Juan 4:42 - Dios Iwene

⁴² Ja̧danö, yötjawinobe tjömöledösujunö: —Ajayinöma sule ökwö yökawi̧da a̧ja̧kwö dösödijatö bitenöma. Babema bite yöawi̧ a̧ja̧kwö, ökwödöda omukwatö dösödanö, Isabenö böjȩnö ju̧kwadö tjö̧jibinö pjabato̧— jö̧tja̧linobe Samaria jojodöma tjömöledösujunöma.

Juan 4:42 Iomraidhean Croise

Isaías 45:22

Jau, ötjöda Diosbo̧ma, jo̧kwajabetjö̧ sulabenö kwomukwataduwi̧ kabatibö, balewachö ötjönö kwösödaduwo, ökwödönöbi kwö̧jibaduwinö pjatatakobetjö̧. Jau, okobe deinö bö̧jȩnö ju̧kwadö, bö̧jȩ bakwachö̧je ju̧kwadöbi ötjönö kwödösaduwo, ötjöda Diosbo̧chobetjö̧, ja̧danö jelo̧ diosbo̧ma deobetjö̧.

Isaías 52:10

Tjitebotenia jojodö tjö̧ba a'otjö iteda ujulu öwaetjöda öwawinö i̧sȩbajabe, ja̧danö bö̧jȩ ba̧kwemeachibanö ju̧kwadöma edö tjöwaisakwedö, —Duluwo̧ Diosma iteda ömöledönö tjö̧jibinö pjaatajabe, —jö̧ba̧lö.

Mateo 1:21

Maríama jitji̧ iso̧nö jemakobe, ja̧danö jemakwo̧nö Jesús jö̧ba̧lö kwimidonö, iteda ömöledönö tjusulatjö tjö̧jibanö ja̧akwo̧obetjö̧— jö̧ba̧lö yöawinobe Dios weökwe ángelma.

Lucas 2:32

Jo̧bama dewinö idejatakwo̧, tjitebotenia jojodö Diosnö tjöwaisachibakobetjö̧. Ja̧danö ju'wibi, jo̧bama Israel jojoobetjö̧, böjȩnö ju̧kwadöma Israel jojodönö ösödö yötja̧lakobe: Bidö Israel jojodöma isabenö otiwadö, jobadönötjöda Dios weinökwe ichinobetjö̧— jö̧ba̧lö yöawinobe Simeonma.

Juan 1:29

Ju'wi dewachö Juanma edinobe iteda ö̧jobekwö Jesús ichobe. Jesúsnö edö jö̧a̧linobe itekwöda ju̧kwadönö: —Edaduwi. Ite baikwö icho̧ma, Dios weinökwe obeja itji̧danö jo̧. Diosma jo̧banö ö'wöchinö midawö, jojodö tjusuli̧ söbebö loobö weinobetjö̧, obeja itji̧danö jo̧, ötjabökwe.

Juan 11:17

Ja̧danö, Lázaronö i̧lȩdo̧ okwa tjödaja̧ ikena ö'wejemu möle baibena ichibinobe Jesúsma.

Juan 17:8

Ja̧danö ökwö yökawi̧ yötawawö̧ tjösödijatö. Isabenö tjöwaisachibijatö, Jesúsma Dios ö̧jobetjö ichina, jö̧ba̧lö. Jejenö waisö ötjönö tjösödijatö, Bitema Dios weinökwe, jö̧ba̧lö—aebinobe Jesúsma Abe'donö.

Juan 4:29

—Ichaduwi kwedaduwo jojonö, ötjö okobe jwiinö chö̧jina waiso̧nöma. Jo̧badaena, Dios jojodö tjö̧jibinö pjaatobö weinökwema— yöjawinobe.

Juan 4:41

Ja̧danö Jesúsma, jobe ja̧nö yöawobetjö̧, jobadö Samaria jojodötjö ju'wedöbi, ba̧jekwadö, Jesúsnö tjösödinobe, Jweinö yöbawo̧, jö̧ba̧lö.

Hechos 13:23

Ina yöbawijetö Pabloma: —Damötjö Diosma ajayinö yöbawö junijetö biya̧ wenema, Israel jojodö tjö̧jibinö pjaatakwo̧ma Davidtjö tupadanö jojodötjö bakwo̧, jö̧ba̧lö. Chömöledö, ja̧ Dios ajayinö yöbawö ujunina wene ida̧ökö badekwachijetö Jesúsnö jemenama. Jesúsnö, Davidminetjö tupadanö jojonö, israel jojodö tjö̧jibinö pjabato̧nö jeminena Dios ajayinö yöbawö ujunina wene badekwachijetö.

