Juan 2:2 - Dios Iwene

² Jesúsbi, iteda öba̧ja̧di̧ waisachadöbi tja̧debajawö̧ma jobekwö tji̧'yinobe pjiesta baledö.

Juan 2:2 Iomraidhean Croise

Mateo 12:19

Jo̧bama ölakwabikwawökakwo̧, ja̧danö jwö̧eba̧lökakwo̧, ja̧danö comunidad ö'wejetjöma labinö yöawökakwo̧,

Mateo 25:40

Atjebitjö̧, ötjö la'aka luwo̧ma chatadakwo̧sa: Isabenö yötawaduwakwö, bidö chömöledötjö ju'wedötjö nijakwönönö mikwawö̧kö̧nö jejenö pjakatinaduwenama, ötjönöda pjakatinaduwobe, jö̧ba̧lö.

Mateo 25:45

Atjebitjö̧, jobadönö chatadocha: Isabenö yötawaduwakwö, bidö ötjönö ösödadötjö bakwo̧ ju'wedötjö nijakwönönö mikwawö̧kö̧nö pjakataduwobö kwöpöjödaduwinenama, ötjönöda pjakataduwobö kwöpöjödinaduwobe, jö̧ba̧lö.

Juan 2:12

Ikenama, Jesúsma ojo'dokwö, ö̧ja̧wo̧dökwö, iteda öba̧ja̧di̧ waisachadökwö Capernaúmbe i̧'yinobe. Jobema tjö̧jinobe, juluwanöda, wa̧pötakwa mölebi, ö'wejemu mölebi.

Juan 2:17

Jejenö balediawö̧, Jesús öba̧ja̧di̧ waisachadöma tjomukwatinobe, damötjö Dios yöawi̧ yöbawo̧ David iwȩyudinama, baikwö: Dios, ökwö kwejuma jwiinö mikwaweju chedobetjö̧ otiwanö chite'ada̧lijatö jejuma. Jejenö chite'ada̧lobetjö̧ ötjönö kwabö lotjakwo̧sa, jö̧ba̧lö laebobe Dios iwenetjö, David iwȩyudinama.

Juan 2:22

Ja̧danö, Jesús öba̧ja̧di̧ waisachadöma Jesús yöawina, Wa̧pötakwa möle o̧penö yemidanö baibanö chotidocha, jö̧ba̧lö, yöawinama, ju'winö tjomukwatakwedö, Jesúsma woawatjö tjeachajakwa̧ möle baibenama. Ja̧ möle baibena tjomukwatakwedö, Aaa, Jesúsma itedada jweinö yöawijatö, woawatjö tjeachajakwa̧da, jö̧ba̧lö, Dios eju jö̧a̧li̧ma. Jejenöobetjö̧ ja̧ möle baledena Dios damötjö yöawi̧ tjiwȩyudinabi, Jesús yöawinabi, Jweinö laebobe, jö̧ba̧lö, tjösödakwedö.

Juan 2:3

Jobe ja̧döma kwanöbi tjukwinobe, ja̧danö, owöbi tjowinobe. Ja̧danö, ubasobu o̧'do̧bu 'dö̧ibajena Jesús ojo'doma jö̧ja̧linobe jitji̧nö: —Chitji̧, o̧'do̧buma 'dö̧ibajabeta. Tjowökena —jö̧ja̧lökwe:

Juan 3:22

Ikenama, Jesúsma, iteda öba̧ja̧di̧ waisachadökwö Judea nijibe 'ya̧jo̧ jobe ö̧jinobe, öba̧ja̧di̧ waisachadökwö. Jobe ja̧nö, jojodönö ojwenö bu̧datiainobe.

Juan 4:33

Jejenö jö̧a̧lawö̧, Jesús öba̧ja̧di̧ waisachadöma wajwitjinobe wanedöda yöawi̧ma, Kwakwawada yöa̧la, jö̧ba̧lö. Jobadöma abebö tja̧ja̧kwakwawinobe, idödada: —¿Ti iyaja̧da kwakwawa jo̧banöma?—abebö tja̧ja̧kwakwawinobe, idödada.

Juan 6:12

Ikenama, tjomeawachibanö tjukwajena, Jesús weinobe öba̧ja̧di̧ waisachadönöma: —Pan, ba̧i̧ u'yukwaja̧ma anabiduwi wi̧lȩyu̧bi̧ya okwa, ja'yubebi lobökönö— weinobe.

Juan 6:16

Ja̧danö, Jesúsma jobe ö̧jibonö öba̧ja̧di̧ waisachadöma yö̧te baibena tjolabe 'ya̧jadö

Juan 6:60

Jesús öba̧ja̧di̧ waisachadö, jo̧bakwö ba̧jekwadö kwebachadötjö ju'wedöma, Jesús yöawi̧ a̧ja̧kwö tjöpöjödinobe, Biya̧ yöawi̧ma waiya, ¿dakwö ja̧dobö biya̧ wei̧ma? jö̧ba̧lö.

Juan 6:66

Jemi ikenama Jesús öba̧ja̧di̧ waisachadötjö ba̧jekwadö Jesúsnö katjatibinobe, jo̧bakwö kwebachökönö.

