Juan 19:6 - Dios Iwene

⁶ Ja̧danö, judío jojodö tjuluwedö, Diostjö jojodötjö ö'weje pjabatadötjö la'aka luwedöma, guardia jojodöbi, Jesúsnö edö: —Towisa'onö bȩbö kwujunaduwonö— jwötjeba̧linobe. Jejenö jwötjeba̧liökwe: —Ökwödöda towisa'onö bȩbö kwujunaduwo. Ötjöma lȩtebökö, sulabenö ja̧ina jwiobetjö̧— jö̧a̧linobe.

Juan 19:6 Iomraidhean Croise

Mateo 26:58

Jobekwö tji̧'yonö, Pedrobi tjökömanö ödökwönönö i̧'yinobe, ö'weje pjabatadö la'aka tjuluwo̧ eju a̧petube, ja̧danö a̧petu tjöekwemi okwa teachinobe. Tebachajo̧, o̧do te'ada̧ladökwö ba̧nö ite'ada̧linobe, Jesúsnö baledakwa̧ öwaisobö.

Mateo 27:22

Tjatadökwe: —¿Jo̧kwajabetjö̧ dakwö ja̧takwa̧da bite Jesucristo ötjabökwenö?— jö̧ba̧lö Pilato abebö a̧ja̧kwinobe. Aebawö̧, okobe deinö tjatadinobe: —Towisa'onö bȩbö kwabö loköbonö— jö̧ba̧lö.

Mateo 27:24

Pilatoma jojodö labinö jwötjeba̧lobe edö, öwaisinobe, Jesúsnö kwabö lotjoko jö̧ba̧lö yöta̧lijayonö, tja̧ja̧kwökena, ja̧danö atjebi̧danö ja̧tökötjö̧ma, ölakwabikwawö tjölabena jö̧ba̧lö. Jo̧kwajabetjö̧, ojwiyo tjichejebobö weinobe, ja̧danö jojodö tjöba a'o ja̧nö ömamiju dichawö jojodönö yöawinobe: —Bite ökwösobu chömamutjö dichö lobo̧sa. Jo̧ba woakwa̧ma ötjö ja̧ti̧maökö, ökwödö ja̧köbaduwi̧da— jö̧ba̧lö.

Lucas 23:4

Ikenama Jesúsnö abebö a̧ja̧kwajo̧, Pilatoma ö'weje pjabatadö la'aka tjuluwedönöbi jojodö ko̧ko̧kwajadönöbi yöawinobe: —Ötjö chedemi bitema wene jwibo̧. Jo̧banö lȩteboböma jwiobe— jö̧ba̧lö.

Juan 18:3

Jo̧kwaobetjö̧, Judasma romano jojodötjö guardianöbi, Diostjö jojodötjö ö'weje pjabatadötjö la'aka luwedö wetjajawö̧nöbi, fariseo jojodö wetjajawö̧nöbi öbibö i̧'yinobe jobe batjobema. Ja̧danö, la̧pa̧la̧yu̧biyanöbi, dejewa'yu̧biyanöbi deja̧lö tji̧'yinobe. Ja̧danö, tokwötebiyabi, ö̧'i̧ya kwakwatjakwa̧ ö̧'i̧yabi do̧ba̧lö tji̧'yinobe Jesúsnö do̧tjatobö.

Juan 18:31

—Ökwödöda jawa. Ökwödöda yöbawaduwi jo̧banö lȩkebaduwakwa̧ma, lȩkebaduwobö wetjinadanö— jö̧a̧liawö̧: —Ökwödö romano la'aka luwedöma weköbaduwokobe jojonö ö'wö baibanö lȩdeboböma. Ökwödö romano jojodöda jojonö ö'wö baibanö lȩbebadö, towisa'onö bȩbö— jö̧tja̧linobe, Pilatoda ö'wö baibanö lȩekwa yöawobö ösödö.

Juan 18:38

Jejenö yöawiökwe: —Isabenö ji̧ jawama ¿tajijö? Bakwo̧bi deobe isabenö ji̧ jawa waiso̧ma— jö̧a̧linobe Pilatoma. Ikenama yemidanö ejutjö labebö yöawinobe judío jojodönö: —Bitema sulabenö ja̧bö̧kö̧. Lȩtebobö jwia— yöawinobe—.

Juan 19:15

—Towisa'onö bȩbö kwujunaduwo e'ewaduwinö— jwötjeba̧liökwe: —¿Jejenö kwösadaduwiji̧? ¿Kwuluwo̧duwinö bȩbö tjujuno wetobö kwösödaduwiji̧?— abebö a̧ja̧kwiawö̧: —Duluwo̧bökö bitema. Ökwödö Duluwo̧ma Césarda. Jelo̧ma deobe— jö̧tja̧linobe Diostjö jojodötjö ö'weje la'aka pjabatadöma.

Juan 19:4

Pilato, eju okwa tebachajo̧ma, yemidanö ejutjö labebö jojodönö yöawinobe: —Bite Jesúsnö bena öbibö tjujunobo wetocha, kwedaduwobö. Yötawaduwakwö, jo̧ba sulabenö ja̧inama chedökö. Jwiobe. Ja̧danö, jo̧banö lȩteboböma jwiobe— yöawinobe Pilatoma judío jojodönöma.

Hechos 2:23

Ina yöbawijetö: —Ökwödöma sulabedönö weköbaduwijatö ösötenö bȩtjobö Jesúsnöma, ö'wöchinö baibanö. Ja̧ weköbinaduwima Diosma la'akatjöda waisijetö. Diosma la'akatjöda Jesúsnö baledakwa̧ waisö, omukwatö junijetö Jesúsnöma.

Hechos 7:52

Da'dödöminema, Dios yöawi̧ yöbawinadönö sulabenö ja̧tjinobe. Bakwo̧bi deobe sulabenö ja̧tjinökökwema. Dioskwö wene jwibo̧ ichakwa̧ yöbawinadönöbi kwabö lobijadötö. Babema ökwödöma da'dödöminema Dios yöawi̧ yöbawinadönö sulabenö ja̧tji̧danö ökwödöbi ja̧köbaduwijatö. Ja̧danö, ökwödöma Dios yöawi̧ yötjawinökwenö sulabenö iyö loköbaduwijadötö tjö'wötobö webö.