Juan 19:13 - Dios Iwene

¹³ Pilatoma jejenö a̧ja̧kwaja̧ ikena Jesúsnö tjichejebobö jwöinobe. Ja̧danö, Pilatoma wa̧kwawakanö ö̧binobe, lȩekwa yöbawo̧ wa̧kwawakanö. Jena, ba̧kwawaka jenama, inawiyatjö otikwemi. Griego tjiwenenö, El Enlosado, jö̧ba̧lö, mikwemi. Ja̧danö, hebreo tjiwenenö, Gábata, jö̧ba̧lö, mikwobe.

Juan 19:13 Iomraidhean Croise

Proverbios 29:25

Ja̧danö, ju'wibi yötawa: Jojodö ökwönö tjo̧mukwati̧ma kwomukwatoko, ayö dakwö tjo̧mukwatobejö̧ ötjönöma, jö̧ba̧lö. Jobekwö kwomukwataja̧ma ökwödada 'daliwanö tjö̧li̧bidanö kwö̧libobö wanekwachobe. Jobekwö omukwatökönö, Isabenö Jo̧nöda kwo̧'wo̧ wa̧na̧lö kwö̧jitjö̧ma yebabökönö otiwanö kwö̧jakwo̧ja.

Isaías 57:11

Chömöledö israel jojodö, tinö yekabinaduwada? O̧'wo jawa jwiinö yekabiduwobetjö ötjönö omöna yöka̧laduwaji̧? Tajawedö ötjönö kwo̧'woduwi jwikibaduwaja̧da, ja̧danö, —Dios ösödi̧ma di̧yajö, —jö̧ba̧lö tajawedö omukwatökönö kwö̧jaduwobeda? Lekwe möle ötjöma wi̧inö ja̧nö, ökwödönö lȩbebökönö chiteada̧lobetjö̧, ötjönö yebaböködö bakibaduwaji̧?

Mateo 27:19

Pilatoma jobe lȩekwa yöbawo̧ iteaka wa̧kwawaka ö̧bena, ju'wibi baledinobe, ilekwoma jo̧banö yötjawobö wejinobe: —Bite Jesúsnö, sulabenö ja̧bö̧kö̧nö lȩkeba, chilekwe. Jo̧da yö̧te jo̧banö sulabenö chi̧'wi̧dikwobetjö̧ nöinö usula chemawatö— jö̧ba̧lö yötjawobö wejinobe Pilato ilekwoma.

Lucas 12:5

Jelo̧nöda isabenö juluwo̧ Diosnöda yekabiduwobö jo̧be chömöledö. Diosma ökwödö kwiteba'oduwibi kwabö loobö juluwo̧, jo̧kwaijayonö ja̧damaökö. Jau chömöledö, Diosma tupakwöbi juluwo̧. La'aka luwo̧obetjö̧ kwabö lobajo̧ ökwöla nöolabe ikwö looböbi juluwo̧ chömöledö, jo̧kwajabetjö̧ jo̧banöda yekabiduwobö jo̧be, Diosnöda— jö̧ba̧lö yöawinobe.

Juan 19:17

Jejenö weawö̧ guardia jojodöma Jesúsnö öbibö tji̧'yinobe. Jesúsma jobe 'ya̧nö towisa'o e'ewinobe, itenöda bȩbö tjujunakwötema. Jöte e'ewö i̧'yinobe, mö'ösa'obe, hebreo tjiwenenö Gólgota mikwa'obe, tjuusöseba'o, jö̧ba̧lö.

Juan 19:20

Ja̧danö, ba̧jekwadö judío jojodöma, ja̧ iwȩyudaja̧ tjedinobe, jobe Jesúsnö ösötenö bȩbö tjujuninenama comunidad yöneawinö ji̧nobe. Ja̧danö, ja̧ iwȩyudaja̧ma hebreo tjiwenenöbi, romano jojodö tjiwenenöbi, griego jojodö tjiwenenöbi iwȩyudinobe, ba̧jekwadö edö tjöwaisobö.

Juan 19:8

Jesús, Dios Itji̧sa, jö̧ba̧lö, yöa̧lina yötjawiökwe Pilatoma yeabinobe yelösöda. Ajayinö yebabinö ö̧jajemitjö o̧penönö yeabinobe, Bitenöma lȩtebökena, jö̧ba̧lö.

Juan 5:2

Jobe, Jerusalénnöma, ojwese'dodanö ji̧nobe, ojwe ibawe'doma. Je'do imima Betzatá, hebreo tjiwenenö. Je'doma töekwemi apjude ji̧nobe, o̧bȩja̧dö teachakwawade mikwade. Ja̧danö, jade tebachö ibawe'do ödökwönönö löwötebiya ji̧nobe, bakwamu jawa ötebiya, jali̧ löwötebiyama.

Hechos 4:19

Jejenö lȩtjebijayonö Pedro, Juan jö̧ba̧lijadötö: —Dios öba a'otjö, jweinö ja̧dakwa̧ma ¿diya̧da? ¿Dakwö kwomukwataduwa? Ökwödöma, Jesús jawama yökawaduwoko, jö̧ba̧lö, weköbaduwobe, jo̧kwaijayonö Diosma wainö webo̧, yödawobö. Kwomukwataduwena ¿diya̧tjö ja̧dakwa̧da?