Juan 18:18 - Dios Iwene

¹⁸ Ja̧danö, jobe tjöekwemi a̧petubetjö Caifás ömöayedöbi, guardia jojodöbi tiyuwawö̧ ökwöla tjujuwinobe. Jola ökwöla ubena 'yöbakwö ba̧nö tjite'ada̧linobe. Pedrobi jobadökwö ba̧nö 'yöakwinobe.

Juan 18:18 Iomraidhean Croise

Génesis 49:6

Ja̧danö, ko̧ko̧kwö ba̧nö yöka̧lakwawaduwobe ju'wedönö kwabö lököbaduwakwa̧ma. Isabenö yöta̧la: Ökwödökwö ba̧nöma yöta̧lökö. ¡Yelösöda labidöja! Labidököbaduwobetjö̧ ju'wedönö bulabinö loköbinaduwobe. Ja̧danö, sulabenö obö pa̧ka̧yönö dȩdȩköbinaduwobe tji̧se'bijunö, kwetjachökönö ji̧nö. ¡Sulabenö omukwatadöja!— yöbawijetö Jacobma i̧tji̧mu Simeónnö, Levínö.

1 Reyes 19:9

Ja̧danö, Sinai mösa'obe ichibajo̧, inawa ötöla okwa teachinobe Eliasma, ja̧danö ötöla okwa abinobe ja̧ yö̧te. Jemi ikenama, inawa ötölanö ö̧jemi ja'ötjö, Isabenö Jo̧ma iteda yöa̧li̧ yöa̧linobe Eliasnö, —Elias, tajawedö bai kwö̧jobeda? —jö̧ba̧lö.

Proverbios 13:20

Ju'wibi yötawa: Bakwo̧ ba̧kwȩlö̧jatebö jweinö omukwatadökwö ko̧ko̧kwö ö̧jitjö̧ma jo̧babi jweinö omukwato̧ ö̧jakwo̧. Jobekwö ö̧jokobe omukwatöködökwö ko̧ko̧kwö jo̧ma. Omukwatöködö ba̧kwȩlö̧jatebö ko̧ko̧kwö jo̧ma usula emawö ö̧jakwo̧.

Marcos 14:54

Jobe tji̧'yobema Pedroma ökömanö ödökwönönö 'yi̧jetö. 'Ya̧jo̧ jeju a̧petunönöda ichibijetö. Ichibö ökwölanö ba̧nö 'yöbakwijetö ju'wedökwö, Diostjö jojodötjö ö'weje la'aka pjabato̧ ömöayedökwö.

Marcos 14:67

Jobujuma edijotö Pedronö, ökwöla 'yöbakwö bo̧nö. Jo̧banö edö jö̧ba̧lijotö: —Ökwöbi Jesús Nazaret jojokwö kwebacho̧ja— jö̧ba̧lijotö.

Juan 18:25

Ja̧danö, Simón Pedro jobe ja̧nö 'yöakwinobe. Jobe ja̧döma Pedronö jö̧tja̧linobe: —Ökwöma, ite tje'ewökwe ömöayo̧köbiji̧?— abebö tja̧ja̧kwiökwe —Ötjömaökö—jö̧a̧linobe Pedroma.

Juan 18:3

Jo̧kwaobetjö̧, Judasma romano jojodötjö guardianöbi, Diostjö jojodötjö ö'weje pjabatadötjö la'aka luwedö wetjajawö̧nöbi, fariseo jojodö wetjajawö̧nöbi öbibö i̧'yinobe jobe batjobema. Ja̧danö, la̧pa̧la̧yu̧biyanöbi, dejewa'yu̧biyanöbi deja̧lö tji̧'yinobe. Ja̧danö, tokwötebiyabi, ö̧'i̧ya kwakwatjakwa̧ ö̧'i̧yabi do̧ba̧lö tji̧'yinobe Jesúsnö do̧tjatobö.

Juan 21:9

Ja̧danö, tjolanö lamatö, isowitjö mebibö tjedemi ökwöla tjedinobe, ö̧kwö̧'i̧a̧tjöda ubola, ba̧i̧ söawola. Panbi tjedinobe.

Hechos 4:23

Ja̧danö, latjebajawö̧ma tjömöledö Jesúsnö ösödadö tjuju̧kwobekwö ȩwa̧jijadötö. Jobadönö yöbawijadötö okobe jwiinö Diostjö jojodötjö ö'weje la'aka pjabatadö yötjawaja̧bi, damö yötjawaja̧bi.

1 Corintios 15:33

Ja̧ wene, omöna jawa wene ösödökönaduwi chömöledö. Baikwö yötawaduwakwö: Sulabenö ja̧badökwö kwuju̧kwaduwitjö̧ma, ökwödöbi sulabenö ja̧badö bakibaduwena.