Juan 3:22 - Dios Iwene

²² Ikenama, Jesúsma, iteda öba̧ja̧di̧ waisachadökwö Judea nijibe 'ya̧jo̧ jobe ö̧jinobe, öba̧ja̧di̧ waisachadökwö. Jobe ja̧nö, jojodönö ojwenö bu̧datiainobe.

Juan 3:22 Iomraidhean Croise

Juan 2:13

Ida̧ökö, judío jojodö, Dios damötjö, mönö öbaledina omukwatö pjiesta tjujuni̧ yöneawachobetjö̧ Jesúsma Jerusalénbe i̧'yinobe.

Juan 2:2

Jesúsbi, iteda öba̧ja̧di̧ waisachadöbi tja̧debajawö̧ma jobekwö tji̧'yinobe pjiesta baledö.

Juan 3:23

Ja̧danö, Juanbi jelobetjö, Enón mikwelö, ichajadönö ojwenö bu̧datiainobe. Enónma Salim mikwemi yöneawemi. Jobe ojwebiya li̧nobe.

Juan 3:26

Ikenama Juan ömöayedö yöba̧lakwawajadöma tjuluwo̧ Juan Ojwenö Bu̧dato̧ ö̧jobekwö 'ya̧wibö jö̧tja̧linobe: —Ba̧ja̧dakwawa jojo, belö, Jordán ojwe ö'öbötjö ökwökwö ji̧na, ökwö yökawinökwema, Biteda, jö̧ba̧lö, jojodönö ojwenö ubu̧datobe. Ba̧jekwadö jo̧ba ö̧jobekwö 'ya̧nö atjebobe ojwenö ubu̧datobö— jö̧tja̧linobe Juan Ojwenö Bu̧dato̧ ömöayedöma.

Juan 7:3

Ja̧ pjiesta ida̧ökö lekwokobetjö̧, Jesús ö̧ja̧wo̧döma Jesúsnö wetjinobe: —Döpöe, bena ji̧bökönuwi. Pjiesta baledö kwi̧'yo, Judeabema. Jobetjö ja̧nö kwujulu kwi̧sebo, kwöba̧ja̧di̧ waisachadö tjedobö ökwö kwi̧sebi̧ma— wetjinobe—.