Juan 19:19 - Dios Iwene

¹⁹ Ja̧danö, Pilato ja'yuwötenö iwȩyudaja̧ma, Jesús imi jawa, bȩbebö tjuninobe Jesúsnö bȩtjajötenö, Jesús uu möakwöchobe. Baikwö wȩyudina ji̧nobe: Bite Nazaret jojo Jesúsma judío jojodö tjuluwo̧, jö̧ba̧lö, iwȩyudaja̧ bȩbebö tjujuninobe.

Juan 19:19 Iomraidhean Croise

Mateo 2:23

Ja̧danö, Galilea nijibe 'ya̧nö, Nazaret comunidadnö tjö̧jinobe. Ja̧ baledi̧ma Dios yöawi̧ yöbawadö Dios weakwo̧nö tjiwȩyudinadanö baledinobe. Baikwö laebobe Dios iwene, damötjö tjiwȩyudinama: Jo̧banö Nazaret jojo ötjabikobe, jö̧ba̧lö laebobe.

Mateo 27:37

Jesús uu wame wȩyukwöte bȩbebö tjöninobe: —Bite Jesúsma, judío jojodö la'aka tjuluwo̧obetjö̧, towisa'onö bȩbö dönökwe— jö̧ba̧lö.

Marcos 15:26

Jesús uu möakwöchobe ösötenö, ja'yuwötenö wȩyukwöte bȩbebö junijadötö, Bitema judío jojodö tjuluwo̧, jö̧ba̧lö, wȩyukwöte uu möakwöchobe.

Lucas 18:37

Abebö a̧ja̧kwawö̧, yötjawinobe: —Jesús Nazaret jojoma öbaledobeta. Jo̧bama babeda öbaledobe— jö̧ba̧lö.

Lucas 23:38

Ja̧danö, Jesús uu wame, bȩkwöte ji̧nobe: Bitema judío jojodö la'aka tjuluwo̧, jö̧ba̧lö wȩyukwötema.

Juan 1:49

—Ba̧ja̧dakwawa jojo, ökwöma Dios Itji̧ja. Ökwöma Israel jojodö tjuluwo̧ja— jö̧a̧linobe Natanaelma.

Juan 18:33

Ikenama Pilato yemidanö eju okwa tebachö weinobe ömöayedönö, Jesúsnö tjichejebobö. Ja̧danö, tjichejebökwenö abebö a̧ja̧kwinobe: —¿Ökwödaji̧ judío jojodö tjuluwo̧ma?— abebö a̧ja̧kwiökwe:

Juan 19:12

Jejenö a̧ja̧kwaja̧ ikena Pilatoma Jesúsnö laebobö ösödijayonö judío jojodöma öpöjödö labinö jö̧tja̧linobe Pilatonö: —Jo̧banöma labebökönuwi. La'aka luwo̧ César öpöjödena— jö̧tja̧linobe—. Ja̧danö ökwöma Césarnö öpöjödo̧ bakibena jo̧banö lakebitjö̧ma. Bitema la'aka luwo̧bököjayonö, La'aka luwo̧sa, jö̧ba̧lö, yöa̧lobe. Ja̧danö, César a̧ja̧kwitjö̧ma öpöjödena jejenö yöa̧li̧ma iteda la'aka luwo̧obetjö̧—jö̧tja̧linobe judío jojodöma Pilatonö.

Juan 19:14

Ja̧ mölema ina bakwöta möle jwiinobe Dios mö öbaledina pjiesta tjukwi̧ möle baledakwa̧ma. Ja̧danö, jweinö ö̧jobe, Pilato lȩekwa yöbawö ba̧kwawakanö ba̧nö judío jojodönö jwöeba̧linobe: —Kwuluwo̧duwinö edaduwi— jwöeba̧linobe. Jejenö jwöeba̧liawö̧:

Juan 19:21

Ja̧danö, judío jojodötjö la'aka luwedö, Diostjö jojodötjö ö'weje pjabatadötjö la'aka luwedöma tjöpöjödinobe ja̧ iwȩyudaja̧ma. Öpöjödö jö̧tja̧linobe Pilatonö: —Jejenöma kwiwȩyudobö jwiobe, Bitema judío jojodö tjuluwo̧, jö̧ba̧löma. Ökwödö duluwo̧bökö itema. Baikwö wȩyudi: Bitema Judío jojodö tjuluwo̧sa, jö̧ba̧lö, laebijayonö judío jojodö tjuluwo̧bö̧kö̧. Jejenöda wȩyudi— atjebinobe judío jojodö la'aka luwedöma Pilatonö.

Juan 19:3

Ja̧danö, jo̧banö omöna tjo̧'wo̧ sulinö waneda̧lö obö, Dokwa judío jojodö tjuluwo̧, jö̧ba̧lö, tjömamijunö kwakwatjinobe.

Hechos 26:9

Ina jö̧ba̧lijetö Pabloma Agripanö: —Chuluwo̧, ötjöbi belö chomajadenö omukwatiachijatö, Aaa, Jesús, Nazaretnö da̧peachinanö ösödadönö inia tjötjinö ja̧tobö jobe, jö̧ba̧lö, omukwatiachijatö.

Hechos 3:6

Jo̧kwaijayonö Pedroma jö̧ba̧lijetö jo̧banöma: —Ötjöma orobi, platabi jwibo̧sa. Jo̧kwaijayonö, chujuna̧li̧tjö pjatatokwö. Jesucristo Nazaretnö da̧peachina ujulunö wetakwö: ¡A̧laibö 'ya̧wi!— jö̧ba̧lijetö.