Juan 3:7 - Dios Iwene

⁷ Nicodemo, ¿tajawedö kwöbajale jalaka babiböma kwö̧jobö, okobe deinö yemidanö tjemawö̧ babibaduwi, jö̧ba̧lö, yöta̧lenama?

Juan 3:7 Iomraidhean Croise

Diosnö ösödo̧ Job mikwo̧ usula emawina jawa 15:14

—Job, –Dios öba a'otjö sulabenö ja̧bö̧kö̧sa, –jö̧ba̧lö yöka̧lajabe, jo̧kwaijayonö ja̧maökö, baikwö yötawa: Jojodötjö bakwo̧bi usula jwibo̧ ö̧jenaji̧? Ya̧dö tjemawö̧tjö bakwo̧bi bakwainö otiwanö ja̧bö jo̧ ö̧jenaji̧? Deobe, la'akatjöda Job.

Juan 3:12

Böjȩ jawabi yötawena kwomukwataduwokobe, Jau otiwanö yökawa, jö̧ba̧lö. Kwöpöjödaduwobe. Jo̧kwaobetjö̧ böjȩ jawa yötawi̧bi kwöpöjödaduwobema ¿dakwö kwösödaduwobö mölejȩ jawa yötawena?

Juan 3:3

Jemi ikenama Jesúsma yöawinobe Nicodemonöma: —Isabenö yötawa ökwönö. Bakwo̧ yemidanö jemökökwema la'akatjöda ichibökakwo̧ Dios La'aka Luwo̧ ö̧jobekwöma— yöawinobe.

Juan 3:6

Böjȩ jojodö tjemawö̧ma böjȩ jojodöda ¿jö̧tö? Jejenömaökö Dios O̧'wo̧ Luwo̧tjö emawö̧ma. Dios O̧'wo̧ Luwo̧tjö emawö̧ma Dios O̧'wo̧ Luwo̧ jojodö.

Juan 3:8

Wanedö yötawa: Jojodöma ¿jwa̧lȩ'epjo ichobema edadöji̧? ¿Jwa̧lȩ'epjo 'yo̧bekwöbi edadöji̧? Edöködö. Jwa̧lȩ'epjo jwa̧lȩ'ewi̧ma tja̧ja̧kwijayonö jojodöma edöködö. Nicodemo, jejenö jo̧be, Dios O̧'wo̧ Luwo̧ pjaati̧ma. Jwa̧lȩ'epjo ichobe, 'yo̧be öwawöködanö, Dios O̧'wo̧ Luwo̧ pjaati̧ma öwawökö, jojodö Dios i̧tji̧mu batjibinö pjaati̧ma— yöawinobe Jesúsma Nicodemonö.

Juan 5:28

Ja̧danö ¿tajawedö kwöbajaleduwi jalaka babiböma kwö̧jaduwobeda, tajijö, jö̧ba̧lö? Yötawaduwakwö. Dios badedö ujunina möle badekwachena, okobe deinö wobinadö, ida̧ökö tjödinawö̧ma ötjö chiwene tja̧ja̧kwakobe.

Colosenses 1:12

ja̧danö kwo̧'wo̧ ösöwanö ja̧nö Dabe'do Diosnö kwösödaduwakobetjö̧, otiwanö pjabato̧ja jö̧ba̧lö. Jau chömöledö, Dios ömöledöma, mölejȩbe ja̧nö Dios iyi̧tjö tjemakwedö, ¿jö̧tö? Ja̧danö, Dabe'do Diosma ökwödönö ja̧inobe, ja̧ jawa demo jö̧ba̧ladö badibanö.

Hebreos 12:14

Chömöledö, ökwödöma kwö̧ja̧wo̧dökwö ösödabikwawö, wene jwiinö kwuju̧kwaduwobö kwisakwaduwo. Ja̧danö, Dios i̧tji̧mu bakibinaduwobetjö̧ sulabenö ja̧bökönö kwö̧jaduwobö kwisakwaduwo. Chömöledö, sulabenö ja̧bökönö ju̧kwadöma Duluwo̧kwö dötewinö ju̧kwadö. Isabenö chömöledö, sulabenö ja̧bö ju̧kwadöma Duluwo̧kwö dötewinö ju̧kwöködö.

1 Pedro 1:22

Ja̧danö chömöledö, ökwödöma ida̧ökö isabenö wene ösödö kwidichawinaduwobetjö̧, kwömöledöduwi Jesúsnö ösödadönö ösödadöja, yöne dömöledö jö̧ba̧lö. Jo̧kwajabetjö̧ jwaikwöda tupakwönönö ösödabikwawö kwö̧jaduwo chömöledö,

Apocalipsis 21:27

Jo̧kwaijayonö suli̧ jawama teatakwawokobe, jwiinö otiwi̧ jawada. Jobema, 'yayi̧ Jerusalénöma, otiwakwö sulabekwö pjaacha̧lokobe. Ja̧danö, ba̧kwȩlö̧jatebö omöna yöba̧ladöbi tebachöködö. Tjimibiya wȩyukwadöda tetjachobe, Bidöma Dios ö̧jobe tebachö ja̧dö, jö̧ba̧lö, jö̧tja̧lawö̧da. Jobadöma, tjimibiya ba̧jadö, Obeja Itji̧danö Jo̧ u̧kwa kwialu'ye okwa.