Juan 20:23 - Dios Iwene

²³ Ja̧danö, jo̧ba ujulunö, bakwo̧ usuli̧ma söbebö loköbaduwitjö̧ma, Diosma jo̧ba usuli̧ söbebö lobo̧. Ja̧danö, bakwo̧ usuli̧ma söbebö loköbaduwökötjö̧ma, Diosma jo̧ba usuli̧ söbebö lobö̧kö̧— jö̧a̧linobe Jesúsma iteda öba̧ja̧di̧ waisachadönö.

Juan 20:23 Iomraidhean Croise

Mateo 16:19

Ja̧danö, ökwönö mölejȩbe jo̧ la'aka luwo̧ ö̧jena yawepi̧ chiyocha, ja̧danö böjȩtjö kwunu'yaja̧ma, mölejȩbetjöbi bakwainö kwunu'yaja̧ ja̧kobe, ja̧danö böjȩtjö kwejataja̧ma, mölejȩbetjöbi bakwainö kwejataja̧ ja̧kobe— jö̧ba̧lö.

Mateo 18:18

Ja̧danö, isabenö yötawaduwakwö chömöledö, böjȩtjö kwunu'yaduwi̧ma, mölejȩbetjöbi bakwayiakobe ja̧danö böjȩtjö kwejataduwi̧ma, mölejȩbetjöbi bakwayiakobe.

Juan 20:22

Jejenö jö̧a̧laja̧ ikena, iteda aasapjo jobadönö pjubö jö̧a̧linobe: —Dios O̧'wo̧ Luwo̧ ökwödö kwo̧'wo̧ luwo̧duwinö teachiboböma jo̧be— jö̧a̧linobe—

Hechos 10:43

Okobe deinö Dios yöawi̧ yöba̧ladöma damötjö yöbawijadötö, Jesúsnö ösödadöma suli̧ jwibadö batjibakwedö, jö̧ba̧lö. Ja̧danö, yöbawijadötö, Jesúsnö ösödadö tjusuli̧ma, Jesús ujulunö söbebö loobetjö̧ suli̧ jwibadö batjibakwedö, jö̧ba̧lö— yöbawijetö Pedroma Cornelio eju okwa ja̧dönöma.

Hechos 2:38

Jejenö abebö tja̧ja̧kwiökwe Pedroma atadijetö: —Chömöledö, ökwödötjö, bakwo̧nökwena sulabenö kwomukwataduwi̧ma kabatibö balewachaduwi. Ja̧danö, ojwenö ubu̧datobö abebaduwi, Jesucristonö kwo̧'wo̧ kwöwana̧laduwi̧ i̧sebö. Jejenö ja̧baduwi, Dios ökwödö sulabe kwujuna̧laduwi̧ söbebö loakobetjö̧. Jejenö ja̧köbaduwenama Dios O̧'wo̧ Luwo̧ma tebachibö öjamatakobe ökwödönö— yöbawijetö Pedroma—.

Efesios 2:20

Chömöledö, wanedö yötawa: Ökwödöma Dios ejudanö bakibinaduwobe. Kwöwaisaduwa, o̧do, inawiyatjö otikweju tjotidakwedöma, inawiya tjujunakwa̧ abönöma, niji sobö lödö 'dibatadö, la'aka 'diinö baibanö ja̧bö. Ja̧danö, Dios ejuma jo̧be, chömöledö. La'akama Jesús webawedö yötjawinakwö, Dios iwene yöbawadö yötjawinakwö jo̧be, la'aka jawama. Ikenama, Cristo Jesús itedama abönö tjujunawadanö jo̧, jwiinö otiwawa ji̧danö, jweawa ji̧danö. Ikenama ökwödöma, Jesúsnö ösödadöma jo̧bakwö, otiwawa ji̧danö jo̧kwö bakobe babibinadösa.

1 Timoteo 1:20

Jejenö ja̧tjinobe Himeneobi, Alejandrobi. Ja̧danö, jejenö ja̧tjinobetjö̧, jobadönö lȩbebö yötawijatö, Awetjama wainö jobadönö sulabenö ja̧o jö̧ba̧lö. Jejenö yötawijatö, Himeneobi, Alejandrobi usula tjemawenama, Diosnö sulabenö yöda̧loko jö̧ba̧lö tjöwaisachibakobetjö̧.