Hechos 4:12

Ja̧danö, jojodö tjö̧jibinö pjabato̧ma jo̧bada. Jelo̧ma deobe. Dios böjȩnö ju̧kwadönö tjö̧jibinö pjaatobö weinökwema bakwo̧da, Jesúsda— jejenö yöbawö atadijetö Pedroma.

Hechos 5:31

Jemi tupakwöma, Diosma junijetö Jesúsnöma, la'aka luwo̧ baibanö. Ja̧danö, Diosma Jesús kaekwajinö ja̧bijetö. Ikenama Diosma kabekwajo̧nö iteda öwaisobekwöchobe öbamatobö webijetö, ökwödö Duluwo̧ baibanö, ökwödö dö̧jibinö pjabato̧nö. Jo̧bama ökwödö israel jojodö domukwati̧ma balewachö domukwatobö pjabato̧, ja̧danö ökwödö dusuli̧ma söbebö lobo̧, jo̧bama.

2 Corintios 5:19

Jau chömöledö, Diosma ökwödönötjö jojodönö yöawobe, jo̧ba ömöledö batjibobö. Ja̧danö, jojodö Dios ömöledö batjibanö yödawi̧ma biya̧: Diosma Cristonötjö ajayinö iteda öpöjojodö böjȩ jojodönö iteda ömöledö batjibanö pjabato̧, sulabenö ja̧tjina omukwatökönö. Jau chömöledö, Diosma ökwödönö ja̧ wene weinobe, ju'wedönö yödawo jö̧ba̧lö, ajayinö jo̧ba öpöjojodö tjö̧jinajayonö, yödawi̧ ösödö jo̧ba ömöledö batjibakobetjö̧.

1 Timoteo 4:10

Ja̧danö, Dios wei̧ jawa ja̧bö dotidobe, usula emawö dotidobe, ba̧kwȩlö̧jatebö jo̧ Diosnö do̧'wo̧ döwana̧lobetjö̧, isabenö dö̧jibinö ja̧akwo̧ jö̧ba̧lö. Jau, Diosma okobe deinö böjȩ jojodö tjö̧jibobö ja̧bo̧, ja̧danö isabenö dö̧jibinö ja̧bo̧, ökwödö Jesúsnö ösödadönöma.

1 Juan 2:2

Jo̧ba Jesucristoma ökwödö diminö imidawinobe dusula dumusidi̧ma sulabenö ja̧di̧ Diosma söbebö loobö. Ja̧danö chö̧ja̧wo̧dö, ökwödönödamaökö. Okobe deinö böjȩnö ju̧kwadönöda pjabatö imidawinobe Jesúsma, okobe deinö suli̧ ja̧tji̧ma söbebö loobö. Chö̧ja̧wo̧dö, Jesucristoda ökwödönö pjabato̧, suli̧ ja̧denama, Diosnö abebö, ja̧ suli̧ ja̧di̧ma söbebö loobö.

1 Juan 4:14

Ja̧danö chö̧ja̧wo̧dö ju'wi jawabi, Dioskwö dötewinö 'ya̧dösa, jö̧ba̧lö, döwaisoböma. Ökwödö Jesucristonö edinadöma dedina yöbawadösa, Dabe'do Diosma iteda Itji̧nö weinobe böjȩnö ju̧kwadönö tjö̧jibinö pjabatö, jö̧ba̧lö.

1 Juan 5:20

Ja̧danö chö̧ja̧wo̧dö, ju'wi jawabi döwaisa, biya̧: Dios Itji̧ Jesucristoma böjȩnö ichinobe Isabenö Jo̧ Diosnö döwaisachibanö yöbawö. Ja̧danö, babema Dioskwöbi Itji̧ Jesucristokwöbi bakobe dötewinö 'ya̧dösa. Chö̧ja̧wo̧dö, Jesucristoma isabenö jo̧ Diosda. Ja̧danö, jo̧ba Jesucristoma ökwödönö pjaatinobe, do̧'wo̧ luwo̧nö ba̧kwȩlö̧jatebö dö̧jobö.