Juan 3:23 - Dios Iwene

²³ Ja̧danö, Juanbi jelobetjö, Enón mikwelö, ichajadönö ojwenö bu̧datiainobe. Enónma Salim mikwemi yöneawemi. Jobe ojwebiya li̧nobe.

Juan 3:23 Iomraidhean Croise

Génesis 33:18

Ju'wi möle Jacobma Sucottjö labebö otiwanö ȩwa̧jijetö Canaán nijibekwö, itebobe. Jacobma Labán itebo Padán-aramtjö ȩwa̧jö Canaán nijibe, iteda itebobe ichibijetö. Jobe ichibö i̧sa̧do debatö eju otidijetö mejenö, Sequem comunidad ö'öbö.

Lucas 3:7

Ba̧jekwadö jojodöma Juan yöawi̧ a̧ja̧kwö jo̧ba ö̧jobekwö tjichinobe, ja̧danö ojwenö bu̧datakwawa atjebinobe. Jejenö ojwenö bu̧datakwawa abebö tjichiökwe, Juanma jobadönö yöawinobe: —Ökwödöma sulabedöja. Baikwö wanedö yötawa: Ökwödöma a̧ko̧'dö̧ nibadödanöbedöja, isabenö sulabedököbaduwobetjö̧. Ökwödöma Dios lȩebakwa̧ wene a̧ja̧kwö Dios lȩebi̧tjö dökibajaduwobö yebabinö omukwatadöja, ¿jö̧tö? Jo̧kwaijayonö sulabenö kwomukwataduwi̧ balewachökönö Dios lȩebakwa̧tjö kwö̧jibaduwobö omukwatadöja, ja̧danö sulabenö kwomukwataduwi̧ balewachökönö ojwenö bu̧datakwawa abebadöja.

Juan 3:22

Ikenama, Jesúsma, iteda öba̧ja̧di̧ waisachadökwö Judea nijibe 'ya̧jo̧ jobe ö̧jinobe, öba̧ja̧di̧ waisachadökwö. Jobe ja̧nö, jojodönö ojwenö bu̧datiainobe.

Juan 3:24

Jejenö Juanma ina jojodönö ojwenö bu̧datiainobe, jo̧banö ka̧lena ba̧kwaweju okwanö tjödakwa̧ abönö.

Apocalipsis 1:15

Ömasapiyabi jwiinö salöbo̧. 'Dii̧ jawa, suli̧ jwiinö baibobö ökwölanö juwawa jwiinö dei̧yanö ubi̧danö ubo̧nö. Ja̧danö, jo̧ba iwenema labinö ökwöi̧ cha̧ja̧kwijatö, taya doibobe labinö ökwöi̧danö.

Apocalipsis 14:2

Ikenama mölejȩbetjö iwene ökwöi̧ cha̧ja̧kwijatö, labinö ökwöi̧ma. Taya doibobe labinö ökwöi̧danö, böba labinö ökwödi̧danö cha̧ja̧kwijatö, ja̧ iwenema. Ja̧danö, ja̧ iwenema, labinö, otiwanö cha̧ja̧kwijatö, ba̧jekwadö bakobe pjeawa pjetji̧ ökwöi̧danö, harpa mikwi̧ pjetji̧ma.

Apocalipsis 19:6

Ikenama labinö, ba̧jekwadö jwötjeba̧li̧danö ökwöi̧ cha̧ja̧kwijatö. Yelösöda, taya möaya doibobe labinö ökwöi̧danö cha̧ja̧kwijatö. Ja̧danö, böba labinö kwaawobedanö ökwöi̧ cha̧ja̧kwijatö, ba̧jekwadö jwötjeba̧li̧ ökwöi̧ma. Baikwö ösödö jwötjeba̧li̧ cha̧ja̧kwijatö: Duluwo̧ Diosma jwiinö juluwo̧. Jo̧bada La'aka Luwo̧ webö jo̧. Dösödaduwonö.

1 Samuel 9:4

Weökwe, abe'do weaja̧danö ja̧inobe Saulma, abe'do ömöayo̧nö öbibö bu̧lö̧dönö tjisakwinobe. Isakwö, Efraimsaso jojodö tjitebo mösa'ijubenö isakwö tjöbaledinobe, ja̧danö Salisa nijibenö isakwö tjöbaledinobe, bu̧lö̧dönö badekwajökönö, jemi ikenama Saalim nijibenöbi badekwajökönö tjöbaledinobe, ikenama Benjaminsaso jojodö tjitebobenöbi badekwajökönö tjöbaledinobe.