ye weti̧ wȩyukwa'ye yöba̧lö kwö̧jo, ja̧danö mölebi, yö̧tebi laebi̧ jawa omukwatö kwö̧jo, okobe jwiinö laebi̧danö ja̧bö kwö̧jakobetjö̧. Jau Josue, jejenö ja̧bö kwö̧jitjö̧ma, kwö̧ji̧ma isabenö jwiinö otiwanö waekwökönö kwö̧jakwo̧ja.

Apocalipsis 19:10

Jejenö jö̧a̧litjö̧, jo̧ba ö̧jemi badeibö mebibö, chösödo jö̧ta̧lökwe: —Kwösöda ötjönöma, Diosnöda ösödi. Ötjöma ökwödanö, kwömöledödanö bakwainö Dios ömöayo̧sa, okobe deinö Jesús yöawina ösödadödanö. Ja̧danö, Jesús isabenö yöawina do̧batibö kwösödaduwobetjö̧ jo̧ba yöawina yökawaduwobe. ¡Diosnö dösödaduwo!—jö̧a̧lijatö ángelma.