Juan 3:10 - Dios Iwene

¹⁰ —Nicodemo, ökwöma Israel jojodönö otiwanö ba̧ja̧dakwawa waiso̧ma, ¿jö̧tö? ¿Dakwö jö̧ba̧lö wajwiköba biya̧ yötawi̧ma?

Juan 3:10 Iomraidhean Croise

1 Crónicas 29:19

Ja̧danö chitji̧ Salomonnö pjakatobö ateba, jwaikwöda okobe jwiinö omajadenö ökwö weköbi̧ a̧ja̧kwö ö̧jakobetjö̧, ja̧bö dö̧jobö weköbi̧bi, ju'wi weköbi̧bi. Ja̧danö ju'wibi, jo̧banö pjakatobö atebakwö, kweju otiwanö otidakobetjö̧. Jau chuluwo̧, bi̧ya kweju otidakwa̧ jawa 'da̧batö chujunajabe, ja̧danö badekwachinö kweju otiwanö otidö kaatenanö baibanö, otiwanö jo̧banö pjakatobö atebakwö, —jö̧ba̧lö aebinobe Davidma.

Isaías 56:10

Jau, wene jwiinö kwujuluwaduwobö jo̧be, israel jojojodötjö eda̧lö tjöbeba̧ladöma tjöbajale tjewawadö tjö̧jobetjö̧, ja̧danö bakobe wajwibadö tjö̧jobetjö̧. Jau, jobadöma awi̧li̧dö wi̧ibedö, luböködödanö ichejekwadö, labidö tjichiawö lutjo jö̧tja̧lijayonö, luböködö. Jau, eda̧lö tjöbeba̧lökönö, bakobe bamatö, abibö tji̧'wi̧dikwobö ösödadö.

Isaías 9:16

Jau, israel jojodö tjuluwedöma sulabenö ötjibajabe israel jojodönö, ja̧danö jobekwö sulabenö ötjibiawö̧, tjömöayedö israel jojodöma wajwibö omukwatadö, —Otiwanö omukwatakwawama, diyajö, —jö̧ba̧lö.

Mateo 11:25

Ja̧ möle, Jesúsma Diosnö aebinobe baikwö: —Chabe'do, mölejȩbe ju̧kwadöbi, böjȩnö ju̧kwadöbi tjuluwo̧ja. Chabe'do, otiwanö biya̧ jawa kwotoja̧lajabe, waisadöbi, nöinö waisachadöbi tjöwaisapji jö̧ba̧lö, jo̧kwaijayonö jobadö wajwitjijayonö, waisachöködönö otiwanö kwi̧sebajabe, ja̧danö jejenö kwi̧sebobetjö̧, otiwanö i̧sebo̧ja jö̧ba̧lö yötawakwö Chabe'do.

Mateo 22:29

Atjebökwe, Jesúsma atadinobe: —Dios iwene wajwiköbaduwobetjö̧, ja̧danö Dios ujulu wajwiköbaduwobetjö̧, isabenö wajwibö ö'öbönö omukwatadöja.

Lucas 2:46

ja̧danö wa̧pötakwa möle baledibanö jo̧banö tjisakwinobe. Wa̧pötakwa möle isakwö baledajadö, bajalianö Jesúsnö tjöbadekwajinobe, Dios ejutjö Dios iwene ba̧ja̧dadö tjö'da̧de bo̧nö. Jobe ba̧nö, Jesúsma ba̧ja̧dadö yötjawi̧ a̧ja̧kwinobe, ja̧danö a̧ja̧kwö, jobadönö abebö a̧ja̧kwinobe.

Lucas 5:17

Ju'wi möle, Jesús jojodönö öba̧ja̧donö, judío jojodö tjuluwedötjö ju'wedöma Jesúsnö edö tjichinobe. Jobadö luwedöma fariseo jojodö ötjabiwö̧tjöbi, Moisés iwȩyudina ba̧ja̧dadöbi tjichinobe, ja̧danö ichibö Jesús ipjeanö tjöba̧jinobe. Jobadöma jelobeteniatjö tjichinobe, Jesúsnö tjedobö, Galilea niji comunidadteniatjöbi, Judea niji comunidad Jerusaléntjöbi, ju'wi Judea niji comunidadtjöbi, ja̧danö ichajadö Jesús ipjeanö ba̧nö tjeda̧linobe. Duluwo̧ Dios ujuluma isabenö Jesúsnö ji̧nobe, otiwanö jojodö tjö'wöchi̧ otidö looböma.

