Juan 19:31 - Dios Iwene

³¹ Ja̧danö, ja̧ mölema Dios mönö baledina pjiesta tjukwi̧ baledakwa̧ abönö möle. Ja̧danö, pjiesta kwanö mölema, jwiinö inesö möle, judío jojodö tjotidökö mölebi ji̧nobe. Jo̧kwaobetjö̧ jwiinö inesö möleinobe. Inesö möleobetjö̧ judío jojodöma tjöpöjödinobe ösötenö bȩtjajawö̧ ina tjö̧jobö, ja̧ mölema. Jejenö tjöpöjödobetjö̧ Pilatonö wetjinobe ömöayedönö weobö towisa'onö bȩbö tjujunajawö̧ tji̧se'bijunö kwakwabö tji'delobö, juluwanö ö'wö batjibanö. Jejenö juluwanö ö'wö babibajadönö towisa'otjö meatö tje'ewobö tjösödinobe judío jojodöma.

Juan 19:31 Iomraidhean Croise

Éxodo 12:16

Ja̧danö, ja̧ ba'ali jelemutjö̧ dötölataja mölebiyatjö ajayi mölebi, ja̧danö 'dö̧ibaji̧ mölȩbi wainö kwujunaduwo, ötjönö ösödö kwo̧ko̧ko̧kwaduwobö. Ja̧danö, ja̧ ba'ali̧ ajayi mölebi, 'dö̧ibaji̧ mölebi kwo̧ko̧ko̧kwaduwi mölema kwotidaduwoko, kwu̧kwaduwakwa̧da kwotidaduwoböma otiwa.

Proverbios 12:10

Ju'wibi yötawa: Dios wei̧ a̧ja̧kwö jo̧ma lȩ lö̧jinö edö otiwanö ite'ada̧lobe a̧jwi̧mu̧nöma. Jobekwö ite'ada̧lokobe sulabenö omukwato̧ma. Sulabenö omukwato̧ma a̧jwi̧mu̧nöma lȩ lö̧jökönö edo̧, te'ada̧lökönö.

Mateo 27:62

Jemi ikena möle, judío jojodö tjotidökö mölema, Diostjö jojodötjö ö'weje pjabatadö la'aka tjuluwedöbi, fariseo jojodöbi Pilato öba a'o ko̧ko̧kwö

Marcos 15:42

Ja̧ möle, Jesús ö'wöchina mölema, bakwo̧, José mikwo̧, Aramea comunidad jojo ichijetö. Ja̧ möle, otikwökö möle baibakwa̧ abönö möle, ida̧ökö yi̧bena baibena ichijetö Joséma. Jo̧bama judío jojodö la'aka luwedötjö bakwo̧, ju'wedö judío jojodötjö la'aka luwedökwö yöba̧lakwawö ba̧jibo̧. Ju'wedö judío jojodöma Josénö, Otiwanö omukwato̧, jö̧ba̧lö, tjomukwatökwe. Tjösödökwe. Jo̧bama Dios La'aka Luwo̧ ö̧jakwa̧ möle baibenanö te'ada̧lina. Jo̧bama yebabökönö Pilato ö̧bobe tebachibö abebijetö iteda, Jesúsnö meatö e'ewö i̧lȩdo̧nö ödobö.

Juan 19:1

Ikenama guardia jojodöma Pilato weawö̧ Jesúsnö labinö kwakwatjinobe, oma'anö, 'diasonö.

Juan 19:14

Ja̧ mölema ina bakwöta möle jwiinobe Dios mö öbaledina pjiesta tjukwi̧ möle baledakwa̧ma. Ja̧danö, jweinö ö̧jobe, Pilato lȩekwa yöbawö ba̧kwawakanö ba̧nö judío jojodönö jwöeba̧linobe: —Kwuluwo̧duwinö edaduwi— jwöeba̧linobe. Jejenö jwöeba̧liawö̧:

Juan 19:42

Jenada tjödinobe Jesúsnöma, ö'wö baibajelö yöneawenada. Judío jojodö tjotidökö möle baledakwa̧ abönö möleobetjö̧, yenada tjödinobe, ödöma e'ewökönö.

Josué 8:29

Ja̧danö, Hai comunidad la'aka luwo̧nö kwabö lobö, iteba'o towinö öninobe Josuema, yö̧te baibenanö kabatö. Ja̧danö, yö̧te baibenama, Josuema weinobe, iteba'o towitjö emö, comunidad apjude ji̧nena ikwö lotjobö, ja̧danö ikwö lobajadö, wamenö inawiya tjödobö, mö japopo baibanö. Ja̧danö, babe mölebi, ja̧ mö japopoma, ina Haitjö bo̧be.