Juan 18:1 - Dios Iwene

¹ Jesúsma Abe'donö aebaja̧ ikena iteda öba̧ja̧di̧ waisachadökwö ojwe öibajinena pebibö i̧'yinobe. Jödöma, Cedrón mikwödö. Pebibajadöma batjonö tjichibinobe.

Juan 18:1 Iomraidhean Croise

Génesis 2:15

Ikenama Isabenö Jo̧ Diosma jojonö junijetö Edén batjonö, jayu otidobö, ja̧danö, ja̧nö ite'ada̧lobö.

Génesis 3:23

Jo̧kwaobetjö̧ Edén batjotjö a'dewö lobijetö Isabenö Jo̧ Diosma jojonöma, nijitjö otidinökwenöma, ilekwokwö jelobe niji otidö ö̧jobö.

2 Samuel 15:23

Jejenö tjöbaledonö, jobe ju̧kwadö jojodöma labinö tjubudekwinobe tjuluwo̧ Davidnö, ja̧danö la'aka luwo̧ Davidbi, jo̧bakwö 'ya̧döbi Cedron mikwödö pebibö, jojodö deobekwö tji̧'yinobe.

1 Reyes 15:13

Ju'wibi, Asa a̧'do̧ Maca mikwujuma ajayinö la'aka luwuju jö̧jinajayonö, inesö la'aka luwuju jö̧jemitjö jwibatö ujuninobe Macanö, inesö suli̧ jawa, tjösödoko Asera mikwujunö ösödakwawa'o sulabenö jotidinobetjö̧. Ja̧danö, ju'wibi jotidina Aseranö ösödakwawa'o jubö loinobe Asama, jadanö jubö lobajo̧, Cedron wabekotjö juwö loinobe.

1 Reyes 2:37

Jau Simi, belö labebö, Cedron wabeko baledö, tupakwö kwi̧'yitjö̧ma, isabenö ö'wö bakibakwo̧ja, ja̧danö ja̧ ö'wö bakibakwa̧ma, ökwöda jawa ja̧kobe, —jö̧ba̧lö yöalinobe Salomonma.

2 Reyes 23:12

Ju'wibi, ajayinö ji̧nadö Juda la'aka luwedöma inesö la'aka luwo̧ ejutjö, la'aka luwo̧ Acaz ö̧jineko̧ mösȩko̧ wame, iyawemi tjotidinobe, ja̧danö Josias a'dö Manasesma, Isabenö Jo̧ eju a̧petunö, bakwachobebi, bakwachobebi iyawemibiya otidö ujunininobe. Jo̧kwaijayonö ja̧ a'dödö tjotidina iyawemibiya 'dabebö loinobe Josiasma, ja̧danö 'do'dobö lobajo̧, ja̧ iyawemibiya i̧so̧pjama, Cedron ojwenö ikwö loinobe.

2 Reyes 23:4

Jemi ikenama la'aka luwo̧ Josiasma weinobe, la'aka ö'weje pjabato̧ Hilciasnöbi, ju'wedö ö'weje pjabatadönöbi, Isabenö Jo̧ eju apjude teada̧ladönöbi weinobe, okobe jwiinö ju'wedö tjösödawö̧nö ösödakwawa jawa dȩja̧piya Isabenö Jo̧ ejutjö latjebobö, Baalnö ösödakwawa jawabi, Aseranö ösödakwawa jawabi, mölejȩnö löjadönö ösödakwawa jawabi. Ja̧danö ja̧ latjebaja̧ jawama, Jerusalen comunidad ö'öbökwöchobe, Cedron wabeko pjeanö juwö loinobe Josiasma, ja̧danö juwö loaja̧ ökwölaso̧pjama, Betel comunidadbe e'ewö loinobe.

2 Reyes 23:6

Ja̧danö ju'wibi tjösödoko Asera ötjaboko jo̧'wo jawama, Isabenö Jo̧ ejutjö laebinobe, ja̧danö Jerusalen comunidad ö'öbökwöchobe e'ewinobe, ja̧danö Cedron ojwe ö'öbö e'ewajo̧, juwö loinobe. Ikenama, juwö lobajo̧, o̧'wo jawatjö ji̧baja̧ma, 'dobö loinobe, i̧so̧pja baibanö, ja̧danö wobiako jȩna ja̧ ökwölaso̧pjama ikwö loinobe.

Mateo 26:30

Ikenama, lo̧awa Diosnö lo̧bajadö, jobetjö labebö Olivo ötjaba'o mö'ösa'obe tji̧'yinobe.

Mateo 26:36

Ikenama, Jesúsma iteda öba̧ja̧di̧ waisachadökwö Getsemaní mikwobe i̧'yinobe. Jobe ichibö, iteda öba̧ja̧di̧ waisachadönö weinobe: —Bena ba̧nö te'ada̧laduwi, ötjöma yai tupakwö 'ya̧nö Diosnö atebonö— jö̧ba̧lö.

Marcos 14:26

Ikenama, Dios iwenetjö lo̧awa lo̧bibö Olivo mö'ösa'obe 'yi̧jadötö.

Marcos 14:32

Ikenama Jesúsma iteda öba̧ja̧di̧ waisachadökwö ichibijadötö Getsemaní batjo ö'öbönö. Jobe ja̧nö Jesúsma jö̧ba̧lijetö öba̧ja̧di̧ waisachadönö: —Benada ba̧jaduwi. Te'ada̧laduwi, Diosnö yöta̧lakwawajonö— jö̧ba̧lijetö.

Marcos 14:42

A̧laibaduwi dȩwa̧jaduwo. Ötjönö iyö lotjakwo̧ma ida̧ökö sulabedökwö ichajabe. Dedajaduwo— jö̧ba̧lijetö.

Juan 14:31

Ja̧danö, ötjöma Chabe'do ötjönö weina otiwanö chö̧jakwo̧sa böjȩnö ju̧kwadö tjöwaisachibobö, Isabenö itema abe'donö jwiinö ile nibebo̧, jö̧ba̧lö. Tjo̧wi̧ta belöma di̧'yaduwo— yöawinobe Jesúsma öba̧ja̧di̧ waisachadönöma.

Juan 18:26

Ja̧danö bakwo̧, Diostjö jojodötjö ö'weje la'aka pjabato̧ ömöayo̧ abebö a̧ja̧kwinobe Pedronö: —¿Jo̧dama batjotjö chedajökweköbiji̧, tje'ewakwo̧nö do̧tjatenama?— abebö a̧ja̧kwinobe. Jo̧bama Pedro 'wiebajökwe ömöledöso̧, ölakiyu 'wiebajökwe. Jejenö abebö a̧ja̧kwiökwe:

Hechos 21:11

Jo̧bama ökwödö dö̧jobekwö 'ya̧wibö Pablo u̧kwa koleasö̧jȩ jȩbatibö iteda ömajamijunöbi, ömasapiyanöbi jwaawijatö, Dios O̧'wo̧ Luwo̧ jo̧ba o̧'wo̧ luwo̧nö yöawi̧ i̧sebö. Jwabawö Pablonö jö̧a̧lijatö: —Pablo, Dios O̧'wo̧ Luwo̧ma ötjö cho̧'wo̧ luwo̧nö yöawatö, baikwö: Böjȩ koleasö̧jȩ ötjö Agabo jwabawö chö̧ji̧danö, böjȩ u̧kwa koleasö̧jȩ nönawo̧nöma Jerusalénnö ju̧kwadö judío jojodöma jwatjakwo̧, judío jojodöbököbönö tjiyobö, jö̧ba̧lö— i̧sebö yöawijatö Agaboma.