Juan 4:40 - Dios Iwene

⁴⁰ Jo̧kwaobetjö̧, jobadö Samaria jojodö Jesús ö̧jobekwö ichibö, lȩtjebinobe, Ökwödökwö ji̧bi, jö̧ba̧lö, Jesúsnöma. Jejenö lȩtjebökwe jobadökwö ö̧jibinobe Jesúsma, dötölataja möle.

Juan 4:40 Iomraidhean Croise

Génesis 32:26

Ikenama öwawachajo̧ma jö̧ba̧lijetö Jacobnö: —Kabatitjö tjo̧wi̧ dewachiba— jö̧a̧lökwe: —Katatökökwö, ötjönö otiwanö yöka̧lenanö kabatö, dösölö̧jinö edö pjatatakwo̧sa, jö̧ba̧lö— jö̧ba̧lijetö Jacobma. Ikenama öwawachajo̧ma abebö a̧ja̧kwijetö Jacobnö:

Proverbios 4:13

Ja̧danö, yemidanö yötawakwö chitji̧: Ötjö jwebebö yötawi̧ma a̧ja̧kwö kwö̧jo. Ja̧ yötawi̧ma, 'diinö do̧tja̧li̧danö do̧ka̧lo, kabatibökönö. Kwo̧'wo̧ jwibibökönö ba̧kwȩlö̧jatebö kwomukato ja̧ yötawi̧ma, otiwanö kwö̧jobö öbibö yötawobetjö̧.

Lucas 10:39

Jejenö ja̧debiökwe, Jesúsma jobe teachinobe, ja̧danö jobe ja̧nö jojodönö yöawinobe. Jejenö yöawonö, Marta jöjawuju María mikwujuma, Jesús öba a'o ba̧nö ja̧ja̧kwa̧linobe Jesús yöawi̧ma,

Lucas 24:29

ja̧danö jejenö ichejekwiawö̧, jo̧banö atjeba̧linobe: —Ida̧ökö möle baledibajabe, ja̧danö juluwanö yi̧ibakobe, jo̧kwajabetjö̧ tebachö ökwödökwö ja̧wi— jö̧ba̧lö. Atjebiökwe, jobadökwö ja̧nö teachinobe.

Lucas 8:38

Ju'wedö Jesúsnö yetjaibijayonö, o̧'wo̧ luwo̧nö sulabedö tjö̧jajökwema Jesúskwö i̧'yobö ösödinobe, ja̧danö Jesúsnö aeba̧linobe, Jesúskwö i̧'yobö. Jo̧kwaijayonö aebökwe, Jesúsma atadinobe,

Juan 4:39

Ja̧danö jobe ju̧kwadö Samaria jojodöma ba̧jekwadö tjösödinobe Jesúsnö, Jweinö yöbawo̧, jö̧ba̧lö. Tjömöledösuju Jesúsnö yöjawawö̧, Jo̧bama, ötjö okobe jwiinö chö̧jina waiso̧, jö̧ba̧lö, tjösödinobe Jesúsnöma.

Juan 4:41

Ja̧danö Jesúsma, jobe ja̧nö yöawobetjö̧, jobadö Samaria jojodötjö ju'wedöbi, ba̧jekwadö, Jesúsnö tjösödinobe, Jweinö yöbawo̧, jö̧ba̧lö.

Juan 4:43

Ikenama, dötölataja möle baledibajena, Jesúsma öba̧ja̧di̧ waisachadökwö jobetjöma Galileabe i̧'yinobe.

Hechos 16:15

Ikenama jobujunöbi, jobujukwö jejunö ju̧kwadönöbi ojwenö tjubu̧datijatö. Ikenama Lidiama ökwödönö jö̧ja̧lijatö: —Babema ötjönöma kwöwaisaduwa, Jesúsnö chösödi̧ma. Jejenö ötjönö otiwanö kwedaduwitjö̧ma ötjö chejunö kwuju̧kwaduwo, bemi yöbawöma— jö̧ja̧lijatö. Ikenama jobujuma jejunö duju̧kwobö jwiinö ösödö ajebitjö̧, Jau kwatjö̧ma, jö̧ba̧lö, di̧'yijatö jejube duju̧kwobö.

Hechos 8:8

Jo̧kwaiawö̧ Samarianö ju̧kwadöma tjo̧'wo̧ ösöwanö ju̧kwijadötö.

Apocalipsis 3:20

A̧ja̧kwaduwitjö chömöledö. Wanedö yötawa: Ötjöma apjude a'o ja̧nö, apjudenö 'do'doba̧lö te'ada̧lo̧sa, ötjönö ösödö tekataduwobö. Ja̧danö, bakwo̧ ötjö chiwene a̧ja̧kwö ösödo̧ma, apjude po̧bebö teatena tetachakwo̧sa, jo̧bakwö chukwobö.