Juan 5:10 - Dios Iwene

¹⁰ Judío jojodötjö la'aka luwedöma, tjotidökö möleobetjö̧ otiwanö babibajo̧nö edö jö̧tja̧linobe: —Babe mölema dotidökö möle. ¿Tajawedö kwe'ewa wa̧kwawapjoma? Jejenö kwe'ewoböma jwiobe— jö̧tja̧lijayonö

Juan 5:10 Iomraidhean Croise

Isaías 58:13

Jau chömöledö, otikwökö möle jawa weti̧ otiwanö a̧ja̧kwö, otidökönö ja̧nö, ökwödöda kwösödaduwi̧ ja̧bökönö kwö̧jaduwo, baikwö yöta̧la: Otikwökö möle kwösödaduwo, —Isabenö Jo̧ Dios 'da̧batö ujuninemi möle otiwa, ja̧ möle otiwanö omukwatö, dösödi̧da ja̧bö dö̧joko. Ja̧ möle ökwödöda dösödi̧ jawa omukwatökönö, ökwödöda yöda̧lakwawi̧ jawa omukwatökönö, jweinö Dios da̧batö ujunina möle omukwatö dö̧jo, —jö̧ba̧lö.

Mateo 12:10

Jeju okwa, bakwo̧ ömamu 'wabo̧ ö̧jinobe. Ja̧danö, ju'wedö Jesúsnö öpöjödadöma jo̧banö abebö tja̧ja̧kwinobe: —Ökwödö judío jojodönö weawama, ¿otikwökö möle ö'wöchadönö otidö lotjoböma weobeji̧?— jö̧ba̧lö. Jejenö atjebinobe, Bitema sulabenö ja̧bo̧, jö̧ba̧lö Jesúsnö wanedö yötja̧lakobetjö̧.

Marcos 2:24

Jejenö tjebö tjukwobe, fariseo jojodöma edö jö̧ba̧lijadötö Jesúsnö: —Edi. Kwöba̧ja̧di̧ waisachadöma sulabenö tjebö tjukwa otikwökö möle—jö̧ba̧lijadötö—. Jejenöma tjebö tjukwobö wetjökö otikwökö mölema. Ökwödötjö ajayinö ji̧na Moisésmine wȩyudijetö jejenöma ja̧tjokobö otikwökö mölema— jö̧ba̧lijadötö fariseo jojodöma, otikwökö möle lȩekwa yöbawö.

Marcos 3:4

Ikenama Jesúsma fariseo jojodönö edö jö̧ba̧lijetö: —Ökwödöma ¿dakwö kwomukwataduwa? Moisés iwȩyudina ¿dakwö yöawobeda otikwökö möle ja̧doböma? ¿Sulabenö ja̧dobö weobeji̧? ¿Otiwanö ja̧dobö weobeji̧? ¿Diya̧tjö weobeda ja̧doböma? ¿Dakwö kwomukwataduwa? Ö'wöcho̧nö dotidokonö, Wainö ö'wö babibo̧, jö̧ba̧lö, domukwatobö weobeji̧? ¿Ö'wöcho̧nö pjadatobö weobeji̧? ¿Dakwö weobeda ja̧doböma, otikwökö mölema? Yöba̧laduwitjö— abebö a̧ja̧kwijetö Jesúsma fariseo jojodönö. Jejenö abebö a̧ja̧kwawö̧ atadakwawa jwiinö atadijöködötö, Jesúsnö jwötjeba̧lo jö̧ba̧lajadöma.

Lucas 13:14

Jo̧kwaijayonö otikwökö möle jö'wöchi̧ otidö loiökwe, ba̧nö tja̧ja̧kwa̧leju luwo̧ma ödameakwinobe, ja̧danö jojodönö yöawinobe: —Semanakwena jelemutjö bakwöta möle jobe, jojodö otiwanö tjotidoböma, jo̧kwajabetjö̧ ja̧ jelemutjö bakwöta möleda kwichaduwo, kwö'wöchaduwi̧ otidö looböma. Otikwö̧kö̧ möle ökwödönö otidö looböma sula, jo̧kwajabetjö̧ otikwökö möle otidö looböma kwichaduwoko— jö̧ba̧lö.

Lucas 6:2

Jejenö baledi̧ edö, fariseo jojodöma edö yötja̧linobe: —Tjebö kwukwaduwi̧ma sula, tjekebaduwenama kwotidaduwobetjö̧. Jejenö tjebö kwukwaduwenama, ökwödö judío jojodönö weawa laeböködanö, tjotidökö mölejayonö sulabenö kwotidaduwobe— jö̧ba̧lö.

Juan 1:19

Ja̧danö, Judío jojodöma wetjinobe Diostjö jojodötjö ö'weje pjabatadönöbi, jobadö ömöayedö, Levítjö tupadanö jojodönöbi Jerusaléntjö labebö Juan ö̧jobekwö tji̧'yobö, Juan Ojwenö Bu̧dato̧nö abeba̧lö. Wetjinawö̧ 'ya̧jadöma ichibö Juannö abebö tja̧ja̧kwinobe: —Ökwöma ¿tida?

Juan 5:11

jo̧bama atadinobe jobadönöma: —Ötjönö otiwanö batibobö otidö lobajo̧ma weatö, Wa̧kwawapjokwö 'ya̧wi, jö̧ba̧lö— atadinobe judío jojodönöma.

Juan 5:15

Ikenama jo̧ba otiwanö babibajo̧ma jobetjö labebö, judío jojodö la'aka luwedö tjö̧jobekwö 'ya̧nö, jobadönö yöawinobe, Jesús mikwo̧da otiwanö batibanö otidö lobajo̧ma, jö̧ba̧lö.

Juan 5:16

Jejenö yöawobetjö̧ jobadö la'aka luwedöma Jesúsnö tjo̧'wo̧ sulinö edö, sulabenö jwötjeba̧lakwawinobe jo̧banöma, jojodö tjotidökö möle otidiawö̧.

Juan 7:23

Ja̧danö ökwödöma, Moisés weina ja̧bö, kwi̧tji̧mu tjötade bajalesado̧ 'wikebaduwobe. 'Wikebaduwobö möle otikwökö möle ichibena, otikwökö möle 'wikebaduwobe. Jejenöma, otikwökö mölebi 'wikebaduwobe kwi̧tji̧mu tjötade bajalesado̧ma. Jo̧kwaobetjö̧ ¿dakwö kwo̧'wo̧duwi sulinö kwedaduwobö ötjönöma, bakwo̧nö okobe jwiinö otiwanö baibanö otidö lotobema?— yöawinobe Jesúsma—.

Juan 9:16

Jejenö atadawö̧ fariseo jojodötjö ju'wedöma: —Jo̧ba Jesúsma Dios weinökökwe, jojodö tjotidökö möle otidobetjö̧— jö̧tja̧linobe. Jo̧kwaijayonö jobadötjö ju'wedöma: —Jo̧bama sulabenö ja̧bö̧kö̧. Sulabenö ja̧bo̧ma ¿jejenö Dios ujulu i̧sebenaji̧? I̧sebö̧kö̧ sulabenö ja̧bo̧ma— jö̧tja̧linobe fariseo jojodötjö ju'wedöma. Ja̧danö, bakwainö tjomukwatinokobe.