Juan 5:38 - Dios Iwene

³⁸ Chabe'do iwene ökwödö kwo̧'wo̧ luwo̧duwi okwanö jwiköbaduwobe. Ja̧danö, jo̧ba iwene kwo̧'wo̧ luwo̧duwi okwanö jweinö kwomukwataduwitjö̧ma, ötjönö, Chabe'do Dios weinökwenö kwösödaduwena— yöawinobe Jesúsma.

Juan 5:38 Iomraidhean Croise

Isaías 26:10

Jweinö lȩkebi̧ma isabenö otiwa chuluwo. Sulabedönö lȩbebökönö, jobadönö dösölö̧jinö kweditjö̧ma, sulabenö tjomukwati̧ kabatibökönö, weköbi̧ a̧ja̧kwökönö tjö̧jo jö̧tja̧lena. Weköbi̧ a̧ja̧kwö ju̧kwadö tjö̧'dade ja̧nö, jwaikwöda sulabenö jabö tjö̧jo jö̧tjalena. Jau, sulabedönö lȩkebökötjöma, ökwönö tjöwaisachibökena, —Isabenö Jo̧ Diosda inesö la'aka luwo̧ma, —jö̧ba̧lö tjöwaisachiboko jö̧tja̧lena.

Isaías 49:7

Isabenö Jo̧, Israel jojodönö tjöbeba̧lö pjabato̧, tjösödökwe suli̧ jwibo̧ma, baikwö yöa̧lobe tjitebotenia jojodö tjöpöjödökwe, ajayinö mikwawö̧kö̧ jö̧ba̧lö tjomukwatökwe la'aka luwedö tjö̧möayo̧nö: Ötjö ba̧kwelöjatebö yötawi̧danö ja̧bö jo̧ Isabenö Jo̧, Israel jojodö tjösödökwe Suli̧ Jwibo̧ Diosma ökwönö omudawö chujuninökweja, ötjöda chömöayo̧ bakibanö. Jo̧kwajabetjö̧, ju'winö inesö la'aka luwedöma ökwönö edö, kwöba a'o a̧la̧ibö tjöjamatakwedö, –Ökwöma mikwawo̧ja, –jö̧ba̧lö, ja̧danö ju'wedö luwedö kwöba a'o bȩbachibö tjö̧jakwedö, jö̧ba̧lö yöa̧lobe Diosma, iteda ömöayo̧nö.

Juan 1:11

Jo̧bama itebonöda ichibö, iteda ömöledönö yöawijayonö jobadöma tjöpöjödinobe jo̧banöbi, jo̧ba yöawi̧bi.

Juan 15:7

Ina yöawinobe: —Ötjökwö dötewinö ja̧duwi. Jejenö ötjökwö dötewinö ja̧nö, ötjö yötawi̧ kwo̧'wo̧ luwo̧duwinö omukwatö kwö̧jaduwitjö̧ma Chabe'donö akebaduwi̧ma okobe jwiinö a̧ja̧kwö pjabato̧.

Juan 8:37

Ina yöawinobe: —Chöwaisa. Ökwödöma Abrahamtjö tupadanö jojodöja. Ja̧danö, Abrahamtjö tupadanö jojodököbaduwijayonö ötjönö kwabö loköbaduwotö jö̧ba̧lö kwisakwaduwobe. Ötjö yötawi̧ a̧ja̧kwö kwo̧'wo̧ luwo̧nö kwöpöjödaduwobetjö̧ kwabö loköbaduwobö jö̧ka̧laduwobe.

Colosenses 3:16

Chömöledö, Cristo jawa wene kwomajadeduwinö omukwatö kwö̧jaduwo, jo̧kwajabetjö̧ waisanö yökawakwawaduwo, ja̧danö waisanö kwöba̧ja̧dakwawaduwo kwömöledöduwikwö. Ja̧danö otiwanö pjabato̧ja jö̧ba̧lö, Diosnö ösödö lo̧köbaduwo, Salmos jawa lo̧awabi, Jesús jawa lo̧awabi, Dios O̧'wo̧ Luwo̧tjö öba̧ja̧di̧ lo̧awabi.

Josué 1:8

Ba̧kwelöjatebö kwiyalu'ye weti̧ wȩyukwa'ye yöba̧lö kwö̧jo, ja̧danö mölebi, yö̧tebi laebi̧ jawa omukwatö kwö̧jo, okobe jwiinö laebi̧danö ja̧bö kwö̧jakobetjö̧. Jau Josue, jejenö ja̧bö kwö̧jitjö̧ma, kwö̧ji̧ma isabenö jwiinö otiwanö waekwökönö kwö̧jakwo̧ja.

1 Juan 2:14

Ja̧danö böjanö yötawa ökwödö kwo̧'wo̧ luwo̧duwi okwanö da̧peachadönö, Isabenö ökwödöma Jesús, la'akatjöda ji̧nanö waisadöja, jö̧ba̧lö. Ja̧danö, böjanö yötawa ökwödö möayedö tjujuluwi̧danö kwo̧'wo̧ luwo̧duwi okwanö juluwadönö, Juluwadöja, jö̧ba̧lö. Ja̧danö yötawa, Dios yöawi̧ kwo̧'wo̧ luwo̧duwi okwanö ösödö 'ya̧döja, jö̧ba̧lö, böjanö wȩyudö. Ja̧danö, ökwödö juluwadönö yötawa, Sulabo̧ Awetjanö juluwinadöja, jö̧ba̧lö. Jau chi̧tji̧mu, ökwödönö yöbawö pjabatö chiwȩyuda böjama, tupakwö kwujuluwachibaduwobö.