Juan 2:6 - Dios Iwene

⁶ Ja̧danö, jobema o'diju jelemutjö bakwa'donö ji̧nobe, inawatjö otikwa o'diju. Judío jojodöma, suli̧ jwiinö batjibanö dichiatjinobe ja̧ o'dijunö ojwiyo okwi̧tjö, Dios öba a'o otiwanö babibadö tjö̧jobö. Ja̧ o'diju okwama jali̧. Yelösöda, cincuentabi, setentabi litros jenanö okwinö.

Juan 2:6 Iomraidhean Croise

Lucas 16:6

Abebö a̧ja̧kwökwe, atadinobe musido̧ma: Ötjöma ciennö o̧te ö̧pjiya chumusidobe. Yöa̧lökwe te'ada̧lakwawa luwo̧ma weinobe: Kwatjöma kwumusidi̧tjö ja'önöda söbebö lotakwö. Kwumusidi̧söjanö cincuenta lödi, jö̧ba̧lö weinobe.

Juan 2:7

Jesúsma weinobe jobadö, otidadönöma: —Biya̧ o'dijunö ojwiyo wabö sa̧bawaduwi, su̧'bȩ baibanö— weawö̧, su̧'bȩ baibanö wabö sa̧tjawinobe ja̧ o'dijuma.

Juan 3:25

Ja̧danö, Juan ömöayedöma jelo̧ judío jojokwö yötja̧lakwawinobe, judío jojodönö tjidichawobö weina jawa, Dios öba a'otjö otiwanö tjö̧jobö weina jawama. Juan ömöayedökwö jelo̧ judió jojodö wainö omukwatö yötja̧lakwawinobe.

Efesios 5:26

Jejenö Cristoma, ökwödönö 'da̧batö ujuninobe, suli̧ jwibadö badibinö. Wanedö yötawa chömöledö: Ökwödöma ojwe dibenama otiwanö didewachibobe. Ja̧danö, Cristoma itedada iwenenö ökwödönö dichö loinobe didewachibinö. Jau chömöledö, Cristo iwene a̧ja̧kwö dösödena ökwödönö dichö loinobe, didewachibinö.

Hebreos 10:22

Jo̧kwaobetjö̧ Dios ö̧jobekwö tedachaduwo chömöledö, jo̧banö ösödö. Omukwataduwökönuwi, ¡Ayö! Ötjöma Dios öba a'otjö wene juna̧lo̧sa, jö̧ba̧lö. Dioskwö chichibobö jwibo̧sa, jö̧ba̧lö, omukwataduwökönuwi. Jejenö domukwatobö jwiobe chö̧ja̧wo̧dö. Tjo̧wi̧, ökwödöma ja̧ domukwati̧tjö dichö loinawö̧sa, Jesús ökwösobunö lilibö. Ja̧danö chö̧ja̧wo̧dö jwiinö salöobu ojwiyonö idichinawö̧sa, Dios öba a'otjö dewadöda badibinö. Jo̧kwaobetjö̧ Dios ö̧jobekwö tedachaduwo, okwa dichawedöda, Jesús imidawinanö jwiinö do̧'wo̧ wana̧lö.

Hebreos 6:2

Ja̧danö ju'wi la'aka ba̧ja̧dakwawama, ojwe okwa bu̧datakwawa tjöba̧ja̧dinama. Ja̧danö ju'wima, Diosnö ösödadönö tjömamu 'bieba̧lakwawa. Ja̧danö ju'wima, jojodö woawatjö yemidanö tjeachajakwawa. Ja̧danö ju'wima, Dios jojodönö lȩebakwa̧, ba̧kwȩlö̧jatebö lȩebakwa̧ma. Okobe jwiinö ja̧ ba̧ja̧dakwawama la'aka ba̧ja̧dakwawa. Yemidanöbi yemidanöbi ja̧ jawa döwaisachoböma jwiobe chömöledö.

Hebreos 9:10

Chömöledö, Dios ajayinö weinama wame jawada tjotidobö jo̧betjö̧ pjaatinokobe Dioskwö tjichibobö. Wame jawada, kwanö, owö, dichawö pjaatokobe otiwanö tjichibobö Dioskwö. Ja̧ wame jawama jojodö tjo̧'wo̧ luwo̧ okwanö balewachökö jawa, otiwadö, Dioskwö ichibadö batjibinö. Jo̧kwaijayonö chömöledö yötawaduwakwö. Ja̧ ajayinö weinama lekwe otidö tjö̧jobö jwiinöbe. Diosma ajayinö ja̧ wame jawama weinajayonö sule 'yayi̧ balekwa yöbawö ujunina badekwachenanöda weinobe. Ja̧danö, ja̧ 'yayi̧ balekwa yöbawö ujuni̧ma yelösöda ajayinö yöbawö ujuninatjö o̧penönö mikwawi̧. Jo̧kwaobetjö̧ chömöledö, Dios O̧'wo̧ Luwo̧ma ökwödönö i̧sebobe baikwö: Dios ajayinö yöbawö junö weinama pjaatokobe Dioskwö suli̧ jwibadö, ja̧danö wene jwibadö dichibobö.

Hebreos 9:19

Jejenö döwaisa, Dios iwenetjö laebobetjö̧, Moisés yöawina wene. Damötjö Moisésma okobe deinö jojodönö ko̧ko̧dö yöawinobe okobe jwiinö Dios wei̧, yöbawö junö wei̧ma. Yöawaja̧ ikena pakaya, chiwo tjökwösobu ojwiyokwö pjabatö iwiwodinobe. Ja̧danö obeja öwö'ye, duwi̧ duwebaja'yema, ösötje hisopo mikwötje öjasötje ja'yuwötjenö jwainobe. Ikena jötjema tjökwösobu ojwiyokwö pjaatajobunö ubu̧datinobe. Jemi ikenama, jobu tjökwösobu liliinobe jojodönöbi öjiya Dios wei̧ iwȩyudina öjiyanöbi.