Juan 18:33 - Dios Iwene

³³ Ikenama Pilato yemidanö eju okwa tebachö weinobe ömöayedönö, Jesúsnö tjichejebobö. Ja̧danö, tjichejebökwenö abebö a̧ja̧kwinobe: —¿Ökwödaji̧ judío jojodö tjuluwo̧ma?— abebö a̧ja̧kwiökwe:

Juan 18:33 Iomraidhean Croise

Mateo 27:11

Jesúsma gobernador öba a'o ö̧jinobe, ja̧danö gobernadorma Jesúsnö abebö a̧ja̧kwinobe: —¿Ökwöma judío jojodö la'aka tjuluwo̧köbiji̧?— jö̧ba̧lö. Aebökwe: —Ökwöda yöka̧lajabe— jö̧ba̧lö atadinobe Jesúsma.

Mateo 27:27

Ikenama gobernador ömöayedö guardia jojodöma Jesúsnö öbibö tji̧'yinobe guardia tjö̧jejube, ja̧danö okobe deinö jobe ju̧kwadö guardia jojodönö jwötjinobe Jesúsnö edö tjichobö.

Marcos 15:2

Ikenama Pilatoma abebö a̧ja̧kwijetö Jesúsnö: —Ökwöma judío jojodö tjuluwo̧köbiji̧?— abebö a̧ja̧kwijetö. Jejenö abebö a̧ja̧kwökwe Jesúsma atadijetö. —Jau, ökwö jö̧ka̧li̧ma— atadijetö.

Lucas 23:2

Ja̧danö Pilato öba a'o junajadö Jesúsnö wanedö yötja̧linobe: —Bite Jesúsnö lȩkebo Pilato, sulabo̧obetjö̧. Baikwö sulabenö ja̧obe dedijatö: Ditebo jojodönö sulabenö öbibö yöawinobe, inesö la'aka luwo̧ César mikwo̧nö impuesto jawa balada dimidoko, jö̧ba̧lö. Ja̧danö ju'wibi yöawinobe, Ötjödasa Dios weakwo̧ jö̧a̧linökwe Israel jojodö la'aka tjuluwo̧ma, jö̧ba̧lö. Jejenö yöbawö inesö la'aka luwo̧ César mikwo̧ wei̧ tjöpöjödobö sulabenö öibobe— jö̧ba̧lö Jesúsnö wanedö yötjawinobe Pilatonö.

Juan 1:49

—Ba̧ja̧dakwawa jojo, ökwöma Dios Itji̧ja. Ökwöma Israel jojodö tjuluwo̧ja— jö̧a̧linobe Natanaelma.

Juan 12:13

Jo̧kwaobetjö̧ walie ö̧ji̧yadanö 'wibebajadö do̧ba̧lö e'ewö Jesús ichobekwö tji̧'yinobe. Ja̧danö Jesús ichobe edö jwötjeba̧linobe: —Bitenöda dösödonö, Otiwanö jo̧, jö̧ba̧lö. Duluwo̧ Dios weinökwenö, Israel jojodö tjuluwo̧nöma dösödo, Otiwanö icha, jö̧ba̧lö— jwötjeba̧linobe.

Juan 12:15

Ökwödö Israel jojodönö yötawa. Yekabiduwa. Ökwödö kwuluwo̧duwi, bulu itji̧nö wa̧nö ichobetjö̧, yekabiduwa, jö̧ba̧lö, damötjö Dios yöawi̧ yöbawinadöma tjiwȩyudinobe.

Juan 18:34

—¿Ti yöawaja̧da, Bitema judío jojodö tjuluwo̧, jö̧ba̧löma? ¿Ökwöda omukwatö jö̧ka̧liji̧ jejenöma? ¿Jelo̧ jejenö yöawaji̧?— abebö a̧ja̧kwiökwe:

Juan 18:37

Jejenö yöawiökwe Pilatoma: —Jo̧kwaobetjö̧ ¿yöka̧liji̧, Ötjöma jojodö tjuluwo̧sa, jö̧ba̧lö?— abebö a̧ja̧kwiökwe: — Jweinö yöka̧la. Ötjöma jojodö tjuluwo̧sa. Ja̧danö, ötjöma, böjȩnö ju̧kwadö tjuluwo̧ batibobö, isabenö ji̧ jawa yöbawö chojo'do jeminökwesa. Jejenö batibobö chichijatö böjȩkwö, böjȩnö ju̧kwadö tjuluwo̧ batibobö, isabenö ji̧ jawa yöbawö. Isabenö ji̧ jawa isakwadöma ötjö isabenö ji̧ jawa yötawi̧ma a̧ja̧kwö ösödadö— yöawinobe Jesúsma.

Juan 18:38

Jejenö yöawiökwe: —Isabenö ji̧ jawama ¿tajijö? Bakwo̧bi deobe isabenö ji̧ jawa waiso̧ma— jö̧a̧linobe Pilatoma. Ikenama yemidanö ejutjö labebö yöawinobe judío jojodönö: —Bitema sulabenö ja̧bö̧kö̧. Lȩtebobö jwia— yöawinobe—.

Juan 19:12

Jejenö a̧ja̧kwaja̧ ikena Pilatoma Jesúsnö laebobö ösödijayonö judío jojodöma öpöjödö labinö jö̧tja̧linobe Pilatonö: —Jo̧banöma labebökönuwi. La'aka luwo̧ César öpöjödena— jö̧tja̧linobe—. Ja̧danö ökwöma Césarnö öpöjödo̧ bakibena jo̧banö lakebitjö̧ma. Bitema la'aka luwo̧bököjayonö, La'aka luwo̧sa, jö̧ba̧lö, yöa̧lobe. Ja̧danö, César a̧ja̧kwitjö̧ma öpöjödena jejenö yöa̧li̧ma iteda la'aka luwo̧obetjö̧—jö̧tja̧linobe judío jojodöma Pilatonö.

Juan 19:3

Ja̧danö, jo̧banö omöna tjo̧'wo̧ sulinö waneda̧lö obö, Dokwa judío jojodö tjuluwo̧, jö̧ba̧lö, tjömamijunö kwakwatjinobe.

Juan 19:4

Pilato, eju okwa tebachajo̧ma, yemidanö ejutjö labebö jojodönö yöawinobe: —Bite Jesúsnö bena öbibö tjujunobo wetocha, kwedaduwobö. Yötawaduwakwö, jo̧ba sulabenö ja̧inama chedökö. Jwiobe. Ja̧danö, jo̧banö lȩteboböma jwiobe— yöawinobe Pilatoma judío jojodönöma.

Juan 19:9

Ja̧danö yemidanö eju okwa tebachö Jesúsnö abebö a̧ja̧kwinobe: —¿Kwiteboma daida?— abebö a̧ja̧kwijayonö Jesúsma atadökökwe:

1 Timoteo 6:13

Timoteo, okobe deinö ja̧kwawa iyo̧ma Diosda, ja̧danö Cristo Jesúsda otiwanö Pilatonö isabenö wene yöbawinama. Ja̧danö, Dios öba a'otjö, ja̧danö Cristo Jesús öba a'otjö ja̧nö,