Juan 18:20 - Dios Iwene

²⁰ Jejenö aeba̧liökwe: —Ötjöma ba̧kwȩlö̧jatebö jojodö tjeda̧lonö yöbawiachijatö. Judío jojodö ba̧nö tja̧ja̧kwa̧leju okwa ja̧nö yötawijatö. Dios eju okwatjöbi ba̧kwȩlö̧jatebö yöbawiachijatö jojodö tjeda̧lonö. Ju̧kwawibö ja̧nöma yötawijökötö.

Juan 18:20 Iomraidhean Croise

Isaías 45:19

Ötjöma jweinö yötawajabe, yötawi̧ tojata̧lökönö wajuwanö yötawajabe. Yȩa'wo jȩmi nijitjö, tja̧ja̧kwokonö yötawijökötö, ja̧danö Jacob itji̧mu tupadanö jojodönö yötawijökötö, —Ötjönö isakwö kwö̧jaduwi̧ma, mikwawökakobe, —jö̧ba̧löma. Jobekwö yöbawinö̧kö̧sa chömöledö, ötjöma Isabenö Jo̧sa, otiwanö yötawo jö̧ta̧li̧danö yöba̧lo̧sa, omöna yöba̧lökönö, isabenö weneda yöba̧lo̧sa.

Isaías 48:16

Chö̧jobekwö yöne ichibö, yötawi̧ kwa̧ja̧kwaduwo chömöledö. Ötjöma la'akatjöda tja̧ja̧kwokonö yöbawö̧kö̧sa, öwawinö baledakwa̧ yöbawo̧sa, ja̧danö ba̧kewelöjatebö yötawaja̧danö badekwachinö otidö lobo̧sa, jö̧ba̧lö yöawobe Diosma, Juda jojodönö. Ja̧danö chömöledö, babema Isabenö Jo̧ Diosma ötjönö weajabe, Dios O̧'wo Luwo̧ma ötjönö weajabe, iteda yöawi̧ ökwödönö yötawobö.

Mateo 24:26

Ja̧danö jojodöma ökwödönö, Edajaduwi, Dios weakwo̧ jö̧a̧linökwema jojodö deobe jo̧, jö̧ba̧lö yötjawitjö̧ma, jobema 'yö̧könaduwi. Ja̧danö, Edaduwi, bejunö jo̧, jö̧ba̧lö yötjawitjö̧bi ösödökönaduwi.

Mateo 26:55

Ikenama, Jesúsma jo̧banö do̧tjatobö ichajadönö abebö a̧ja̧kwinobe: —Naukwabo̧ labo̧danö chichejekwobetjö̧, ¿kwölöte'ijukwö ja̧danö ö̧'iyakwö ichejebö ötjönö do̧batö kwichaduwaji̧? Mölekwena Dios ejutjö ba̧nö jojodönö chöba̧ja̧dijatö. ¿Tajawedö jobetjö ötjönö do̧katinaduwöködaja̧?

Mateo 26:65

Jejenö yöa̧lökwe, ö'weje pjabatadö la'aka tjuluwo̧ma ökamijido̧ kȩ'ekwö lobö yöa̧linobe: —Bitema Diosnö sulabenö yöa̧lajabe. Ökwödöma ökwödöda dölakiyunö jo̧ba sulabenö yöa̧laja̧ da̧ja̧kwobetjö̧, ju'wedö jo̧ba sulabenö ja̧ina edinadönö abebö da̧ja̧kwobö jwiobe, ökwödöda da̧ja̧kwajabetjö̧.

Mateo 4:23

Galilea niji bakwameachibanö kweachinobe Jesúsma. Judío jojodö ba̧nö tja̧ja̧kwa̧lejubiya tebachiabö öba̧ja̧dinobe, ja̧danö otiwa jawa wene yöbawö kweachinobe, Dios la'aka luwo̧ ö̧jakwa̧ jawa wenema, ja̧danö okobe jwiinö jojodö tjö'wöchi̧, ja̧danö tjime'dawi̧ otidö loinobe.

Mateo 9:35

Jesúsma okobe jwiinö ja̧ niji bakwameachibanö kweachinobe, okobe jwiinö jobe comunidadtenia 'ya̧nö. Ba̧nö tja̧ja̧kwa̧lejutenia ba̧jadö, ja̧danö jelobetenia yöbawö kweachinobe, otiwa jawa wene Dios la'aka luwo̧ ö̧jakwa̧ jawa wene yöbawö, ja̧danö okobe jwiinö tjö'wöchi̧, ja̧danö usula tjemawi̧ otidö loinobe.

