Juan 2:13 - Dios Iwene

¹³ Ida̧ökö, judío jojodö, Dios damötjö, mönö öbaledina omukwatö pjiesta tjujuni̧ yöneawachobetjö̧ Jesúsma Jerusalénbe i̧'yinobe.

Juan 2:13 Iomraidhean Croise

Mateo 21:12

Jemi ikenama, Jesúsma Dios eju a̧petusȩko̧ teachinobe, ja̧danö jobetjö okobe deinö tea iyadönöbi, tea emadönöbi a'dewö loinobe. Balada balewadö tjitea mesasötebiya wi'yödöbeabinö loinobe, ja̧danö yu̧nu̧ku̧dönö iyadö tjitea wa̧kwawaökiya wi'yödöbeabinö loinobe.

Marcos 11:15

Ikenama Jerusalénnö ichibö, Jesúsma, Dios eju a̧petu tebachijetö, tjöekwȩko̧nö. Jobetjö balada balewö otidadöbi tjotidobe edijetö. Ju'wedönöbi, Diosnö juwö iyawedö yu̧nu̧ku̧dönö tjiyabobe edijetö. Balada nöinö wetjobe edijetö Jesúsma, tjimidobö iyabidönöma. Ja̧danö, Jesúsma jobadönö edö labijetö, Bejuma Dios eju, jö̧ba̧lö. A'dewö lobijetö iyabidönöbi, emadönöbi. Balada balewö otidadö tju̧kwa mesa ötebiyabi jibö döbeabijetö. Juwö iyawedö yu̧nu̧ku̧dönö iyabidö tjöwa̧ji̧ ökiyabi jibö döbeabijetö.

Lucas 19:45

Ja̧danö, Jerusalén comunidad tebachajo̧, Jesúsma Dios ejube 'ya̧nö a̧petusȩko̧ teachinobe, ja̧danö jobetjö okobe deinö tea iyö otidadönö jamatö a'dewo loinobe.

Lucas 2:41

Ba̧kwȩlö̧jatebö o̧bakwena Jesús ojo'dobi, abe'dobi Jerusalénbe 'yi̧atjinobe, Dios mö öbaledina ömukwatö pjiesta jobetjö tjujunobö.

Juan 11:55

Ja̧ mölema, judío jojodö pjiesta tjujunakwa̧ yöneawachinobe, Dios damötjö mönö öbaledina tjomukwati̧ pjiesta. Jo̧kwaobetjö̧ ba̧jekwadö judío jojodöma tji̧'yinobe Jerusalénbe tjotikwobö, Dios öba a'otjö otiwanö tjö̧jobö.

Juan 13:1

Ja̧danö, Dios mönö öbaledina tjomukwati̧ pjiesta möle baledakwa̧ abönö möle yi̧bena baibena Jesúsma omukwatinobe, Tjo̧wi̧ böjȩtjö labebö Chabe'do ö̧jobe chȩwa̧jakwa̧ma lekwökö, jö̧ba̧lö. Jo̧bama iteda öba̧ja̧di̧ waisachadö batjibakwedönö ile nibebö ji̧ainobe, ajayinö ichinatjö tupakwö baibanö. Ja̧danö, jobadönö jwiinö ile niebi̧ma i̧sebö, midawö woakwo̧ Jesúsma.

Juan 2:23

Ja̧danö, jojodö ba̧jekwadö Jesús, Dios damötjö mönö öbaledina tjomukwati̧ pjiesta baledo̧nö tjösödinobe, ujulunö i̧sebi̧ jawa tjedobetjö̧. Jo̧banö tjösödinobe, Biteda, Dios weinökwe, dö̧jibinö pjaatobö, jö̧ba̧lö.

Juan 5:1

Jemi ikenama, judío jojodö pjiesta tjujuni̧ möle baibobetjö̧ Jesúsma Jerusalénbe i̧'yinobe.

Juan 6:4

Ja̧ mölema, judío jojodö pjiesta tjujuni̧ möle ida̧ökö yöneawachinobe, Dios mönö öbaledina omukwatö pjiesta mölema.

Deuteronomio 16:16

—O̧ba bakwabakwena, ökwödö israel jojodötjö ömadöma wapötakwanö kwuluwo̧ Isabenö Jo̧ Dios omudawö ujunakwemibe kwichibaduwobö ja̧kobe, Dios öba a'o ba'ali kwujunaduwobö, 'Ye'yeachi̧ jawa jwii̧ pan kwakwawa ba'alibi, Batjo waji̧ ko̧ko̧dakwawa jawa ba'alibi, Löwötenö ja̧kwawa ba'alibi. Ja̧danö, Isabenö Jo̧ öba a'o kwichibaduwenama, jwiböma kwichibaduwoko chömöledö,