Juan 4:38 - Dios Iwene

³⁸ Ja̧danö, ötjöma ökwödönö wetijatö jojodönö ökibaduwobö Dioskwö tjichibanö. Jobadö ökibaduwawö̧nöma, ajayinö yökawaduwinokobe Dios jawama. Ju'wedöda yötjawinobe. Jejenö ökwödöma, ajayinö yöbawinadökwö bakobe pjabatö kwotidaduwobe— yöawinobe Jesúsma iteda öba̧ja̧di̧ waisachadönö.

Juan 4:38 Iomraidhean Croise

Mateo 4:23

Galilea niji bakwameachibanö kweachinobe Jesúsma. Judío jojodö ba̧nö tja̧ja̧kwa̧lejubiya tebachiabö öba̧ja̧dinobe, ja̧danö otiwa jawa wene yöbawö kweachinobe, Dios la'aka luwo̧ ö̧jakwa̧ jawa wenema, ja̧danö okobe jwiinö jojodö tjö'wöchi̧, ja̧danö tjime'dawi̧ otidö loinobe.

Juan 1:7

Jo̧ba Juannö weinobe jojodönö yöawobö dewinö jo̧nö, jojodö tjöwaisachibanö dewinö jo̧nöma. Ja̧danö jojodöma, Juan yöawi̧ a̧ja̧kwö, Jweinö yöbawo̧, dewinö jo̧nö dösödo, jö̧ba̧lö, tjöwaisachibobö weinobe Diosma, Juannöma.

Juan 17:18

Ökwöma, ötjönö böjȩkwö weköbinadanö, jobadönö wetobe böjȩnö yöbawö kwetjachobö.

Juan 4:37

Ja̧danö, jojodö yötja̧li̧danö isabenö baledobe, baikwö yötja̧li̧ma: Bakwo̧ batjo juno̧. Ja̧danö, ujuninatjö pokwina, yȩi̧ wa̧ji̧ma, jelo̧ 'döbö emo̧.

Juan 4:39

Ja̧danö jobe ju̧kwadö Samaria jojodöma ba̧jekwadö tjösödinobe Jesúsnö, Jweinö yöbawo̧, jö̧ba̧lö. Tjömöledösuju Jesúsnö yöjawawö̧, Jo̧bama, ötjö okobe jwiinö chö̧jina waiso̧, jö̧ba̧lö, tjösödinobe Jesúsnöma.

Hechos 2:41

Ikenama Pedro yöawi̧ a̧ja̧kwö ba̧jekwadö ösödijadötö. Ja̧danö, ösödadöma ojwenö ubu̧datobö abebijadötö, Jesúsnö tjo̧'wo̧ tjöwana̧li̧ i̧sebö. Ja̧ mölema tres mil jenanö jojodöma Jesúsnö ösödijadötö.

Hechos 4:32

Okobe deinö Jesúsnö ösödadöma tjomajadenö tjo̧'wo̧ luwo̧nö otiwanö bakwainö omukwatijadötö. Tju̧kwa teatjöbi ö'wiawökönö ju̧kwiabijadötö, okobe jwiinö dujuna̧li̧kwenama, Okobe deinö bakwainö du̧kwa tea, jö̧ba̧lö.

Hechos 4:4

Ja̧danö, jobadönö ka̧lena ba̧kwaweju okwa tjödobö tje'ewaja̧ okobema, ba̧jekwadö Pedro, Juan yötjawaja̧ a̧ja̧kwajadöma Jesúsnö ösödijadötö, Jesúsma dö̧jibinö pjabato̧, jö̧ba̧lö. Ja̧danö, jobadökwö Jesúsnö ösödadöma, ömadöma, cinco mil jenanö babibijadötö.

Hechos 5:14

Yayonö kabatökönö ju'wi möle ju'wedö, ju'wi möle ju'wedö, ba̧jekwadö, ömadöbi, ya̧döbi, Jesús ö̧jina yötjawi̧ a̧ja̧kwö ösödijadötö, Jesúsma dö̧jibinö pjabato̧, jö̧ba̧lö.

Hechos 6:7

Ja̧danö, Jesúsnö ösödadöma kabatökönö yöbawiabijadötö Dios iwenema. Jerusalénnö ju̧kwadöma kabatökönö ju'wedö ju'wedöbi Jesúsnö ösödijadötö, Jesúsma dö̧jibinö pjabato̧, jö̧ba̧lö. Ja̧danö, Jesúsnö ösödadö baibanö, ba̧jekwadö babibijadötö. Ba̧jekwadö Diostjö jojodötjö ö'weje pjabatadöbi Jesúsnö ösödadö Dios iwene yötjawobe a̧ja̧kwö do̧batö emijadötö Jesúsnöma.

2 Corintios 10:15

Jo̧kwaijayonö jelo̧ otidina jawama yöba̧löködösa chömöledö, sule isabenö dotidina jawada yöda̧lobe, otiwanö dotidinobe jö̧ba̧lö. Jau chömöledö, isabenö otiwanö ökwödökwö dotidinobe, ja̧danö tupakwö Dios yöawi̧ ösödö kwöda̧peachaduwobö dösöda chömöledö, jemi tupakwöbi kwöda̧peachaduwobö nöinö ökwödökwö otiwanö dotidakobetjö̧.