Marcos 8:32

Itenöda baledakwa̧ma jweinö yöbawijetö Jesúsma iteda öba̧ja̧di̧ waisachadönöma, tjöwaisachibobö. Jejenö yöawi̧ a̧ja̧kwö Pedroma, Jesús jö̧a̧laja̧ jwiinö öpöjödö, Jesúsnö ju'wedö tjuju̧kwelö öbibö itekwöda 'ya̧wibö jö̧ba̧lijetö: —Chuluwo̧, sulabenö yöka̧la— jö̧ba̧lö.

Lucas 21:37

Mölekwena Jesúsma Dios ejube 'ya̧nö jojodönö öba̧ja̧dinobe, ja̧danö yötekwena Olivos mö'ösa'o ötjaba'obe ȩwa̧jö, jobe abinobe.

Juan 18:21

Jo̧kwaobetjö̧ ¿tajawedö ötjönöma akeba̧la yötawinama? Ötjö yötawi̧ a̧ja̧kwinadönöda abebö a̧ja̧kwi. Tjöwaisobe jobadönö yötawinama— atadinobe Jesúsma la'aka luwo̧nöma.

Juan 6:59

Jejenö yöawinobe Jesúsma, Capernaúmnö ja̧nö, judío jojodö ba̧nö tja̧ja̧kwa̧leju okwatjö.

Juan 7:14

Ja̧danö, pjiesta ö'wejenö baledena Jesúsma ichibö teachinobe Dios eju okwa, yöbawö.

Juan 7:26

Jo̧kwaobetjö̧ kwabö lotjobö tjomukwatobema ¿dakwö yöawobö benama, okobe deinö tjö̧jobema? ¿Tajawedö la'aka luwedöma yöawobö wetjobeda? Jobadöma tjomukwatena, Bitema Dios weinökwe, jojodö tjö̧jibinö pjaatobö weinökwe, jö̧ba̧lö.

Juan 7:28

Ja̧danö Jesús, Dios eju okwa ja̧nö, jojodö tjomukwati̧ waisö labinö yöawinobe: —Isabenö ¿ötjönö kwöwaisaduwiji̧? Ötjö chitebo kwöwaisaduwiji̧, ötjö chichinemima?— abebö a̧ja̧kwinobe—. Ötjö chomukwati̧da ja̧tobö chichinokobe baima. Ötjöma Dios, isabenö jo̧ weinökwesa. Chedemi ökwödöma jo̧banö wajwiköbaduwobe— yöawinobe—.

Juan 7:4

Isabenö bakwo̧, jojodö iteda ujulu i̧sebi̧ma tjöwaisachibobö ösöditjö̧ma jojodö tjedökönö otidökena ¿jö̧tö? Tjedoböda i̧sebo̧, tjöwaisachibanö. Jo̧kwaobetjö̧, ja̧ kwujulu kwotidi̧ma okobe deinö tjedobö kwi̧sebo— jö̧tja̧linobe Jesús ö̧ja̧wo̧döma.

Juan 8:2

Ju'wi dewachö, jobetjö jwibachö, yȩayi, Dios ejube yemidanö yöbawö i̧'yinobe. Jojodöma ba̧jekwadö a̧ja̧kwö tjichinobe. Ja̧danö, Jesúsma ba̧nö ichajadönö yöawinobe.

Juan 8:26

Ja̧danö, ökwödö kwusuladuwi̧ edö lȩekwa wene yötawobö ji̧jayonö babema jejenöma yötawokobe. Babema ötjönö webinanöda, jo̧ba yöawi̧da yötawobe böjȩ jojodönö. Jo̧ba webinama isabenö jo̧— jö̧a̧linobe Jesúsma.

Hechos 26:26

Ja̧ Jesúsnö yötawaja̧ma duluwo̧ Agripa ida̧ökö öwaisobe. Jo̧kwaobetjö̧ yebabökönö yötawajabe jo̧banöma. Jesúsnö yötawaja̧ma okobe deinö tjöwaisena, duluwo̧ Agripabi, ja̧ baledinama jojodö wajwitjinöma baledinokobetjö̧— jö̧ba̧lijetö Pabloma Festonö.