Juan 3:12 - Dios Iwene

¹² Böjȩ jawabi yötawena kwomukwataduwokobe, Jau otiwanö yökawa, jö̧ba̧lö. Kwöpöjödaduwobe. Jo̧kwaobetjö̧ böjȩ jawa yötawi̧bi kwöpöjödaduwobema ¿dakwö kwösödaduwobö mölejȩ jawa yötawena?

Juan 3:12 Iomraidhean Croise

Juan 3:11

Isabenö yötawa ökwönö. Ökwödöma isabenö döwaisi̧da yöbawadösa. Yödawi̧ jawama isabenö dedijatö. Jo̧kwaijayonö ökwödöma kwöpöjödaduwobe yödawi̧ma.

Juan 3:3

Jemi ikenama Jesúsma yöawinobe Nicodemonöma: —Isabenö yötawa ökwönö. Bakwo̧ yemidanö jemökökwema la'akatjöda ichibökakwo̧ Dios La'aka Luwo̧ ö̧jobekwöma— yöawinobe.

Juan 3:5

—Isabenö yötawakwö. Bakwo̧ Dios O̧'wo̧ Luwo̧tjöbi ojwiyotjöbi baibökökwema isabenö Dios La'aka Luwo̧ ö̧jobekwö teachökakwo̧— yöawinobe Jesúsma—.

Juan 3:8

Wanedö yötawa: Jojodöma ¿jwa̧lȩ'epjo ichobema edadöji̧? ¿Jwa̧lȩ'epjo 'yo̧bekwöbi edadöji̧? Edöködö. Jwa̧lȩ'epjo jwa̧lȩ'ewi̧ma tja̧ja̧kwijayonö jojodöma edöködö. Nicodemo, jejenö jo̧be, Dios O̧'wo̧ Luwo̧ pjaati̧ma. Jwa̧lȩ'epjo ichobe, 'yo̧be öwawöködanö, Dios O̧'wo̧ Luwo̧ pjaati̧ma öwawökö, jojodö Dios i̧tji̧mu batjibinö pjaati̧ma— yöawinobe Jesúsma Nicodemonö.

1 Timoteo 3:16

Dösödi̧ wenema isabenö otiwa jawa wene Timoteo, jojodö ajayinö wajwitjina wene, Dios i̧sebina wenema. Ja̧danö bakwo̧bi, Aaa, sulabe wene, isa̧ökö wene, jö̧a̧loböma jwia. Ja̧ Cristo Jesús jawa wenema biya̧: Jo̧bama jojo baibanö öwawinobe. Jo̧banö i̧sebinobe Dios O̧'wo̧ Luwo̧ma, sulabe jwibo̧ jö̧ba̧lö. Jo̧banö tjedinobe ángelesdöma. Jo̧banö tja̧ja̧kwinobe böjȩ bakwameachibanö ju̧kwadö jojodöma. Jo̧banö tjösödinobe böjȩ bakwameachibanö ju̧kwadö jojodöma. Jo̧bama mölejȩbe kaekwajinobe.

Hebreos 5:11

Ja̧danö, jo̧ba Melquisedecnö nöinö yötawo jö̧ta̧lijayonö jwiinö waiya ökwödönöma. Do̧kataduwökena kwo̧'wo̧ luwo̧duwi okwanö kwöda̧peachaduwokobetjö̧.

1 Juan 4:10

Chö̧ja̧wo̧dö, Diosma ökwödönö jwiinö ile niebobetjö̧ iteda itji̧nö weinobe ökwödönö dusula dumusidi̧ imidawobö. Jau chö̧ja̧wo̧dö, jejenö Diosma i̧sebinobe inesö ile niekwama. Jejenö Diosma jojodö ile nitjebi̧tjö o̧penönö ile niebi̧ i̧sebinobe. Jau chö̧ja̧wo̧dö, Diosda inesö ile niebi̧ i̧sebo̧ma.