Juan 3:9

Jejenö yöawökwe, Nicodemo yemidanö aebinobe Jesúsnöma: —¿Dakwö ji̧da kwa̧tjöma?—aebökwe:

Hechos 5:34

Jo̧kwaijayonö, jobadötjö bakwo̧, fariseo jojo, Gamaliel mikwo̧, jejenöma omukwatijökötö. Jo̧bama Moisés iwȩyudina ba̧ja̧dö ji̧abina. Ba̧jekwadö, Gamalielma otiwanö omukwato̧, jö̧ba̧lö jö̧tja̧linökwe. Gamalielma jamatö webijetö Jesús webawedönö a̧petukwöchobe labekwibö tjuju̧kwobö, ja'yubeda lekwe.

Romanos 2:28

Jau chömöledö, ökwödöma, Aaa, ökwödöma judío jojodödobetjö̧, Dios ömöledösa, jö̧ka̧laduwobe, ¿jö̧tö? Chömöledö, isabenö Dios ömöledöma ¿didöda? Ja̧danö, isabenö judío jojodöma ¿didöda? ¿'Wibekwadödaji̧? Ja̧maökö chömöledö. Ja̧danö, Dios ömöledöso̧ ö̧ji̧, isabenö judíoso̧ ö̧ji̧ma ¿diya̧da chömöledö? Isabenö Dios weinadanö 'wiekwama ¿diya̧da? ¿Wame jawadaji̧? ¿Tjötade bajalesado̧ 'wiekwadaji̧, isabenö judíoso̧ ö̧ji̧ma? Ja̧maökö chömöledö.

Deuteronomio 10:16

Jo̧kwajabetjö̧, isabenö jo̧ba wei̧ kwa̧ja̧kwaduwobö jo̧be chömöledö, baikwö wanedö yötawa, kwomajadeduwi bajalesa̧do̧ 'diado̧ma 'wibekwö loköbaduwo, kwuu 'diinö a̧ja̧kwökönö kwö̧jaduwi̧ kakatibaduwakobetjö̧.

Deuteronomio 30:6

—Ju'wibi kwuluwo̧duwi Isabenö Jo̧ Dios ökwödönö pjaatakwa̧ yötawaduwakwö chömöledö, okwanö kwöbalewachaduwinö pjaatakwo̧, wanedö yötawa, kwomajadeduwi wamesa̧do̧, Diosnö kwösödaduwapji jö̧ba̧lö tjöekwa̧do̧ma, ökwödö kwomajadeduwitjöbi, kwitji̧muduwi tjomajadetjöbi 'wibebö loakobe, jwaikwöda okobe jwiinö kwomajadeduwinöbi, kwo̧'woduwinöbi kwuluwo̧duwi Isabenö Jo̧ Diosnö ile nibebö kwösödaduwakobetjö̧. Jejenö ökwödönö pjaatakwo̧ Diosma chömöledö, 'ya̧ba̧ladö kwö̧jaduwakobetjö̧.

Colosenses 2:11

Ja̧danö, Cristonö dötewadö kwö̧jaduwobetjö̧, isabenö 'wibekwadöja chömöledö. Ja̧ 'wiekwa yöta̧li̧ma, wame jojodö tjötade bajalesado̧ 'witjekwi̧ma yöta̧lökö chömöledö, ju'wi tjo̧'wo̧ luwo̧ jawa 'wiekwada yötawa, Cristo ja̧i̧da. Cristoma ajayi sulabenö kwösödinaduwa 'wibebö loinobe ichejekwa, ja̧ ujulutjö kwö̧jibaduwinö ja̧bö, jo̧kwajabetjö̧ isabenö 'wibekwadöja chömöledö.