Juan 19:40 - Dios Iwene

⁴⁰ Ja̧danö, Jesús ö'wö babibajo̧nö meatö sawana'wonö jwatjebinobe, söinö nöekwi̧ jawa sa̧sa̧tja'wonö. Jejenö judío jojodöma ja̧biatjinobe ö'wö babibajadönö.

Juan 19:40 Iomraidhean Croise

Génesis 50:2

Ikenama webijetö wobinadönö te'ada̧ladönö titjatobö wotjököjaye.

Mateo 26:12

Ötjöma juluwanö ö'wö batibakwo̧sa chömöledö, ja̧danö bisu ja̧jaja̧ma, ötjönö tjo̧tjakwa̧ abönö ja̧awa otiwanö ja̧jajabe ötjönö ösödö.

Marcos 14:8

Bisu isuju tojebi̧ma otiwanö omukwatö jujuna̧li̧tjö tojebatö ötjönöma. Ötjönö omeasobu chuunö tojebaja̧ma wobajo̧ tjödakwo̧nö totjebi̧danö ötjönöma tobebuju, wotakwo̧nöma.

Lucas 24:12

Jo̧kwaijayonö, yötjawi̧ tjösödököjayonö, yayonö Pedroma i̧lȩdo̧ edö ö'öbakwawö i̧'yinobe, ja̧danö i̧lȩdo̧be ichibö, bȩbachibö okwa edinobe, ja̧danö edö sule sabana'wotjö kȩekwado̧ Jesúsnö jwatjebinado̧ iteba'o jwiado̧da edinobe. Ja̧danö, jejenö edibö Pedroma ȩwa̧jinobe, ja̧ma taji baledaja̧jö jö̧ba̧lö omukwatö.

Juan 11:44

Jejenö jwöökwe jo̧ba ö'wö babibinama laebinobe ömamijubi ömasapiyabi öbabi kamijido̧ jwabawo̧da. Jesúsma jenada ju̧kwadönö weinobe: —Ejatö lobaduwinö icho— weinobe.

Juan 12:7

Judas jejenö yöawiökwe Jesúsma: —Jo̧kwadanö tobebö dubebuju. Bisuma wobinadönö söinö nöekwi̧ jawa omeasobunö tobebö dutjebi̧danö ötjönö, wotakwo̧nöma dubebuju— jö̧a̧linobe Jesúsma, itedada ö'wö baibakwa̧ yöba̧lö—.

Hechos 5:6

Ikenama ö'wöchibajo̧nö möayedöma ichibö jwabijadötö kamijido̧nö. Jwabajadö, i̧lȩdo̧be e'ewö lödijadötö.