Juan 19:7 - Dios Iwene

⁷ Jejenö jö̧a̧lawö̧ judío jojodöma: —Bitema, sulabenö yöba̧lö, Ötjöma Dios Itji̧sa, jö̧ba̧lö, yöa̧lobetjö̧ ö'wö baibanö lȩtjeboböma jo̧be. Ökwödönö weawa jawa, dö̧jobö wȩyudö weawa jawama weobe, Bite Diosnö sulabenö yöa̧li̧danö yöba̧ladönöma ö'wö batjibanö lȩtjebobö jo̧be, jö̧ba̧lö— jö̧tja̧linobe judío jojodöma.

Juan 19:7 Iomraidhean Croise

Isaías 53:4

Jo̧ba usula emawobe edö domukwatijatö, —Iteda sulabenö ja̧bö ö̧jobetjö̧ Dios lȩebökwe, wainö lȩebo jö̧a̧lökwe, —jö̧ba̧lö. Jo̧banö wajwidijatö, —O̧'wo tjobekwö ö̧ji̧ma, iteda jawamaökö, ökwödöda jawa emawo̧, ökwödöda inia tjödo jö̧da̧li̧ma emawo̧, —jö̧ba̧lö.

Marcos 15:39

Jesús ö̧jemi badeibö bakwo̧ma, guardia jojodö tjuluwo̧ jamatö edijetö Jesús ö'wöchobe. Edö jö̧ba̧lijetö: —Isabenö bitema Dios Itji̧bajiobe— jö̧ba̧lijetö.

Juan 19:8

Jesús, Dios Itji̧sa, jö̧ba̧lö, yöa̧lina yötjawiökwe Pilatoma yeabinobe yelösöda. Ajayinö yebabinö ö̧jajemitjö o̧penönö yeabinobe, Bitenöma lȩtebökena, jö̧ba̧lö.

Juan 5:18

Jejenö jö̧a̧liawö̧ jwiinö tjölabinobe Jesúsnö, kwabö lotjobö omukwatö. Yelösöda tjölabinobe, judío jojodö tjotidökö möle otidiawö̧. Ju'wi jawabi, biya̧: Jesúsma, Diosda ötjö Chabe'do, jö̧ba̧lö, jö̧a̧liawö̧ jwiinö tjölabinobe, Diosdanö bakwainö mikwawo̧sa, jö̧ba̧lö, jö̧a̧liawö̧.

Hechos 18:13

Jobe öbibö 'ya̧jadöma ichö la'aka luwo̧ Galiónnö yöbawö jwöbeba̧lijadötö Pablonö: —Duluwo̧, bitema da'dödömine Diosnö dösödobö wetjinadanö omukwatö̧kö̧, wainö omukwato̧. Jojodönö jwiinö ösödö yöbawo̧, iteda Diosnö wainö ösödi̧danö jobadöbi tjösödobö— yöbawijadötö.

Romanos 1:4

Jojo baibanö jeminökwenöma, Diosma iteda ujulunö i̧sebinobe, Bitema ötjöda chitji̧, jö̧ba̧lö. Baikwö i̧sebinobe chömöledö: Yemidanö woawatjö tjeachajinö ja̧böda i̧sebinobe, Jesúsma ötjöda chitji̧, jö̧ba̧lö. Jau chömöledö, ökwödö Duluwo̧ Jesucristonöda tjeachajinö ja̧inobe Diosma: Bitema ötjöda chitji̧, jö̧ba̧lö.

Deuteronomio 18:20

Jo̧kwaijayonö bakwo̧, yöawobö wetököjayonö, Dios yöawi̧ yöbawo̧sa̧ jö̧ba̧lö jojodönö yöawitjö̧ma, jo̧banö kwabö lotjobö ja̧kobe, yöawobö wetököjayonö, Dios yöawi̧ yöbawo̧sa jö̧ba̧lö omöna yöa̧lobetjö̧. Ja̧danö, ju'wibi, bakwo̧, –Ju'wedö tjösödawö̧ diosbedö yötjawi̧ yöbawo̧sa, jobadö yötjawi̧ma baikwö yötawaduwakwö, –jö̧ba̧lö yöawitjö̧ma, jo̧banö kwabö lotjobö ja̧kobe, –jö̧ba̧lö yöawinobe Diosma.