Juan 19:9 - Dios Iwene

⁹ Ja̧danö yemidanö eju okwa tebachö Jesúsnö abebö a̧ja̧kwinobe: —¿Kwiteboma daida?— abebö a̧ja̧kwijayonö Jesúsma atadökökwe:

Juan 19:9 Iomraidhean Croise

Isaías 53:7

Jo̧kwajabetjö̧ jwiinö inia tjöbö usula emawinobe Dios ömöayo̧ma, jo̧kwaijayonö usula emawijayonö, yöba̧lökönö wi̧inöda ö̧jinobe. Jau, obeja kwabö lotjobö ötjibökwe wi̧inö i̧'yidanö, ja̧danö obeja öwö'ye 'witjökwe wi̧inö ö̧jidanö, bakobe wi̧inö ja̧nö yöa̧linokobe.

Mateo 26:63

Jo̧kwaijayonö, Jesúsma atadökönö ö̧jinobe. Atadökönö ö̧jiökwe, ö'weje pjabatadö la'aka tjuluwo̧ma Jesúsnö weinobe: —'Yaba̧lo̧ Dios iminö jweinö kwatadobö wetakwö: ¿Ökwöma Dios weakwo̧ jö̧a̧linökwe, Dios itji̧köbiji̧?— jö̧ba̧lö.

Mateo 27:27

Ikenama gobernador ömöayedö guardia jojodöma Jesúsnö öbibö tji̧'yinobe guardia tjö̧jejube, ja̧danö okobe deinö jobe ju̧kwadö guardia jojodönö jwötjinobe Jesúsnö edö tjichobö.

Lucas 23:9

Ja̧danö Herodesma nöinö abebö a̧ja̧kwinobe Jesúsnöma, jo̧kwaijayonö nöinö abebö a̧ja̧kwijayonö, Jesúsma ja'yubebi atadinokobe.

Juan 18:28

Ja̧danö, ju'wi dewachö judío jojodö la'aka luwedöma Jesúsnö öbibö tji̧'yinobe Caifás ejubetjö Roma la'aka luwo̧ Pilato ö̧jobekwö. 'Ya̧jadöma jobe ichibö judío jojodötjobetjö̧ Pilato, judío jojobö̧kö̧ eju okwa tetjachinokobe, sulabedö batjibapji jö̧ba̧lö. Judío jojodö pjiesta tjujuni̧ möle baibena tjukwakobetjö̧ tetjachinokobe, Dios öba a'otjö sulabedö batjibapji, jö̧ba̧lö.

Juan 18:33

Ikenama Pilato yemidanö eju okwa tebachö weinobe ömöayedönö, Jesúsnö tjichejebobö. Ja̧danö, tjichejebökwenö abebö a̧ja̧kwinobe: —¿Ökwödaji̧ judío jojodö tjuluwo̧ma?— abebö a̧ja̧kwiökwe:

Juan 18:34

—¿Ti yöawaja̧da, Bitema judío jojodö tjuluwo̧, jö̧ba̧löma? ¿Ökwöda omukwatö jö̧ka̧liji̧ jejenöma? ¿Jelo̧ jejenö yöawaji̧?— abebö a̧ja̧kwiökwe:

Juan 18:37

Jejenö yöawiökwe Pilatoma: —Jo̧kwaobetjö̧ ¿yöka̧liji̧, Ötjöma jojodö tjuluwo̧sa, jö̧ba̧lö?— abebö a̧ja̧kwiökwe: — Jweinö yöka̧la. Ötjöma jojodö tjuluwo̧sa. Ja̧danö, ötjöma, böjȩnö ju̧kwadö tjuluwo̧ batibobö, isabenö ji̧ jawa yöbawö chojo'do jeminökwesa. Jejenö batibobö chichijatö böjȩkwö, böjȩnö ju̧kwadö tjuluwo̧ batibobö, isabenö ji̧ jawa yöbawö. Isabenö ji̧ jawa isakwadöma ötjö isabenö ji̧ jawa yötawi̧ma a̧ja̧kwö ösödadö— yöawinobe Jesúsma.

Juan 19:10

— ¿Tajawedö kwatadökö? ¿Wajwiköbiji̧? Ötjöda webo̧sa, ökwönö lȩtjebobö, lȩtjebokobö. Ötjöda ö'wö bakibanö webo̧sa, towisa'onö bȩbö tjujunoböma— jö̧a̧linobe Pilatoma Jesúsnö. Jejenö jö̧a̧liökwe:

Juan 19:8

Jesús, Dios Itji̧sa, jö̧ba̧lö, yöa̧lina yötjawiökwe Pilatoma yeabinobe yelösöda. Ajayinö yebabinö ö̧jajemitjö o̧penönö yeabinobe, Bitenöma lȩtebökena, jö̧ba̧lö.

Juan 8:14

—Ötjödada yöta̧lijayonö, omönama yöta̧lokobe. Ötjöma chichinemibi, chi̧'yakwemibi waiso̧sa. Jo̧kwaobetjö̧ yötawaduwakwö, ötjö yöta̧li̧ma omöna yöta̧lokobe. Jo̧kwaijayonö ökwödöma, ötjö chichinemibi, chi̧'yakwemibi wajwiköbaduwobe.

Filipenses 1:28

Ja̧danö kwöpöjojodöduwinö yebabökönö ju̧kwaduwi chömöledö, ja̧danö jejenö yebabökönö kwö̧jaduwi̧ma kwöpöjojodönö i̧sebakobe, Dios jobadönö söbebö loakwa̧ma, ja̧danö Dios ökwödö kwö̧jibaduwinö ja̧akwa̧ wenebi jobadönö i̧sebakobe.

Jueces 13:6

Yöawoko, jojosujuma jilekwe Manoa ö̧jobekwö 'ya̧wibö yöjawinobe, —Dios ömöyaedötjö bakwo̧ ichö yöawajabeta. Jo̧ba ichejekwi̧ma Dios weökwe angeldanö ichejekwo̧nö chedatö, yetaibanö juluwo̧nö. Jo̧kwaijayonö jo̧banö abebö cha̧ja̧kwökötö, detjö ichajobö jö̧ba̧lö, ja̧danö imi yöawökötö.