Juan 19:15 - Dios Iwene

¹⁵ —Towisa'onö bȩbö kwujunaduwo e'ewaduwinö— jwötjeba̧liökwe: —¿Jejenö kwösadaduwiji̧? ¿Kwuluwo̧duwinö bȩbö tjujuno wetobö kwösödaduwiji̧?— abebö a̧ja̧kwiawö̧: —Duluwo̧bökö bitema. Ökwödö Duluwo̧ma Césarda. Jelo̧ma deobe— jö̧tja̧linobe Diostjö jojodötjö ö'weje la'aka pjabatadöma.

Juan 19:15 Iomraidhean Croise

Génesis 49:10

Ina yöbawijetö: —Isabenö yötawa, Judá: Ökwötjö tupadanö jojodöma ba̧kwȩlöjatebö la'aka luwedö webö tjuju̧kwakwedö. Jejenö webö tjö̧bakobe bakwo̧, inesö la'aka luwo̧ ichenanö kabatö. Jo̧ba inesö la'aka luwo̧ma okobe deinö jojodö tjuluwo̧ ö̧jakwo̧— yöbawijetö Jacobma itji̧ Judánöma.

Mateo 22:17

Jejenö döwaisobetjö̧, kwomukwati̧ yökawobö dösödobe, ¿Moisés iwȩyudinama dakwö laebobeda? Roma jojodötjö inesö la'aka luwo̧ Césarnö impuesto ötjabi̧ balada ¿dimidobö jo̧beji̧, dimidobö jwiobeji̧? Jweinö yökawobö dösöda, otiwojobö, sulojobö döwaisobö— jö̧ba̧lö abebö tja̧ja̧kwinobe.

Lucas 23:18

Jejenö yöawiawö̧, öpöjödö bakobe jwötjeba̧linobe: —Bitenö kwabö lobö, Barrabásnöda ejatö lakebo— jö̧ba̧lö.

Juan 18:31

—Ökwödöda jawa. Ökwödöda yöbawaduwi jo̧banö lȩkebaduwakwa̧ma, lȩkebaduwobö wetjinadanö— jö̧a̧liawö̧: —Ökwödö romano la'aka luwedöma weköbaduwokobe jojonö ö'wö baibanö lȩdeboböma. Ökwödö romano jojodöda jojonö ö'wö baibanö lȩbebadö, towisa'onö bȩbö— jö̧tja̧linobe, Pilatoda ö'wö baibanö lȩekwa yöawobö ösödö.

Juan 19:6

Ja̧danö, judío jojodö tjuluwedö, Diostjö jojodötjö ö'weje pjabatadötjö la'aka luwedöma, guardia jojodöbi, Jesúsnö edö: —Towisa'onö bȩbö kwujunaduwonö— jwötjeba̧linobe. Jejenö jwötjeba̧liökwe: —Ökwödöda towisa'onö bȩbö kwujunaduwo. Ötjöma lȩtebökö, sulabenö ja̧ina jwiobetjö̧— jö̧a̧linobe.

Hechos 13:28

Jau, jobadöma, Jerusalénnö ju̧kwadöma, Jesús woo jö̧ba̧löma jwiijayonö Pilatonö abebijadötö, Jesúsnö kwabö loköbaduwo, jö̧ba̧lö.

Hechos 22:22

Pabloma jejenö yöawawö̧ judío jojodöma ajayinö a̧ja̧kwa̧löda bi̧jadötö. Jo̧kwaijayonö, Judío jojodöböködönöda yötawobö weinobe, jö̧ba̧lö, yöawiawö̧ jwiinö tjo̧'wo̧ sulachibanö jwöbeba̧lijadötö, Kwabö lodonö, jö̧ba̧lö.