Juan 4:47 - Dios Iwene

⁴⁷ Jo̧ba ö'wöcho̧ abe'doma, Jesús Judeatjö Galileabe ichaja̧ yötjawi̧ a̧ja̧kwö Jesús ö̧jobekwö 'ya̧jo̧ budekwö aebinobe Jesúsnöma itji̧nö otidö i̧'yobö, ö'wö baibapji jö̧ba̧lö.

Juan 4:47 Iomraidhean Croise

Mateo 2:1

Jesús ojo'do Judea niji comunidad Belentjö Jesúsnö jemenama, Herodes mikwo̧ la'aka luwo̧ ö̧jinobe. Ja̧danö, jawo̧ laebobekwötjö, ju'wedö waisadöma tjichinobe, ja̧danö ichajadö Jerusalén comunidadnö ichibö abebö tja̧ja̧kwinobe:

Marcos 10:47

Jo̧bama, Jesús, Nazaret jojo yöne öbaledobe a̧ja̧kwö jwöbijetö: —Jesús, Davidtjö tupadanö jojo, ¡lȩlö̧jino editjö!— jwöbijetö.

Lucas 8:41

Ja̧danö, jobe judío jojodö ba̧nö tja̧ja̧kwa̧leju luwo̧ Jairo mikwo̧ma, Jesús ö̧jobekwö ichibinobe, ja̧danö Jesús öba a'o apaneakwö bamatö, Jesúsnö aeba̧linobe, ejube ichö itjiju jö'wöchi̧ otidö loobö.

Juan 11:21

Ikenama Martama Jesús ichobekwö 'ya̧wibö jö̧ja̧linobe: —Duluwo̧ bena kwö̧jitjö̧ma chöjawo̧ma ö'wö batibokoinobe— jö̧ja̧linobe—.

Juan 11:32

Ja̧danö Maríama Jesús ö̧jena 'ya̧wibö öba a'o ju̧yu̧ju̧ki̧junö jamatö jö̧ja̧linobe: —Duluwo̧ bena kwö̧jitjö̧ma chöjawo̧ma ö'wö batibokoinobe— jö̧ja̧linobe.

Juan 4:54

Ja̧ Jesús ujulu i̧sebö otidinama, dötölataja ujulu i̧sebö jawa otidina, Judeatjö Galileanö ichibaja̧ tupakwö ja̧nö.

Hechos 9:38

Jobema, Jope mikwobema, Lida comunidadtjö ödöokobe, Pedro ö̧jobema. Jo̧kwaobetjö̧ Jesúsnö ösödadöma, ju'wedö yötjawi̧, Pedro Jopenö ö̧jobe, jö̧ba̧lö, a̧ja̧kwö webijadötö du̧ju̧tajanö jobekwö tji̧'yobö. Webijadötö: —Pedronö yöbawajaduwi baikwö icho juluwanö—webijadötö.