Juan 20:19 - Dios Iwene

¹⁹ Ikenama ja̧ möle, abönö möle ötjabi̧ möle yi̧bena, Jesús öba̧ja̧di̧ waisachadöma o̧do okwa tjö̧bajinobe. Jeju apjudebiya pje'datakwawibö tjö̧bajinobe, judío jojodönö yebabinö ja̧nö, tjöwaisapji jö̧ba̧lö. Ja̧danö, Jesús omönanö öwawachinobe o̧do okwa. Jobadökwö ja̧nö jö̧a̧linobe: —Kwo̧'wo̧duwi ösöwanö ja̧duwi— jö̧a̧linobe.

Juan 20:19 Iomraidhean Croise

Mateo 10:13

Ja̧danö, jeju ju̧kwadö isabenö otiwadö tjö̧jitjö̧ma, Dios jejunö ju̧kwadönö pjaato jö̧ba̧lö, jobe ja̧duwi. Jo̧kwaijayonö sulabedö tjö̧jitjö̧ma, jejutjö lakebaduwo, Dios jejunö ju̧kwadönö pjaatoko jö̧ba̧lö.

Mateo 18:20

Jau chömöledö, ötjönö tjösödobetjö̧ du̧ju̧tajaena wa̧medukwaena tjoko̧ko̧kwenama, ötjöbi jobadökwö jo̧sa— jö̧ba̧lö Jesús yöawinobe.

Marcos 16:14

Jemi ikenama Jesúsma, iteda öba̧ja̧di̧ waisachadö a̧li̧nösamutjö bakwo̧nö kwanö tjöba̧jena öwawachijetö. Labinö jö̧ba̧lijetö jobadönöma: —Ökwödöma ina kwa̧ja̧kwaduwokobe. Kwomajadeduwi 'dibadöja— jö̧ba̧lijetö jobadönö, ju'wedö itenöda tjeachajo̧nö edajadö yötjawi̧ tjöpöjödajobetjö̧.

Juan 14:27

Chi̧'yajabe okobema kwo̧'wo̧duwi ösöwanö kwö̧jaduwobö pjatatakwo̧sa. Jejenö pjatati̧ma kwo̧'wo̧duwi ösöwanö kwö̧jaduwobö pjatati̧, böjȩ jawamaökö. Tjo̧'wo̧ luwo̧ okwa jawa, ba̧kwȩlö̧jatebö ji̧ jawama. Chöba̧ja̧di̧ waisachadö, kwo̧'wo̧duwi tjo̧kekwaduwa, ja̧danö yekabiduwa.

Juan 16:22

Jejenö ja̧döja ökwödöma. Babema kwo̧'wo̧duwi tjo̧bekwö kwö̧jaduwobe. Jo̧kwaijayonö yemidanö ötjönö kwedaduwenama kwo̧'wo̧duwi̧ tjo̧bekwökönö, kwo̧'wo̧duwi̧ ösöwanö kwö̧jaduwakobe, ötjönö ösödö. Ja̧danö, bakwo̧bi deobe kwo̧'wo̧duwi̧ ösöwökönö baibanö webo̧ma.

Juan 16:33

Ja̧danö, babe yötawaja̧ma kwo̧'wo̧ luwo̧duwi tjo̧bekwökönö kwö̧jaduwobö yötawajabe. Chömöledö, böjȩnö ja̧nö usula kwemawaduwakobe. Jo̧kwaijayonö, kwo̧'wo̧duwi̧ ösöwanö kwö̧jaduwo, ötjöma böjȩnö jawa okobe jwiinö chujuluwobetjö̧— yöawinobe Jesúsma öba̧ja̧di̧ waisachadönöma.

Juan 20:21

Ikenama Jesúsma yemidanö jö̧a̧linobe: —Kwo̧'wo̧duwi ösöwanö ja̧duwi— jö̧ba̧lö—. Chabe'do ötjönö weinadanö ökwödönö wetobe, chiwene yökawaduwobö— jö̧ba̧lö weinobe jobadönö.

Juan 20:26

Jemi ikenama, jelemutjö wa̧pötakwa möle baibena, Jesús öba̧ja̧di̧ waisachadö yemidanö o̧do okwa tjö̧bajinobe, Tomásbi. Apjudebiyama pje'datakwawijayonö Jesúsma jobeda öjamatinobe jobadö tjö'da̧denö. Jobadökwö tjö̧bajena ja̧nö jö̧a̧linobe: —Kwo̧'wo̧duwi ösöwanö ja̧duwi— jö̧ba̧lö.

Juan 21:1

Ja̧ möle tupakwöma, Jesúsma yemidanö öwawachinobe öba̧ja̧di̧ waisachadönö, Tiberias tjolatjö. Ja̧ baledina yötawa.

Juan 21:14

Ja̧ möle, Jesús wa̧pötakwanö baibanö öwawachinobe öba̧ja̧di̧ waisachadönöma, wobajaletjö tjeachajina tupakwö.

Juan 7:13

Jejenö yötja̧lakwawijayonö, sewobakwawöda, idödada yötja̧lakwawinobe, judío jojodötjö la'aka luwedö tja̧ja̧kwapji jö̧ba̧lö. La'aka luwedönö yetjabinobe.

