Juan 20:15 - Dios Iwene

¹⁵ Ikenama Jesúsma abebö a̧ja̧kwinobe: —¿Tajawedö kwubudekwabi? ¿Tinö kwisakwa?— abebö a̧ja̧kwinobe. Ja̧danö Maríama jomukwatinobe, Jo̧bama jenada te'ada̧lo̧kö̧, jö̧ba̧lö. Ja̧danö, jö̧ja̧linobe: —Jesúsnö chisakwa— jö̧ja̧linobe—. Ökwöma ¿jo̧banö jelobe kwe'ewaji̧? ¿Dai kwe'ewaja̧da jo̧banöma? Yöbawitjö, yemidanö baikwö chichejebo— jö̧a̧linobe.

Juan 20:15 Iomraidhean Croise

Mateo 12:34

Ökwödö a̧ko̧'dö̧danöbedöbi ja̧danö, ökwödöma sulabedököbaduwobetjö̧, otiwa jawa yöka̧laduwobö jwibadöja, kwomajadeduwinö kwomukwataduwi̧ma, kwaaduwitjö laebobetjö̧.

Mateo 28:5

Jo̧ba ángelma ya̧dö ichajadönö yöawinobe: —Yebabökönaduwi. Chöwaisa, towisa'onö bȩtjinökwe Jesúsnö edö kwichaduwajabe,

Marcos 16:6

Yetjaibiökwe Dios weajökwe ángelma jö̧ba̧lijetö: —Yekabiduwa— jö̧ba̧lijetö—. Chöwaisa kwichaja̧duwama. Ökwödöma Jesús Nazaretso̧nö, towisa'onö bȩbö tjujuninökwenö edö kwichajaduwobe. Yötawaduwakwö: Jo̧bama benama deobe. Yemidanö tjeachajabe. Yemi edaduwi, jo̧banö ödinemi. Deobe. Yemidanö tjeachajabe— jö̧ba̧lijetö—.

Lucas 2:44

Ju'wedö ökwödökwö kwebachadökwö kwebacho̧ena, jö̧ba̧lö tjomukwatinobe. Jesús deobe wajwibö, möle baledibanö kwetjachinobe, jo̧kwaijayonö yö̧te baibena jobadökwö ichibiököwö̧, yöne tjömöledö tjö'da̧detjöbi, ju'wedö tjömöledö tjö'da̧detjöbi jamatö tjisakwinobe Jesúsnö.

Lucas 24:5

Jejenö tjöwawachibiawö̧, ya̧döma jwiinö yetjaibinobe, ja̧danö tjöba nijakwö edö bȩtjachibinobe. Ja̧danö, jejenö bȩbachö tjö̧jonö, ömadöma jobadönö abebö tja̧ja̧kwinobe: —¿Tajawedö wobadö tjö̧jemitjö 'yaba̧lo̧nö kwisakwaduwobeda?

Juan 1:38

Ja̧danö Jesúsma ja̧lachibö jobadönö abebö a̧ja̧kwinobe: —¿Taji kwisakwaduwa?— abebö a̧ja̧kwawö̧: —Ökwönöda disakwa. Ba̧ja̧dakwawa jojo ¿daida kwö̧jobema?— abebö tja̧ja̧kwökwe:

Juan 18:4

Ja̧danö, Jesúsma ida̧ökö öwaisinobe itenöda ja̧tjakwa̧ma. Ja̧danö, jobadö tjichobekwö 'ya̧wibö abebö a̧ja̧kwinobe: —¿Tinö kwisakwaduwa?— abebö a̧ja̧kwawö̧:

Juan 18:7

Ja̧danö, Jesúsma yemidanö abebö a̧ja̧kwinobe: —¿Tinöda kwisakwaduwa?— abebö a̧ja̧kwiawö̧: —Jesús, Nazaret jojonö disakwa— tjatadiökwe:

Juan 20:13

Jobadöma María Magdalenanö edö abebö tja̧ja̧kwinobe: —¿Tajawedö kwubudekwabi?— abebö tja̧ja̧kwioko: —Chuluwo̧nö e'ewö tjödinemima wajwitobetjö̧ chubudekwa— jö̧ja̧linobe.

1 Samuel 1:16

Ötjö kwömöayujunö omukwatökönui, sulabuju mikwawökuju jö̧ba̧lö. Isabenö yötawakwö, kwedaja̧ma, jwiinö usula chemawi̧tjö Diosnö o̧'wo tjobekwö atebaja̧ kwedajabe, —jö̧ba̧lö jatadinobe Anama.