Juan 5:1 - Dios Iwene

¹ Jemi ikenama, judío jojodö pjiesta tjujuni̧ möle baibobetjö̧ Jesúsma Jerusalénbe i̧'yinobe.

Juan 5:1 Iomraidhean Croise

Éxodo 34:23

Ja̧danö, ju'wi jawabi wetakwö. O̧ba Bakwabakwena wa̧ptakwanö ko̧ko̧kwaduwobö jo̧be, Israel jojodötjö okobe deinö ömadöma ötjönö, Isabenö Jo̧ Diosnö, ökwödö kwösödaduwökwe Diosnöma.

Mateo 3:15

Jejenö aebökwe, Jesúsma atadinobe: —Diosma ötjönöbi ojwenö bu̧datakwawa weobe, jo̧kwajabetjö̧ ötjönöbi ojwenö kwubu̧datobö jo̧be, okobe jwiinö Dios wei̧danö ja̧dobö— jö̧ba̧lö atadinobe Jesúsma. Jejenö atadökwe, Jesúsnö ojwenö ubu̧datinobe Juanma.

Juan 2:13

Ida̧ökö, judío jojodö, Dios damötjö, mönö öbaledina omukwatö pjiesta tjujuni̧ yöneawachobetjö̧ Jesúsma Jerusalénbe i̧'yinobe.

Gálatas 4:4

Jo̧kwaijayonö, Dios badedö ujunina möle badekwachenama, Diosma iteda Itji̧nö weinobe. Jo̧bama jojosuju jitji̧ baibanö ichinobe, ja̧danö jo̧babi Moisés iwȩyudinadanö ja̧o jö̧a̧linobe.

Deuteronomio 16:1

Tupakwö yöawinobe Moisesma: —Chömöledö, kwöwaisaduwa, damötjö kwuluwo̧duwi Isabenö Jo̧ Dios ökwödönö Egipto nijitjö lakebaduwinö pjaatinenama, ajayi jawo̧ Abib jawo̧nö lakebaduwinö pjaatinobe, jö̧tö? Jau chömöledö, Abib jawo̧nö, yö̧te ja'ö jobetjö lakebaduwinö öibinobe, jo̧kwajabetjö̧ ja̧ baledina omukwatö, ba̧kwelöjatebö o̧ba bakwabakwena Abib jawo̧nö Dios mönö öbaledina omukwatakwawa ba'ali kwujunaduwo.

Deuteronomio 16:16

—O̧ba bakwabakwena, ökwödö israel jojodötjö ömadöma wapötakwanö kwuluwo̧ Isabenö Jo̧ Dios omudawö ujunakwemibe kwichibaduwobö ja̧kobe, Dios öba a'o ba'ali kwujunaduwobö, 'Ye'yeachi̧ jawa jwii̧ pan kwakwawa ba'alibi, Batjo waji̧ ko̧ko̧dakwawa jawa ba'alibi, Löwötenö ja̧kwawa ba'alibi. Ja̧danö, Isabenö Jo̧ öba a'o kwichibaduwenama, jwiböma kwichibaduwoko chömöledö,