Hechos 1:3

Ja̧danö, Jesúsma, usula emawö wobajo̧ yemidanö tjebachajo̧ma öwawachibijetö iteda öba̧ja̧di̧ waisachadönö, iteda yöawi̧ yötjawobö weawö̧nöma. Tjöwaisachibobö, ¡Edaduwi, Duluwo̧ yemidanö tjeachajinobe, ina 'yaba̧lo̧!, jö̧ba̧lö öwawachibijetö jobadönöma. Yemidanö tjeachajina tupakwöbi, cuarenta möle jenanö Jesúsma öwawacha̧liabijetö jobadönöma. Öwawachajawö̧nö Jesúsma Dios jawa yöbawijetö, Dios La'aka Luwo̧ ö̧jena wenema.

Romanos 15:33

Chömöledö, Diosda pjabato̧, do̧'wo̧ luwo̧nö wene jwiinö dö̧joböma, ja̧danö jo̧banö ateba ökwödönö pjaatobö chömöledö, biya̧da atebanö chömöledö, tjo̧wi̧ta.

1 Corintios 15:5

Jemi ikenama Pedronö öwawachinobe, ikenama ju'wedö Jesús ömöayedö a̧li̧nösamutjö du̧ju̧tajabedönö öwawachinobe.

Efesios 2:14

Ja̧danö, Cristo Jesúsda ökwödö judío jojodöböködö, judío jojodö Jesúsnö ösödadökwö bakwaibedödanö badibanö ja̧inobe. Jejenö bakwaibedödanö badibinobetjö̧ do̧'wo̧ ösöwanö dö̧jobe chömöledö. Wanedö yötawa chömöledö: Judío jojodötjöma judío jojodöböködötjöma ö'weje tjöekwemidanö ji̧nobe, judío jojodöma judío jojodöböködönö tjöpöjödobetjö̧. Jo̧kwaijayonö Cristo Jesús midawö woenama jemi tjöekwemima 'dobö lotjobedanö baibinobe, bakobe dö̧jobö, judío jojodöma judío jojodöböködökwö, bakwaibedödanö.

Efesios 6:23

Chömöledö, Dabe'do Diosnöbi, Duluwo̧ Jesúsnöbi atebobe ökwödönöma, kwo̧'wo̧ ösöwanö kwö̧jaduwobö. Ja̧danö, Jesúsnö kwo̧'wo̧duwi kwöwana̧laduwobetjö̧, kwömöledökwö otiwanö ösödabikwawö kwö̧jaduwobö atebobe Dabe'do Diosnöbi, Duluwo̧ Jesúsnöbi.

Filipenses 1:2

Dabe'do Diosbi, Duluwo̧ Jesucristobi ökwödönö lȩlö̧jinö tjedobö dösöda, ja̧danö kwo̧'wo̧ luwo̧ ösöwachibanö pjatjatobö dösöda.

2 Tesalonicenses 3:16

Chömöledö, do̧'wo̧ luwo̧nö ösöwachibanö pjabato̧ Duluwo̧ ökwödönö pjaatobö chösöda, okobe jwiinö kwö̧jaduwi̧ ba̧kwȩlö̧jatebö kwo̧'wo̧ luwo̧duwi ösöwachibanö kwö̧jaduwobö. Duluwo̧ okobe deinö ökwödökwö ö̧jobö chösöda chömöledö.

3 Juan 1:14

Te'ada̧lökönö chichobö chösöda kwö̧jobema, ökwönö ediakwawö yöta̧lobö. Gayo, Diosma kwo̧'wo̧ luwo̧nö wene jwiinö kwö̧jobö pjaatakwo̧ja. Bena ju̧kwadö kwö̧ja̧wo̧döma debawö atjebobe, Dokwa, jö̧ba̧lö. Ja̧danö, ötjöbi jobe ju̧kwadö chö̧ja̧wo̧dönö debawö ateba, Dokwa, jö̧ba̧lö, bakwo̧nökwena. Tjo̧wi̧ta biya̧da yöbawö chiwȩyuda.

Apocalipsis 1:4

Ötjö, Juan, böja kwialusöjama wȩyudö weta Asianö ju̧kwadönö, Jesúsnö ösödö ko̧ko̧kwa̧lö ba̧jadönöma, jelemutjö dötölatajanö ko̧ko̧kwa̧lö ba̧nö tjuju̧kwitenia. Chömöledö, Diosma ökwödönö lȩlö̧jino edobö chösöda. Ja̧danö, Diosma ökwödönö pjaatobö chösöda, kwo̧'wo̧ luwo̧duwi ösöwachibanö kwö̧jaduwobö. Jo̧bama babe jo̧bi, la'akatjöda ji̧nabi, 'dö̧ibajenanö baibanö ö̧jakwo̧bi. Ja̧danö chömöledö, Dios O̧'wo̧ Luwo̧ma ökwödönö lȩlö̧jino edobö chösöda. Jo̧bama, Dios ö̧bemi abönö bo̧. Ja̧danö, jo̧bama jelemutjö dötölataja ujulu jawa juna̧lo̧, Dios O̧'wo̧ Luwo̧ma.