Juan 6:67

Ikenama Jesús yöawinobe iteda öba̧ja̧di̧ waisachadönö, a̧li̧nösamutjö̧ du̧ju̧tajanö: —¿Ökwödöja? Ökwödöbi ötjönö kabatibö kwȩwa̧jaduwiji̧?— abebö a̧ja̧kwiawö̧ jobadötjö bakwo̧, Simón Pedro:

Juan 6:70

Ja̧danö Jesúsma jö̧a̧linobe jobadönö: —Ökwödö a̧li̧nösamutjö du̧ju̧tajanö 'da̧batö chujunijatö. Jo̧kwaijayonö, ökwödötjö bakwo̧ Awetja ömöayo̧— jö̧a̧linobe Jesúsma.

Juan 6:71

Jejenö jö̧a̧lena, öba̧ja̧di̧ waisachadö a̧li̧nösamutjö du̧ju̧tajatnötjö bakwo̧, Simón Iscariote itji̧ Judasnö yöa̧linobe, Jesúsnö iyö loakwo̧nöma.

Juan 6:8

Ja̧danö, Jesús öba̧ja̧di̧ waisachadötjö jelo̧, Simón Pedro öjawo̧ Andrésma, jö̧a̧linobe Jesúsnö:

Juan 7:3

Ja̧ pjiesta ida̧ökö lekwokobetjö̧, Jesús ö̧ja̧wo̧döma Jesúsnö wetjinobe: —Döpöe, bena ji̧bökönuwi. Pjiesta baledö kwi̧'yo, Judeabema. Jobetjö ja̧nö kwujulu kwi̧sebo, kwöba̧ja̧di̧ waisachadö tjedobö ökwö kwi̧sebi̧ma— wetjinobe—.

Hechos 11:26

'Ya̧jo̧ma, Saulonö badekwajö öbibö ȩwa̧jijetö Antioquíabe, Saulobi Dios iwene yöawobö jobetjöma. Jemi tupakwöma Bernabékwö Saulokwö Antioquíanö bakwöta o̧ba ja̧nö ba̧jekwadönö, Jesúsnö ösödadönö ba̧ja̧dijadötö Dios iwene. Ja̧danö, jobetjöma Jesúsnö ösödadönöma, ajayinö jamatö öbabijadötö, Cristo ömöayedö, jö̧ba̧lö.

Hechos 11:29

Ikenama Dios yöawi̧ yöbawo̧ Agaboma, jejenö yöawiawö̧: —Balada pjabatakwawö wedo— jö̧ba̧lijadötö Jesúsnö ösödadöma. Jejenö jö̧ba̧lajadö balada ko̧ko̧dijadötö, bakwo̧nökwena tjujuna̧li̧tjö Judea nijibe wetjobö.

1 Corintios 10:31

Jau chömöledö, baikwö yötawa kwomukwataduwo jö̧ka̧laduwi̧ma: Kwukwaduwi̧bi, kwowaduwi̧bi okobe jwiinö ju'wi jaye ja̧köbaduwi̧bi, okobe deinö otiwanö Diosnö tjomukwato jö̧ba̧lö kwisakwaduwo chömöledö.

1 Corintios 7:39

Jau chömöledö, bakwuju jilekwenö bu̧juma, jilekwe ina ö̧jayi, jo̧bakwöda jö̧jobö jo̧be. Jo̧kwaijayonö, jilekwe woitjö̧ma, jelo̧nö jemena. Ja̧danö, Jesúsnö öpöjödo̧nö jemoko, Jesúsnö ösödo̧nöda jemobö jo̧be. Jau chömöledö, jelo̧nö jemobö jösöditjö̧ma, wene jwia.

Colosenses 3:17

Jau chömöledö, okobe jwiinö yöka̧laduwi̧ma, Duluwo̧ Jesús jawa i̧sebö yöka̧laduwo, ja̧danö okobe jwiinö ja̧köbaduwi̧ma, Duluwo̧ Jesús jawa i̧sebö ja̧köbaduwo. Ja̧danö, Jesús pjaatinobetjö̧, ba̧kwȩlö̧jatebö Dabe'do Diosnö kwösödaduwo, Otiwanö pjabato̧ja, jö̧ba̧lö.

Hebreos 13:4

Ja̧danö chömöledö, ju'wibi yötawaduwakwö. Ökwödötjö kwilekwonö kwemobö, ja̧danö kwilekwenö kwemobö omukwatadönö yötawa. Yebabinö omukwatö kwemaduwo kwilekwonö, ja̧danö kwilekwenö. Ja̧danö, eminadönöbi yötawa. Yebabinö omukwatö kwuju̧kwaduwo kwilekwokwö, ja̧danö kwilekwekwö. Ja̧danö, okobe deinö yötawaduwakwö. Emökönöma kwalewaduwa, Diosma emökönö alewadönö lȩebakobetjö̧. Ja̧danö, Diosma jeluju jilekwenö alewujunö, jelo̧ ilekwonö alewo̧nö lȩebakwo̧.

Apocalipsis 3:20

A̧ja̧kwaduwitjö chömöledö. Wanedö yötawa: Ötjöma apjude a'o ja̧nö, apjudenö 'do'doba̧lö te'ada̧lo̧sa, ötjönö ösödö tekataduwobö. Ja̧danö, bakwo̧ ötjö chiwene a̧ja̧kwö ösödo̧ma, apjude po̧bebö teatena tetachakwo̧sa, jo̧bakwö chukwobö.