Juan 5:36 - Dios Iwene

³⁶ Ina yöawinobe: —Ja̧danö, Juan Ojwenö Bu̧dato̧ma ötjönö jweinö yöawijayonö ju'wi jawa Juan yöawi̧nötjö o̧penönö yöawobe ötjönöma, jojodö tjöwaisachibanö i̧sebö. Ötjö Chabe'do ujulunö chi̧sebi̧ jawada yöawobe ötjönöma, Bitema Dios weinökwe, jö̧ba̧lö. Ja̧ chi̧sebi̧ma Chabe'do weinobe, iteda ujulunöda chi̧sebobö.

Juan 5:36 Iomraidhean Croise

Mateo 11:4

Atjebökwe, Jesúsma atadinobe: —Juan ö̧jobekwö da̧ja̧duwi, ja̧danö jo̧banö yöbawajaduwi, kwedaja̧duwabi, kwa̧ja̧kwaduwaja̧bi,

Lucas 2:49

Abebö ja̧ja̧kwiökwe, Jesúsma atadinobe: —¿Tajawedö jelobetenia ötjönöma isakwö kwekachaja̧da? Ötjöma Chabe'do ejunö chö̧jobö jo̧be, jö̧ba̧lö ¿wajwiköbaduwinaji̧? Kwöwaisaduwo jö̧ka̧laduwajena, Jesúsma Abe'do ejunö jo̧, jelobe isakwökönö abe'do ejutjöda disakwo, jö̧ba̧lö kwöwaisaduwo jö̧ka̧laduwajabe— jö̧ba̧lö Jesús atadinobe.

Juan 10:25

—Ida̧ökö yötawijayonö ökwödöma öpöjödadöja. Ötjö Chabe'do iminö, jo̧ba ujulunö otidö lobö jweinö chi̧sebijatö, Ötjödasa Dios weinökwema, jö̧ba̧lö.

Juan 11:37

Jo̧kwaijayonö ju'wedöma yötja̧lakwawinobe: —Bitema öbajale tjewawökwenö otidö lobinama ¿tajawedö otidö loinököda, Lázaro ö'wö baibökönöma?— yötja̧lakwawinobe.

Juan 15:24

Ja̧danö, jojodökwö ja̧nö juluwi̧ jawa i̧sebiachijatö, jelo̧ la'akatjöda i̧sebajiökö jawama. Ja̧ chi̧sebi̧ edö, Ayö bitema Dios weinökwe, jö̧ba̧lö, tjösödobö ji̧jayonö tjöpöjödijatö ötjönöbi, Chabe'donöbi. Jo̧kwaobetjö̧, jobadönöma lȩebakwawö̧.

Juan 17:4

Ötjöma böjȩnö ja̧nö ökwö kwotiwi̧ma chi̧sebijatö. Ja̧danö, ökwö weköbina okobe jwiinö chotidijatö.

Juan 2:23

Ja̧danö, jojodö ba̧jekwadö Jesús, Dios damötjö mönö öbaledina tjomukwati̧ pjiesta baledo̧nö tjösödinobe, ujulunö i̧sebi̧ jawa tjedobetjö̧. Jo̧banö tjösödinobe, Biteda, Dios weinökwe, dö̧jibinö pjaatobö, jö̧ba̧lö.

Juan 3:17

Diosma itji̧nöma, böjȩnö ju̧kwadönö lȩeboböma weinokobe. Tjö̧jibinö pjaatoböda weinobe Diosma itji̧nöma, jo̧banö ösödadö tjö̧jibinö pjaatobö.

Juan 3:2

Ja̧danö, jo̧bama Jesús ö̧jobekwö i̧'yinobe, yö̧te ja'ö. Ichibö jö̧a̧linobe Jesúsnö: —Ba̧ja̧dakwawa jojo, döwaisa ökwönöma, Dios weinökweja, jö̧ba̧lö, jojodönö kwöba̧ja̧dobö weinökweja, jö̧ba̧lö, ökwöma— jö̧a̧linobe—. Ökwöma Dios ujulunö i̧sebo̧ja, Diosma ökwökwö pjabatö ö̧jobetjö̧. Jelo̧ Dios weinökökwema, jejenöma i̧sebö̧kö̧, ökwö kwi̧sebi̧danöma— jö̧a̧linobe Nicodemoma.

Juan 4:34

Ja̧danö Jesúsma yöawinobe jobadönö: —Ötjö chukwi̧ kwakwawama biya̧: Ötjönö webo̧ ösödi̧ma, iteda wei̧ a̧ja̧kwo̧sa. Jejenö iteda wei̧ a̧ja̧kwö chö̧jena, otiwanö chö̧ja, jojodö tjukwaja̧ ikena otiwanö tjö̧ji̧danö— yöawinobe.

Juan 5:32

Jo̧kwaobetjö̧ jelo̧bi ötjö jawa yöbawo̧ma ö̧jobe. Ja̧danö, jo̧ba yöawi̧ma isabenö yöawobe. Jo̧bama Dios. Ja̧danö, chöwaisa, Diosma ötjö jawa yöawi̧ma isabenö yöawobe— yöawinobe Jesúsma.

Hechos 2:22

Ina yöbawijetö Pedroma: —Chömöledö israel jojodö, ötjö yötawi̧ma a̧ja̧kwaduwi. Jesús Nazaretnö da̧peachinama Dios ujulu i̧sebiaijatö ökwödö kwö'da̧deduwitjö— jö̧ba̧lijetö—. Jo̧bama jojodö la'akatjöda edajitjökö jawa i̧sebiaijatö. Jejenö i̧sebinama Diosma ökwödönö jweinö i̧sebijatö, Bite Jesús Dios ujulunö i̧sebo̧, jö̧ba̧lö— yöbawijetö Pedroma.

1 Juan 5:9

Wanedö yötawa chö̧ja̧wo̧dö: Ökwödöma bakwo̧ jojo edina yöawobe a̧ja̧kwö jö̧da̧lobe, Jau jweinö yöa̧la, jö̧ba̧lö. Ja̧danö chö̧ja̧wo̧dö, yötawaduwakwö. Dios yöawi̧ma jojodö yötjawemitjö o̧penönö jwei̧. Jo̧kwaobetjö̧ jojodö yötjawi̧ a̧ja̧kwö dösöditjö̧ma Dios yöawi̧ a̧ja̧kwö jwiinö dösödobö jo̧be, Diosma jweinöda yöbawo̧, jö̧ba̧lö. Jau chö̧ja̧wo̧dö, jojodö yötjawemitjö o̧penönö jweinö yöawobe Diosma. Ja̧danö, Dios yöawinama biya̧: Jesúsma ötjö chitji̧, jojodö tjö̧jibinö pjaatobö wetinökwe, jö̧ba̧lö. Ja̧ yöawinama dösödo chö̧ja̧wo̧dö.