Juan 2:10 - Dios Iwene

¹⁰ Jo̧banö jö̧a̧linobe: —Chuluwo̧, jojodöma, pjiesta tjujunena, ajayinö ubasobu o̧'do̧bu otiwobu, nöinö mikwawobu tjiyobe, ajayinöma. Ikenama, a̧debajawö̧ma lekwe möle tjö̧jajena, ubasobu ida̧ökö nöinö tjowajena, jo̧kwadasobuda tjiyobe— jö̧a̧linobe—. Jo̧kwaijayonö ökwöma jwiinö otiwobu, nöinö mikwawobu ajayinöma iyökönö, bajaliyanöda kwiyajabe— jö̧a̧linobe, Otiwanö kwiyajabe, jö̧ba̧lö.

Juan 2:10 Iomraidhean Croise

Génesis 43:34

Ja̧danö, José ba̧nö mesasötenö tjujunaja̧ kwakwawatjö ömöledönö iyabobö webijetö Joséma. Ja̧danö, ju'wedö iyaja̧ bajalekwönönö Benjamínnö iyobö webijetö, nöinö. Ja̧danö, Josékwö, iteda ömöledökwö bakobe ba̧nö otiwanö ösödö owijadötö, 'dukwachawö̧ batjibanö.

Mateo 24:49

ju'wedönö uluwo̧ ömöayedönö kwakwaena, ja̧danö 'dukwachawö̧kwö kwanöbi ukwena, ja̧danö owa̧löbi owa̧lena.

Lucas 12:45

Jo̧kwaijayonö, jo̧ba ömöayo̧ sulabo̧ ö̧jitjö̧ma, iteda uluwo̧ weaja̧danö ja̧bökönö, Aaa, chuluwo̧ma lekwe deakobe jö̧ba̧lö, ju'wedönö uluwo̧ ömöayedö ömadönöbi ya̧dönöbö kwakwaena, ja̧danö kwanöbi nöinö ukwena, ja̧danö owa̧löbi owa̧lena, 'dukwachökwe baibanö.

Lucas 16:25

Aebökwe Abrahamma atadinobe: Chitji̧, ina böjȩnö kwö̧jayi kwö̧jina omukwatibi. Jenama, ökwöma otiwa jawa kwujuna̧lonö, bite Lázaroma usula emawö suli̧ jawada ujuna̧linobe, ¿jö̧tö? Babema ötjökwö o̧'wo̧ ösöwanö ö̧jonö, ökwöma usula emawö jo̧ja.

Hechos 2:15

Ökwödöma 'dukwachököwö̧sa ökwödö kwomukwataduwi̧ma. Ina möle ja'ö baibökö. Möle ja̧'ö baibakwa̧ abönöma owawö̧kö̧— yöbawijetö Pedroma—.

1 Corintios 11:21

Yötawaja̧ baikwö labebö lobö yötawa chömöledö: Kwukwaduwenama, okobe deinö bakwo̧nökwena juluwanö kwukwaduwakwa̧ do̧batadöja, ju'wedönö te'ada̧lökönö. Ja̧danö, ökwödötjö ju'wedö a̧wi̧chi̧ tjötjobe, ja̧danö ju'wedö 'dukwachawö̧ batjibobe.

Efesios 5:18

Ja̧danö, ju'wibi yöbawö wetaduwakwö chömöledö. 'Dukwachinöma kwowa̧laduwa. Owa̧lo̧ma o̧'wo̧ luwo̧nö omukwatökönö ju'wida sulabenö ja̧bö jo̧, okobe jwiinö ö̧ji̧ma. Wanedö yötawa chömöledö: Nio ojwiyo 'dukwachinö kwowa̧laduwa, ja̧da tupakwö kwuluwo̧duwi baibanö 'ya̧nöma. Dios O̧'wo̧ Luwo̧da ökwödö kwuluwo̧duwima, nio ojwiyo owa̧lakwawamaökö. Jo̧kwaobetjö̧ jo̧bada öba̧ja̧da̧lonö ja̧bö ju̧kwaduwi chömöledö.

1 Tesalonicenses 5:7

Jau chömöledö, baikwö yötawa: Abadöma, yö̧te abadö, ¿jö̧tö? Ja̧danö, 'dukwachinö owa̧ladöma, yö̧te 'dukwachinö owa̧ladö, ¿jö̧tö?

Apocalipsis 17:2

Böjȩ la'aka luwedöma sulabenö ji̧atjinobe, jobujukwö. Ja̧danö, böjȩnö ju̧kwadöma ösödiatjinobe jobuju taba̧löji̧ jawama. Ja̧ taba̧löji̧ jawama nio ojwiyo tjowi̧danö, ösödö owiatjinobe, böjȩnö ju̧kwadöma, 'dukwachawö̧ batjibanö— jö̧a̧lijatö ángelma ötjönöma.

Apocalipsis 17:6

Ja̧danö, jobujunö edö, Dukwachokodanö bu̧ju, jö̧ba̧lö, chomukwatijatö. Chedemi, Bisuma Dios ömöledö babibinadö, Jesúsnö tjösödi̧ yötjawobetjö̧ kwabawö lotjinawö̧ tjökwösobutjöda owö 'dukwachokodanö bu̧ju, jö̧ba̧lö, chomukwatijatö. Jobujunö edinö, ¡Ayö! jö̧ba̧lö, chöbajale jalaka ja̧nö cheda̧lijatö.