Juan 18:9 - Dios Iwene

⁹ Jejenö jö̧ba̧lö iteda ajayinö yöawina badekwachinö jö̧a̧linobe. Ajayinö aebinobe Abe'do Diosnö, Bidö, ökwö kwiyinawö̧nö chite'ada̧lobe Chabe'do tjo̧'wo̧ luwo̧nö jelobekwö tji̧'yapji jö̧ba̧lö.

Juan 18:9 Iomraidhean Croise

Juan 17:12

Ina aebinobe: —Bidö, ökwö kwiyinawö̧kwö ja̧nö ökwö kwujulunö te'ada̧liachijatö Chabe'do, tjo̧'wo̧ luwo̧nö jelobekwö tji̧'yapji, jö̧ba̧lö. Jo̧kwaijayonö bakwo̧ma jelobekwö ile'dewibijatö, ba̧kwȩlö̧jatebö usula emawakwo̧ baibanö. Jo̧banöma damötjö Dios yöawi̧ tjiwȩyudinobe. Ja̧ tjiwȩyudinama badekwachinö jo̧bama jelobekwö ile'dewibijatö— aebinobe Jesúsma Abe'donö—.

Juan 18:8

—Ida̧ökö yötawatö, Ötjödasa, jö̧ba̧lö. Jo̧kwaobetjö̧, ötjönöda kwisakwaduwitjö̧ma bidö, ötjökwö kwebachadönö tjȩwa̧jobö webaduwi— jö̧a̧linobe Jesúsma.

Juan 6:39

Ja̧danö, ötjönö webo̧ ösödi̧ma biya̧: Ötjönö iyawö̧nö, okobe deinö, tjö̧jibinö pjatatobö ösödobe, bakwo̧bi ö̧jibökönö. Ja̧danö, ötjönö webo̧ Chabe'doma, 'dö̧ibaji̧ möle baledena ötjönö iyawö̧nö yemidanö tjetjachajinö pjatatobö weobe. Jejenö pjatatobö ötjönö webo̧ Chabe'do ösödi̧ma.