Juan 19:42 - Dios Iwene

⁴² Jenada tjödinobe Jesúsnöma, ö'wö baibajelö yöneawenada. Judío jojodö tjotidökö möle baledakwa̧ abönö möleobetjö̧, yenada tjödinobe, ödöma e'ewökönö.

Juan 19:42 Iomraidhean Croise

Isaías 53:9

Jo̧banö kwabö lobajadö, sulabenö ja̧badönö lödawemi tjo̧tjobö jö̧tja̧linökwe, jo̧kwaijayonö ö'wö baibenama, nöinö juna̧ladökwö tjo̧tji̧nökwe. Jojodönö suli̧ öwaedinököjayonö, ja̧danö ja'yubebi omöna yöa̧linököjayonö,

Mateo 12:40

Jonás mikwo̧ma wa̧pötakwa mölebi wa̧pötakwa yö̧tebi baledibanö ba̧i̧so̧ nöbo̧ ukwa'wo okwa a̧jö öbaledinobe, ¿jö̧tö? Ja̧danö, ötjö jojo baibanö jeminökwebi wa̧pötakwa mölebi, wa̧pötakwa yö̧tebi baledibanö, nijinö tjo̧tjajökwe niji okwa ba̧nö chöbaledakwo̧sa— jö̧ba̧lö yöawinobe Jesúsma.

Juan 19:14

Ja̧ mölema ina bakwöta möle jwiinobe Dios mö öbaledina pjiesta tjukwi̧ möle baledakwa̧ma. Ja̧danö, jweinö ö̧jobe, Pilato lȩekwa yöbawö ba̧kwawakanö ba̧nö judío jojodönö jwöeba̧linobe: —Kwuluwo̧duwinö edaduwi— jwöeba̧linobe. Jejenö jwöeba̧liawö̧:

Juan 19:20

Ja̧danö, ba̧jekwadö judío jojodöma, ja̧ iwȩyudaja̧ tjedinobe, jobe Jesúsnö ösötenö bȩbö tjujuninenama comunidad yöneawinö ji̧nobe. Ja̧danö, ja̧ iwȩyudaja̧ma hebreo tjiwenenöbi, romano jojodö tjiwenenöbi, griego jojodö tjiwenenöbi iwȩyudinobe, ba̧jekwadö edö tjöwaisobö.

Juan 19:31

Ja̧danö, ja̧ mölema Dios mönö baledina pjiesta tjukwi̧ baledakwa̧ abönö möle. Ja̧danö, pjiesta kwanö mölema, jwiinö inesö möle, judío jojodö tjotidökö mölebi ji̧nobe. Jo̧kwaobetjö̧ jwiinö inesö möleinobe. Inesö möleobetjö̧ judío jojodöma tjöpöjödinobe ösötenö bȩtjajawö̧ ina tjö̧jobö, ja̧ mölema. Jejenö tjöpöjödobetjö̧ Pilatonö wetjinobe ömöayedönö weobö towisa'onö bȩbö tjujunajawö̧ tji̧se'bijunö kwakwabö tji'delobö, juluwanö ö'wö batjibanö. Jejenö juluwanö ö'wö babibajadönö towisa'otjö meatö tje'ewobö tjösödinobe judío jojodöma.

Juan 19:41

Ja̧danö, jobema, Jesúsnö towisa'onö bȩbö a̧lapedö tjujuninemima, batjo ji̧nobe. Batjo ö'öböma i̧lȩdo̧ ji̧nobe, 'yayemi, ina bakwo̧nöbi lödawökemi.

Hechos 13:29

Ikenama okobe jwiinö Jesúsnö baledakwa̧ tjiwȩyudinama badekwachajena ju'wedöma Jesúsnö, ö'wö babibajo̧nöma ösötetjö meatö e'ewö lödijadötö i̧lȩdo̧nö.

1 Corintios 15:4

Ja̧danö jo̧banö tjo̧tjinobe, ja̧danö jemi ikenama wa̧pötakwa möle baledibajenama, woawatjö tjeachajinobe Dios iwene laebi̧danö.

Colosenses 2:12

Jau chömöledö, Diosma ökwödönö ubu̧datinobedanö ichejekwa, Cristokwö i̧lȩdo̧ okwa ökwödönöbi tjo̧tjinö ja̧bö. Ja̧danö, Diosma isabenö juluwo̧ jö̧ba̧lö kwösödaduwiökwe, Cristonö woawatjö tjeachajinö ja̧binama ökwödönöbi Cristokwö tjekachajaduwinö ja̧inobe.